La Panado

 

 

Ço qu’es necite :

 

200 gramo de farino

50 gramo de sucre

1 saquet de levame desliga dins un vèire de la

1 iòu ( e un autre pèr daura)

1 pessu de sau

50 gramo de burre

Tres o quatre poumo e bessai un pau d’aigo.

 

Lou biais de faire :

 

D’en proumié alesti la pasto en mesclant dins un tian l’iòu e lou sucre, la farino e lou burre. Pasta dóu bout di det. Apoundre lou levame, pasta tourna-mai. Leissa pausa la pasto pèr que gounfle. Pièi l’estira, n’en garni uno tourtiero qu’aurés burrado, empli de poumo raspado (e de rasin s’acò vous agrado).

Acaba emé de crousihoun de pasto.

Couire à four mié caud uno ouro au mens.

Aquesto preparacioun se pòu faire emé de pasto pèr lou pan.

S’atrobo dons l’uba de Vau-Cluso e parèis sus la taulo calendalo.

 

Lou Peiròu e la Sartan  - Li Reguignaire dóu Luberoun