L'AMERICO de Pèire Pascal

 

Au ciel de ma souvenènço

Dins lou blu de mei pantai

Lei niéulo de ma Prouvènço

Courron davans lou mistrau

Tant fa de tèms que partèri

Tant de tèms que n'en siéu luen

D'aquéu païs de misèro

E li vouàli toujou bèn.

 

Qu saup se l'aigo d'Artùbi

S'en va toujou au Verdoun

Se li es enca la Bastido

Proche la Roco-Esclapoun

An bello dire que pouartes

Ta terro au bout dóu soulié

Doun siés neissu fòu que mouares

Se vouas pas mouri soulet.

 

Vourriéu la legi moun ouro

A la barro dóu meijour

Me refresca 'nca la goulo

A nouastro fouant de La Fous

Vourriéu tua 'nca 'no lèbre

Ei reviéure de l'Ubac

Mena 'nca 'no doumeisello

Au devens de la Vanau.

 

Tant fa de tèms que partèri

Tant de tèms que n'en siéu luen

D'aquéu païs de misèro

E li vouàli toujou bèn

Au ciel de ma souvenènço

Dins lou blu de mei pantai

Lei niéulo de ma Prouvènço

Courron davans lou mistrau.