LEI ARTICLE

 

I – L’ARTICLE DEFINI

 

Masculin, singulié : lou (le), lou cèu (le ciel), lou blad (le blé)

Femenin, singulié : la (la), la terro (la terre), la platano (le platane)

Masculin e feminin plurau : lei (les), lei mount e lei plano (les monts et les plaines).

 

Remarco :        a) coumo en francés, s’elidon davans uno voucalo : l’astre (l’astre ou le destin) , l’estello (l’étoile), l’anchoio (l’anchois)  (e noun pas lou astre, la estello, la anchoio).

                        b) L’article plurau « lei » si càmbio en « leis » davans uno voucalo (pèr la  liesoun) : leis oustau (les maisons), leis aigo sumo (les eaux basses, à la mer)

                        c) l’article disparèis :

• dins d’espressien prouverbialo (coumo en francés) :

          Contentamen passo richesso (contentement vaut mieux que richesse)

          Simplesso dóu couar assabouro le vido (la simplicité du cœur donne de la saveur à la vie)

 

• dins leis espressien geougrafico (mountagno, flume, ribiero) :

           Faroun es tapa (le Faron est couvert)

           Coudoun a soun capèu, Nouastro-Damo a soun mantèu, pren ta capo e courre lèu ! (Le Coudon a son chapeau, Notre-Dame des Anges a son manteau, prends ta cape et cours bien vite ! )

            Entre Rose et Durènço (entre le Rhône et la Durance)

            Lou sourgènt de Caràmi es abena (la source du Caramy est tarie)

            À Freju, Argèns a vessa (à Fréjus l’Argens a débordé)

 

L’article s’apounde davans de noum d’oustau (ancienamen) :

           Lou Jaque dóu Lu (Jacques du Luc)

           La Roubaudo de la Bastido-Novo (la femme de Roubaud de la Maison-Neuve)

 

• Dins la tournuro prouvençalo que redis pas lou noum, l’article remplaço alor : aquéu, aquelo :

           Jan a adu dous paquet, lou miéu e lou de Jóusè (Jean a apporté deux paquets, le mien et celui de Joseph)

           Coumo leiçoun aprendrés la de la pajo 23 (comme leçon vous apprendrez celle de la page 23)

 

 

II – L’ARTICLE COUNTRATA

 

Masculin, singulié : au (au)

Femenin, singulié : à la (à la)

Masculin e feminin plurau : ei vo eis davans uno voucalo (aux)

 

Masculin, singulié : dóu (du)

Femenin, singulié : de la (de la)

Masculin e feminin plurau : dei vo deis davans uno voucalo (des)

 

 

Anaren au Lu en revenènt dóu marcat (nous irons au Luc en revenant du marché)

Si sian asseta ei quatre vènt (nous nous sommes assis en plein vent)

Pàrli pas en tu, pàrli eis escoulan (je ne parle pas de toi, je parle aux écoliers)

Lou cant dei gau débuto la fugido deis ouro de la journado (le chant des coqs débute la fuite des heures de la journée)

•  

 

III – L’ARTICLE  INDEFINI

 

Masculin, singulié : un (un)

Femenin, singulié : uno (une)

Masculin e feminin plurau : de (des)

Un batèu (un bateau), uno barco (une barque), de velo (des voiles)

 

• « de » s’elido davans uno voucalo : d’ome soun vengu (des hommes sont venus)

• L’article « ùnei » es uno óuriginaleta nouastro, s’emplègo pèr lei causo que van pèr parèu (par paires) : ùnei moustacho, ùnei bano, ùnei braio, ùneis estenaio (les moustaches, les cornes, le pantalon, les tenailles).

  Lou rescountren tambèn coumo ajeitiéu indefini, emé lou sèns de « à pau près » : ai rescontra ùnei douge poumpié (j’ai rencontré une douzaine de pompiers)

•  

 

IV – L’ARTICLE  PARTITIÉU  de, d’

 

            Es mau eisa de lou bèn coumprendre ; lei debutant lou mesclon emé l’article defini countrata, pèr ço que la diferènci es pas marcado en francés. S’emplego davans un noum masculin, feminin, singulié vo plurau, quand parlas d’uno partido d’un tout que determino, vo enca quaucarèn de pas defini ; mai veguen d’eisèmple :

            Douno-mi de pan, màngi de figo, buvon d’aigo (donne-moi du pain, je mange des figues, ils boivent de l’eau) ; fau coumprendre que prenès pas tout lou pan, manjas pas tóutei lei figo qu’eisiston e nimai buvon pas touto l’aigo. La grosso deco es de tradurre aqui pèr dóu.

            Es ana querre de sablo (il est allé cherché du sable) ; que sablo ? quant de sablo ?

            Quand l’article es davans un noum em’ un coumplemènt que lou determino, pòu arriba que l’article partitiéu siegue remplaça pèr l’article countrata, mai dins la lengo parlado es pas uno règlo assouludo.

            Douno-mi de vin, d’amelo (donne-moi du vin, des amandes)

            Douno-mi dóu vin de tei souco (donne-moi du vin de tes vignes), deis amelo de toun jardin (des amandes de ton jardin).

            Mi sèrvi de soupo (je me sers de la soupe)

            Mi sèrvi de la soupo que mama vèn de couina (je me sers de la soupe que maman vient de cuisiner)

            Douno-mi d’uou (donne-moi des œufs) ; mai si dira tambèn : douno-mi deis uou de tei galino (donne-moi des œufs de tes poules) pulèu que douno-mi d’uou de ti galino.

 

 

V – SINTÀSSI PROUVENÇALO

 

• Li a d’espressien curiouso coumo : aquéu vin a dóu tap (ce vin a le goût de bouchon),

• Dins lis espressien coumo « la boite aux lettres », l’article « ei » es remplaça pèr « dei ». Vaqui d’eisèmple :

  La bouito dei letro(la boîte aux lettres)

  La fiho dei péu negre (la fille aux cheveux noirs)

   

VI – EISERCÌCI 

 

Un pau vèire s’avès bono coumpreneto. Avisas-vous bèn :

• Que lei noum prouvençau an pas toujour lou meme gènre qu’en francés, pèr eisèmple : 

• Soun masculin : afaire (affaire), aràngi (orange), armàri (armoire), cèndre (cendre), cuié (cuillère), dàti (datte), estable (étable), estùdi (étude), image (image), òli (huile), reloge (horloge), rescontre (rencontre), tourdre (grive)… (n’i’a bèn d’autre).

• Soun femenin : anchoio (anchois), bolo (bol), cebo (oignon), chifro (chiffre), figuiero (figuier), ginèsto (genêt), lèbre (lièvre), messorgo (mensonge), ounglo (ongle), platano (platane), sablo (sable), sau (sel), serp (serpent), etc….

• An li dous gènre : caud (chaud), fre (froid), fam (faim), souam (sommeil)…

 

• Coume lou plurau dei noum es pas marca dins nouastro grafìo, fau recerca d’endico dins lou countèste ; pèr eisèmple : lou verbe au singulié vo au plurau douno lou rensignamen sus lou noum sujèt, adounc sus l’article que lou determino.

 

TAPO-TRAU : apoundès l’article counvenènt :

 

•  … voulur, troubant que … afaire van pas bèn, demandon … autorita d’èstre descarga de…patènto à parti …proumié…an.

  (Les voleurs trouvant que les affaires ne vont pas bien, demandent à l’autorité d’être déchargés de la patente à parti du premier de l’an).

   

• Troubarié pas …aigo …mar (Il ne trouverait pas d’eau à la mer)

  Ti crèbon … uei (Ils te crèvent les yeux)

  Mando … man darriero … segound rang … proumiero tiero … tresième estagiero, à man gaucho  … gardo-raubo, e souto … quatrième lançòu troubaras … bas long.  Es aquito que … sèrri (La Sinso) (Envoie la main derrière le second rang de la première rangée de la troisième étagère, à main gauche de la garde-robe e sous le quatrième drap tu trouveras un long bas. C’est la que je les range (les couverts)).

   

• Armana … païsan

  Trinca … amourié, derraba … erbo  … òdi  e … civado, samena … carbe, … moustardo blanco, samena sus coucho … meloun, … cougourdo, … secòri ; en pleno terro … caulet de touto meno, … cachoflo, … brocòli, … groumandoun, … juvert, … charfuei, … rifouart, … espinarc, leva … fiho … cachouflié ; metre … bèsti ...verd, arrousa … souar.

  (Almanach du paysan

  Piocher à la houe les mûriers, arracher l’herbe dans les orges et les avoines, semer le chanvre, la moutarde blanche, semer sur couche les melons, les courges, les chicorées; en pleine terre les choux de toute sorte, les artichauts, les brocolis, les haricots fins, le persil, le cerfeuil, les radis, les épinards, ôter les rejets aux artichauts ; mettre les bêtes au pré, arroser le soir.)

   

• Lou bèu mounde

       Quouro … cavalié an descendu de sa mounturo, … aubergisto Gantèume, en aloungant … esquino davans … mèstre, li dis : — « Mounsegour,   que fau couire à vouastro Altesso ? » ; — Dous uou à … coco, respouande … cavalié, e … bouioun farés …  soupo à moun doumestico .»

       (Le beau monde

       Quand les cavaliers sont descendus de leur monture, l’aubergiste Gantelme, en courbant le dos devant le maitre, lui dit :— Monseigneur, que faut-il cuire à votre Altesse ? »  — Deux œufs à la coque, répond le cavalier, et du bouillon vous ferez une soupe à mon domestique.. »)

 

• … tribunau

  Misé Roumias : — Moun brave moussu … Jùgi, l’a pas mouien de viéure em’ … pourrituro ensin pèr vesino ; foudrié avé … amo de Jèsus-Crist pèr la supourta, fa que rena, pèr … bourdiho, vous trato coumo … tirassado ; la gèni sus … terro.

  Misé Charpignoun : — Moun brave moussu … Jùgi, se sabias emé qu ai afaire ! la coundanarias … galèro. Ah ! .. marrido pèsto ! es … couquino, tout … quartié vous va dire, erian … mihous ami  … mounde, soun ome èro … ami … miéu ; tóutei … dimenje soupavian ensèn, … còup chès èlei, … autre còup chès nautre …

  Misé Roumias : — Perqué mi dis que … carignaire de … sur de ma cousino sèmblo … crucifi … grégou ?  (d’après La Sinso)

  (Au tribunal

  Madame Roumias : — Mon brave monsieur le juge, Il n’y a pas moyen de vivre avec une pourriture ainsi pour voisine ; il faudrait avoir l’âme de Jésus-Christ pour la supporter, elle ne fait que geindre, pour une balayure elle vous traite comme une trainée : je la gène sur la terre.

  Madame Charpignoun : — Mon brave monsieur le juge, si vous saviez avec qui j’ai affaire ! vous la condamneriez aux galères, tout le quartier vous le dira, nous étions les meilleurs amis du monde, son homme était l’ami du mien, tous les dimanches nous soupions ensemble, une fois chez eux, une autre fois chez nous

  Madame Roumias : — Pourquoi me dit-elle que le fiancé  de ma cousine ressemble au crucifix des Grecs?  (d’après La Sinso – de son vrai nom Sélestin Senés né à Solliés-Pont en 1827 et mort à Toulon en 1907)

   

• Es … linge coumo … vin, … annado li douno … bouquet.

  (Il en est du linge comme du vin, les années lui donnent du bouquet)

   

• Nouàstrei rèire disien qu’ … tèms … blànquei fado

  À  … oumbro .. vièi pin ;

  Proche … Cabro d’Or, …  gènt de … countrado

  Pèr saupre soun destin,

  … diéu de … ancien tèms fasien … sacrifìci

  Sus … pèiro clina,

  Counsultavon … oracle e pèr … tau servìci

  … druide èro estrena.  (Lou Mège de la Canau).

  (Nos anciens disaient qu’ au temps des blanches fées

  À  l’ombre des vieux pins ;

  Près de la Chèvre d’Or, les gens de la contrée

  Pour savoir leur destin,

  Aux dieux d’autrefois faisaient des sacrifices

  Sur la pierre inclinés

  Ils consultaient les oracles et, pour un tel service,

  Le druide était récompensé)

   

• … bardoto es … gros boudinas fach emé … tripo e … sang … fedo o … cabro. Es … regòli … Bargemounen. (F. Pèise)

  (La “bardoto” est un gros boudin fait avec les tripes et le sang des brebis ou des chèvres. C’est le régal des gens de Bargemon)

   

• An gagna ... sòu, an fa …bouan afaire.

  … Argèns es vengu (l’Argens est en crue)

  … Jabroun es agouta (Le Jabron est à sec)

  Manjo emé rèn : … pan, … cebo, … anchoio e … òli,  … bouan. (Il mange avec rien : du pain, des oignons, des anchois e de l’huile, de la bonne).

  Ramàssi … buscaio pèr atuba .. fue (Je ramasse des brindilles de bois mort pour allumer le feu)

  … chincharro fè soun niéu dins … bouito … letro. (une mésange fit son nid dans la boîte à lettres)

  … Lengadò e … Prouvènço soun douas prouvinço souarre. (Le Languedoc et la Provence sont deux provinces sœurs)

  .. Candeloun es uno mountagnolo de maubre (Le Candelon est une petite montagne de marbre).

 

TAPO-TRAU : courregi :

 

• Lei voulur, troubant que leis afaire van pas bèn, demandon à l'autorita d’èstre descarga de la patènto à parti dóu proumié de l'an.

   

• Troubarié pas d'aigo à la mar (Il ne trouverait pas d’eau à la mer)

  Ti crèbon leis uei (Ils te crèvent les yeux)

  Mando la man darriero lou segound rang de la proumiero tiero de la tresième estagiero, à man gaucho de la gardo-raubo, e souto lou quatrième lançòu troubaras un bas long.  Es aquito que lei sèrri (La Sinso)

   

• Armana dóu païsan

  Trinca leis amourié, derraba l'erbo eis òdi  e ei civado, samena lou carbe, la moustardo blanco, samena sus coucho lei meloun, lei cougourdo, lei secòri ; en pleno terro lei caulet de touto meno, lei cachoflo, lei brocòli, lei groumandoun, lou juvert, lou charfuei, lei rifouart, leis espinarc, leva lei fiho ei cachouflié ; metre lei bèsti au verd, arrousa lou souar.

   

• Lou bèu mounde

• Quouro lei cavalié an descendu de sa mounturo, l'aubergisto Gantèume, en aloungant l'esquino davans lou mèstre, li dis : — « Mounsegour, que fau couire à vouastro Altesso ? » ; — Dous uou à la coco, respouande lou cavalié, e dóu bouioun farés uno soupo à moun doumestico .»

 

 

• Au tribunau

  Misé Roumias : — Moun brave moussu lou Jùgì, l’a pas mouien de viéure em’ uno pourrituro ensin pèr vesino ; foudrié avé l'amo de Jèsus-Crist pèr la supourta, fa que rena, pèr uno bourdiho, vous trato coumo uno tirassado ; la gèni sus la terro.

  Misé Charpignoun : — Moun brave moussu lou Jùgi, se sabias emé qu ai afaire ! la coundanarias ei galèro. Ah ! la marrido pèsto ! es uno couquino, tout lou quartié vous va dire, erian lei mihous ami dóu mounde, soun ome èro l'ami dóu miéu ; tóutei lei dimenje soupavian ensèn, … còup chès èlei, un autre còup chès nautre …

  Misé Roumias : — Perqué mi dis que lou carignaire de la sur de ma cousino sèmblo lou crucifi dei grégou ?  (d’après La Sinso)

   

• Es dóu linge coumo dóu vin, leis annado li douno de bouquet.

   

• Nouàstrei rèire disien qu’au tèms dei blànquei fado

  À  l'oumbro dei vièi pin ;

  Proche la Cabro d’Or, lei gènt de la countrado

  Pèr saupre soun destin,

  Ei diéu de l'ancien tèms fasien de sacrifìci

  Sus la pèiro clina,

  Counsultavon leis oracle e pèr un tau servìci

  Lou druide èro estrena.  (Lou Mège de la Canau).

   

• La bardoto es un gros boudinas fach emé lei tripo e lou sang dei fedo o dei cabro. Es lou regòli dei Bargemounen. (F. Pèise)

• An gagna de sòu, an fa un bouan afaire.

• Argèns es vengu

• Jabroun es agouta

• Manjo emé rèn : de pan, de cebo, d'anchoio e d'òli,  dóu bouan.

• Ramàssi de buscaio pèr atuba lou fue.

• Uno chincharro fè soun niéu dins la bouito dei letro.

• Lengadò e Prouvènço soun douas prouvinço souarre.

• Candeloun es uno mountagnolo de maubre.