​
 

Ero l’ivèr 1942/43, dóu tèms de la guerro. En aquelo epoco lei gènt dei vilo crebavon de fam. En campagno èro plus eisa : un pichoun jardin, quatre poulo e de lapin…

 

Proche de Nouvè, tanto Angèlo èro vengudo de Valàuri pèr proufita dóu bouan èr de Calas e de la cuisino de Mémé Marie. Pèr li faire plesi Pépé Jan, maugrat l’interdicien, èro ana cassa quàuquei tourdre. Memé leis avié plega dins un torchoun e pendu à la fenèstro pèr que si faguèsson.

 

Nouvè si presentavo bèn.

Segur èro la guerro, mai à la bastido, sènso radiò e televisien la vehian de luen. Dins lou placard lou poualoun bèn astica esperavo l’ouro de faire couire lei tourdre e lou cat surveiavo lou torchoun sus la fenèstro ! Mai mountavian la gardo e Mémé couchavo la catugno groumando emé l’escoubo en cridant : « Lève-ti d’aqui, carnava de m… ! »

 

Lou jour arrivè que lei tourdre fuguèron lèst. Tanto Angèlo s’assetè proche lou fugueiroun e coumencè de pluma leis aucèu, un journau desplega sus soun faudiéu. Li avié deja un èr de fèsto dins l’oustau !

– Tron de padiéu, lei gendarmo ! ! ! 

En aquéu tèms, lei gendarmo patrouiavon dins lei Plan, pèr dous en velò s’arrestant dins leis oustau pèr blaga un moumen. Li avié toujour un gros e un maigre, acò fahié sourrire Grand-pèro.

– Tron de padiéu, lei gendarmo ! 

Mémé venié de lei vèire traversa l’iero e èron deja à la pouarto !

Qu’afoulamen dins l’oustau ! Que faire, que faire ?

Tanto Angèlo, en un tour de man pleguè tourdre e plumo dins soun faudiéu e mandè lou paquet souto la coumodo.

Mémé durbié deja la pouarto.

– Intras, intras, venès vous caufa un moumen à la chuminèio.

– Vous remercian bèn, sias bèn gènto ! 

E intrèron…

 

Dóu tèms que si caufavon en discutènt emé Grand-pèro, lou cat sourtié lei tourdre de dessouto la coumodo en sampaiant lei plumo dins tóutei lei cantoun. Degun boulegavo plus, degun parlavo plus. Tanto Angèlo repoussavo, coumo poudié, leis auceloun emé lou pèd pèr leis escoundre, mai lei plumo voulavon toujour !

Chacun respirè enfin quouro lou gros gendarmo si metè à rire, l’autre faguè parié e lei gènt de l’oustau tambèn.

Alor Grand-mèro ramassè lei tourdre e n’en dounè quàuqueis-un ei gendarmo que partèron tout countènt d’agué quaucarèn de mihou pèr lei fèsto de Nouvè.

 

Ero li a uno vòuto, e aquelo istòri vertadiero s’es racountado e si raconto encaro en famiho e eis ami ! ! !

La provo…

Mado Sadler

Calas

​

​

SOUVENIR DE GUERRE À CALLAS : LES GRIVES

 

 

C’était l’hiver 1942/43, pendant la guerre. A cette époque les gens des villes mourraient de faim. A la campagne c’était plus facile : un petit jardin, quatre poules  et des lapins…

 

A l’approche de Noël,  tante Angèle était venue de Vallauris pour profiter du bon air de Callas et de la cuisien de tante Marie. Pour lui faire plaisir Pépé Jean, malgré l’interdiction, était allé chasser quelques grives. Mémé les avait pliées dans un torchon et pendues à la fenêtre pour qu’elles se fassent.

 

Noël se présentait bien.

Bien sûr c’était la guerre, mais à la ferme, sans radio ni télévision on la voyait de loin. Dans le placard le poêlon bien astiqué attendait l’heure de faire cuire les grives et le chat surveillait le torchon sur la fenêtre ! Mais nous montions la garde et Mémé chassait le matou gourmand avec le balai en criant : « Enlève-toi d’ici, saloperie de m…. ! »

 

Le jour arriva où les grives furent prêtes. Tante Angèle s’assit près du foyer et commença à plumer les oiseaux, un journal déplié sur son tabler. Il y avait déjà un aire de fête dans la maison !

– Tonnerre de Dieu, les gendarmes !!!

A cette époque les gendarmes patrouillaient dans la campagne, par deux en vélo en s’arrêtant dans les maisons pour blaguer un moment. Il y avait toujours un gros et un maigre, cela faisait sourire Grand-père.

– Tonnerre de Dieu, le gendarmes !!!

Mémé venait de les voir traverser l’aire de battage et ils étaient déjà à la porte !

Quel affolement dans la maison ! Que faire, que faire  ?

Tante Angèle, en un tour de main plia grives et plumes dans son tablier et envoya le paquet sous la commode. Mémé ouvrait déjà la porte.

– Entrez, entrez, venez vous chauffer un moment à la cheminée.

– Nous vous remercions bien, vous êtes bien gentille.

Et il entrèrent…

 

Pendant qu’ils se chauffaient en discutant avec Grand-père, le chat sortait les grives de dessous la commode en éparpillant les plumes dans tous les coins. Personne en bougeait plus, personne ne parlait plus. Tante Angèle repoussait, comme elle pouvait, les oiseaux avec le pied pour les cacher, mais les plumes voilaient toujours !

Chacun respira enfin quand le gros gendarme se mit à rire, l’autre fit de même et les gens de la maison aussi.

Alors Grand-mère ramassa les grives et en donna quelques unes aux gendarmes qui partirent tout contents d’avoir quelque chose de meilleur pour les fêtes de Noël.

 

C’était il y a un bon moment, et cette histoire véritable s’est racontée et se raconte encore  en famille et aux amis !!!

La preuve…

 

Mado Sadler

Callas