Ce texte est paru dans l'Armana Prouvençau de 1999.
En cliquant sur le bouton vous pourrez entendre Claude Coste de lire (mais avec quelques changements)
S’AVÈS DOUI VACO
S’avès doui vaco souto d'un gouvernamen Prouvençau
Vouàstei vaco manjaran d'erbo, verdo, fresco e sanido
Béuran d'aigo puro e entendran lei pichot parla prouvençau.
Mai aco es bessai qu'un pantai !
S’avès doui vaco souto d'un gouvernamen papafardié
Lou gouvernamen vous demandara de rempli un doursié pèr
touca uno primo pèr aumenta la prouducien de la.
Au bout de quàuqueis an, vous demandara de rempli un
autre doursié pèr demeni la prouducien de la.
Mai coumo li aura tròu de la vous faudra rempli un doursié
pèr tua la mita de vouàstei vaco !
S’avès doui vaco souto d'un gouvernamen teinoucrati
Lou gouvernamen vous demandara de vèndre vouàstei vaco à la
pèr croumpa doui vaco clounado, que en plaço de faire de la
faran direitamen de buèrri, mai coumo li aura tròu de
buèrri, noumaran un moussu vaco !
Éu vous acounseiara de vèndre vouàstrei vaco à buèrri,
E croumpa doui vaco clounado à froumàgi !
S’avès doui vaco souto un gouvernamen capitalisto
Metrés vouàstei vaco en bourso. L'argènt gagna lou plaçarés en Souisso.
Vous avisarés que dins lei païs dóu trelus, lou pres de revèn es
bèn meiour, mandarés vouàstei vaco à "Taiwan" e lou la
arrivara en Franço meiour marcat, que lou la de Franço !
Saurrés à la "chut-chut" que va li agué uno "OPA" sus lei vaco.
Croumparés doui vaco en "douço" mai sarés mes en
eisamen e coundana pèr delit d'inicia !
S’avès doui vaco souto d'un gouvernamen de gaucho
Vouàstei vaco faran de la pendènt trento-cinq ouro,
Lou resto dóu tèms anaran si souleia à Sant-Troupés !
S’avès doui vaco souto d'un gouvernamen ecoulougisto
Sourtirés la vaco blanco lei jour par
E la vaco rousso lei jour impar
Lou gouvernamen vous dira l'erbo que lei vaco duvon manja encuei,
aquelo que duvon manja deman e vous dira tambèn
ounte duvon ana "caga" ! Poudrés ni lei móuse, ni lei tua !
S’avès doui vaco souto d'un gouvernamen inglés
Manjaran pas d'erbo, manjaran de cervello de moutoun !
E vendran foualo, lei faudra tua, mai pas tant "couioun"
manjarés pas la viando!
La vendrés à vouàstei vesin e lou gouvernamen dira rèn !
S’avès doui vaco souto d'un gouvernamen american
Lou presidènt "vióulara" la pastresso,
Sara pas un "Watergate" mai un "Vacogate" !
S’avés doui vaco souto d'un gouvernamen oumouseissuau
Vouàstei vaco si maridon e adóuton un vudèu !
S’avés doui vaco souto d'un gouvernamen militàri
Vouàstei vaco marcharan au pas, lou gouvernamen prendra lou la,
E fara de vous un sourdat !
S’avès doui vaco souto d'un gouvernamen fascisto
Lou gouvernamen prendra vouàstei vaco e sarés fusiha !
S’avés doui vaco souto d'un gouvernamen prouvençau
Vouàstei vaco manjaran d'erbo fresco e sanido,
Béuran d'aigo puro e entendran lei pichot parla prouvençau
Se si dounan la man : bessai que sara pas un pantai !
Glàudi COSTE