LA TOURTO I PIGNOUN

 

 

Ço qu’es necite :

 

130 gramo de farino blanco

1 saquet de levuro

75 gramo de burre

50 gramo de pignoun

50 gramo d’amelo en poudro

70 gramo de sucre rous e un saquet de sucre vaniha

1 iòu entié e 1 rousset pèr daura la pasto

2 cuié de la

1 pessu de sau

1 vèire à liquour de roum.

 

 

Lou biais de faire

 

Dins uno sartan faire just daura à se 30 gramo de pignoun pèr la pasto.

Sus uno taulo faire uno font emé la farino, la levuro, lou sucre rous e lou vaniha, un pessu de sau, li pignoun just daura e la poudro d’amelo, lou burre esmouli, lou roum e l’iòu entié.  Pasta à la man.

Estira la pasto espesso d’un gros det e pausa dins un mole bura. Daura lou dessus emé lou rousset d’iòu alounga emé lou la. Marca de rego emé li pivo d’uno fourqueto, apoundre li pignoun pèr adourna. Faire couire à four caud à la debuto pièi beissa pèr li 10 minuto de la fin.

 

Aquesto galeto seco, proun servanto, èro un especialita de Pertus. La pastissarié Maurel la fasié despièi 1829, aro a barra boutigo e la recèto s’es perdudo. Après enquisto avèn assaja de s’en aproucha lou mai poussible

 

Majouralo Glaudeto Occelli (Pertus)

Leva dóu libre « Lou Peiròu e la Sartan » – Li Reguignaire dóu Luberoun.