Cansouneto pèr pantaia

 

Uno cansouneto

just pèr pantaia

ço que sara ma vido

e un pau pèr canta.

 

Quouro sarai grando

aurai un oustau

em’ uno prado verdo

davans pèr moun chivau.

 

Tres catarineto

pèr li fa voula,

quatre o cinq cabreto

pèr agué de la.

 

Un camp de cardello

pèr mi lapin blanc,

un vièi four de pèiro

pèr me fa lou pan.

 

Moun chin davans la porto

à se souleia,

ma cato negro e blanco

que jamai mourira.

 

Uno chaminèio

em’ un fiò de gavèu,

d'ami davans la flamo

que monto dins lou cèu.