Leis artichaut à la barigoulo
Sian à la sesoun dei legume de printèms. Un dei meiour es l’artichaut. Vaqui douei recèto d’artichaut à la barigoulo rapugado dins de vièi libre prouvençau.
La proumiero : L’artichaut à la barigoulo.
Prenès d’artichaut dóu peïs bèn tèndre e lei trias en li levant lei fueio duro e lei pichóunei fueio dóu mitan, en cavant leis artichaut en dedau. Pèr leis empacha de veni negre, ce qu’es pu poulit à l’uei lei passas un pau au jus de limoun. Metès dins lou founs dóu poualoun un bouan lié de cebo coupado, quàuquei moussèu de car-salado, puei arranjas leis artichaut leis un proche deis autre en metènt lou trauca en l’èr que garnissès de moudelo de pan, de juvert e d’aiet chapouta em'uno bouano cuierado d’òli. Avisas-vous de pas tròup metre d’aiet car levarié lou bouan goust de l’artichaut. Ajustas d’aigo freio, ce que fau pèr arriba à tapa à mita leis artichaut. Tapas emé lou cubercèu e fès ana à gros fue pèr faire bouli l’aigo fin-que n'i ague plus. Puei leissas couire d’aise au mens douas ouro de tèms. Quouro n’aurés manja m’en dounarés de novo car un tau plat es lou regale dei lipet.
Aquelo recèto es de Tata Rousoun.
N’en vaqui uno autro de Dono Chanot-Bullier.
Leis artichaut en barigoulo
Levas lei fueio duro dei cachoflo, coupas lou bout deis autro e retiras la bourro dóu mitan. À flour e mesuro que soun netejado metès chasco cachoflo trempa dins un pichoun tian plen d’aigo citrounado puei estènt touto lèsto renjas-lèi dins uno glouto e durbès-li lou couar pèr lei sala e lei pebra. Arrousas-lèi d’òli e chaplas un pau de cebo à l’entour dei cachoflo. Leissas un pau reveni sus lou fue, ajustas douei veno d’aiet escrachado, un pichoun brout de lausié vo de ferigoulo, tapas d’aigo caudo e fès coueina la glouto tapado d’uno sieto pleno d’aigo. Fès ana pichoun, pichoun, pichoun fue bèn regulié. Li fau mai d’uno parèu d’ouro.
Les artichauts à la barigoule
Nous sommes à la saison des légumes de printemps. Un des meilleurs est l’artichaut. Voici deux recettes d’artichauts à la barigoule glanées dans de vieux livres provençaux.
La première : L’artichaut à la barigoule.
Prenez des artichauts du pays bien tendres et triez-les en enlevant les feuilles dures et les petites feuilles du milieu en creusant les artichauts. Pour les empêcher de devenir noirs, ce qui est plus beau à l’œil passez-les un peu au jus de citron.
Mettez-les dans le fonds du poêlon un bon lit d’oignons coupés, quelques morceaux de petit-salé , puis rangez les artichauts les uns près des autres en mettant la partie vidée en l’air que vous garnissez de mie de pain, de persil et d’ail haché avec une bonne cuillère d’huile. Faites attention à ne pas mettre trop d’ail car cela enlèverait le bon goût de l’artichaut. Ajoutez de l’eau froide, ce qu’il faut pour arriver à la moitié les artichauts. Fermer avec le couvercle et faites aller à gros feu pour faire bouillir l’eau jusqu’à ce qu’il n’y en ait plus. Puis laissez cuire doucement au moins deux heures de temps. Quand vous en aurez mangé vous m’en donnerez des nouvelles car un tel plat est le régal des gourmets.
Cette recette est de tata Rouson.
En voici une autre de madame Chanot-Buillier
Les artichauts en barigoule :
Enlevez les feuilles dures des artichauts, coupez le bout des autres et retirez la bourre du milieu. A fur et mesure qu’ils sont nettoyés mettez chaque artichaut à tremper dans un petit récipient plein d’eau citronnée puis quand tout est prêt rangez-les dans une marmite et ouvrez les cœurs pour les saler et les poivrer. Arrosez-les d’huile et hachez un peu d’oignons autour des artichauts. Laissez un peu revenir sur le feu, ajoutez deux gousses d’ail écrasées, une petite branche de laurier ou de thym, recouvrez d’eau chaude et faites chauffer la marmite couverte d’une assiette pleine d’eau. Cuire à petit, petit, petit feu bien régulier. Il faut au moins deux heures.