PROUVÈNÇO

 

À  la sousto d’un platano cascaio uno fouant

Mounte l’aigo claro dei mountagno capito au plan.

Dei couloumbo li vouletejon sènso relàmbi,
Lei drole se n’en aprouchon ‘mé fouaço frenèsi

Fasènt fugi eilamount l’alegro cantadisso

Que si recato sus lou rebord de la téulisso.

 

Lou soulèu si faufielo, mut, dins li carriereto

E rescaufo l’ome dins la frescour matiniero.

Eibelugo lei flour blanquinello deis amelié.

Puei vèn lampeja d’escoundoun eis abord dóu clouchié,

Se marrido ‘mé lou mistrau pèr faire roudeja

Lou fuiage d’argènt deis óulivié e lou blad.

 

Sus la grand palço à l’oumbro d’aubre seculàri

Lou marcat es alesti ‘mé sa chourmo de badaire.

De sentour embriaganto courron d’en pertout,

Un reviéure de jouvènço dins li couar esperdu.

Aquelo Prouvènço s’esviho au pichoun matin

Quand li blànqui couloumbo s’envoulon disn lou jardin.

 

 

Doumenico Briand