Pour inaugurer cette rubrique voici un poème écrit pas René Imbert le père de notre Cabiscòu.

Poème paru dans l'Armana Prouvençau de 1959 et lu par Jean-Luc Domenge

 

 

Moun coutèu

 

Moun coutèu, moun óutis,

Te sente aqui de-longo dins ma pòchi,

Toujour preste à me servi.

Tu siés moun ami.

 

Coutèu, siés esta fa

Pèr toun travai, coume lou chin pèr mordre.

Chapla, escoutela,

Trauca es toun pres-fa.

 

Tu me copes lou pan

Segur, que fai la forço de ma vido,

E lou copes bèn plan

Pèr miés me leva la fam.

 

Mai, qu’un agnèu calu,

Lou péu foulet, mande la tèsto à rèire,

Ié desbrides lis iue

Pèr que soufrigue pus.

 

E, tambèn dóu cabrun

Panardejant se fau coupa la bato,

Te trove aqui pas liuen

Pèr ié douna li siuen.

 

S’un  jour vole coupa

Un tetaire pèr me servi de cano

Se ai d’escrincela

Sèmpre siés devoua.

 

Coutèu, ami coutèu,

Siés umble e simple e siés causo perfèto ;

Pèr ta formo siés bèu.

T’ai croumpa pèr Ramèu.

 

Reinié IMBERT - En Camargo, au mas de Mihet