LEI MOUNEDO QUE VANEGUERON EN PROUVENÇO
LOU SISTEMO DECIMAU
Un dei grand chanjamen adu pèr la revoulucien de 1789 es l'adóucien dóu sistèmo metrique e dóu sistèmo decimau que n'en decoulo .
Ço que nous parèisse encuei tant simple, a demanda quaranto an d'aplicacien, avant d'èstre rendu óubligatòri, pèr la mounedo leis abitua èron enracina tant found que lei noum soun resta dins lou langage courent . Tout lou mounde saup qu'un louïs es uno anciano pèço en or de 20 franc, meme c'est un « Napouleoun »(un louvidor) , e que lou sòu èro la pèço la mai pichouno en vanegacien meme s'avié uno valour de 5 centimo .
À la vèio de la revoulucien e dins uno poutanado de quàuqueis an encaro, lou louïs en or de 24 livro, que pesavo quàsi 8 gramo vaneguèron sènso encoumbro, ansin que leis escu en argent de 6 livro, que pesavo aperaqui uno once de 30 gramo .
Lei legèndo d'aquélei pèço èron redigido en latin .
Souleto lei pichouno pèço de couire vo de brounze que apareissèron souto lou règne d'Enri ΙΙΙ, emé l'efigio dóu Rèi emé uno legèndo redigido en Françès, pouarto l'indicacien de sei valour facialo, DENIER TOURNOIS et DOUBLE TOURNOIS .
Souto Louei XΙV, si vist aparèisse lou liard, pèço de 3 denié, puèi en 1710, la pèço de 6 denié counèissudo souto lou noum de dardeno, fabricado emé lou brounze dei vièi canoun de la Marino .
Souto Louei XV, lei mounedo divisiounàri soun en couire emé l'efigio dóu Rèi e uno legèndo latino, coumo lei pèço d'or e d'argent. Lei pèço soun de liard de 3 denié, dei mié-sol de 6 denié, e dei sol 12 denié . Lou règne de Louei XVΙ a rèn adu pèr ço qu'es dóu cambiamen dei pèço en cous, souleto l'efigio dóu Rèi a cambia .
À parti de 1792, dóu tèms de la pountanado counstituciounalo, lei legèndo latino soun ramplaçado pèr dei legèndo Franceso, l'endicacien de la valour fa sa banejado(1) sus lei pèço divisiounàri d'argent dei 30 e 40 sol, Leis annado ounte an pica(2) lei pèço soun endicado ensemblamen(3) en annado dóu tèms(4) Gregourian e en annado dóu nouvéu tèms . Touto-fes noun fau counfoundre lou tèms de la liberta que coumenço lou 10 d'avoust 1790 emé lou tèms de la republico, difinativamen adouta e que la debuto fuguè fissado, après d'aiour lou còup à l'equinòssi d'autouno lou 22 de setèmbre1792 que devèn ansin lou proumié vendemiaire .
N'en resulto perfes uno meno de counfusien car li a tambèn un tèms dei Fancès e que leis annado si cavaucon .
Après l'eisecucien capitalo de Louei XVΙ c'es countunia de pica mounedo à l'efigio dóu malurous mounarco, siegues que lou persounau deis ataié an ges reçu d'ordre, siegues que lei cougnet pèr pica lei pèço èro pas lèst, siegues que leis emplega agon pica quàuquei pèço, au milèime (5) de l'annado seguènto pèr « avança lou travai » .
Autre chanjamen, lei legèndo en latin, soun ramplaçado pèr de legèndo franceso sus tóutei lei pèço . Louei XVΙ es pus Rèi de Franço e de Navarro pèr la gràci de Diéu .
Au revès, dei pèço d'or e d'argent, en plaço de SIT NOMEN DOMINI BENEDICTUM, si liège Regne de la lèi, e l'escussoun ei flour de lis es ramplaça pèr un gèni ala escrivèn la COUNSTITUCIEN sus uno taulo de maubre .
Lei pèço de brounze soun lóugiero diferènto l'efigio es la memo qu'aquélei que si vien sus lei pèço d'or e d'argent, mai au revès dóu feisèu lictour (6) supre-mounta d'un bounet frigian (7) enviróuta d'uno courouno de roure e de lausié, l'endicacien de la valour 2 sol,12 d, 6 d, 3 d, es parteja en dous pèr lou feisèu dóu lictour .
Lei pèço de 3 e 6 denié soun raro, car degun sounjavo de lei couserva .
La legèndo circulàri qu'enviróuto lou tout, LA NACIEN, LA LÈI, LOU REI es significativo .
Leis annado de pico soun enounciado en annado Gregouriano e en AN DE LIBERTA .
Lei darniero pico de Louei XVΙ, soun datado 1793 e AN DE LIBERTA .
Lei pèço picado pèr l'ataié d'Estrasbourg an la particularita de carga la legèndo REI DEI FRANCES .
L'ataié de Marsiho rèste en ativeta tout de long d'aquelo pountanado . La lèi dóu 28 termidor An ΙΙΙ (15 d'avoust 1795) decide que l'unita mounedaire cargara desenant lou noum de franc, lou Franc sara divisa en DÈS DECIME e lou decime en DÈS CENTIMO . Fuguè establi que dins lei comte, lou franc serié l'equivalènt de l'anciano livro, e coumo li avié 20 sol dins uno livro, lou sòu devèn egau à 5 centimo .
Aquelo lèi prevesiè tambèn : « sara fabrica dei pèço d'argent de un, dous e cinq franc, la pèço de 1 franc estan de la taio de 5 gramo, lei autre à proupourcien .
Es d'aquéu biais que c'es vist baneja la pèço de 5 franc, datado de l'an ΙV de la republico, Gravado (vo escrincelado) pèr Duprè, representavo pèr un group de tres persounage , Erculo tenèn pèr leis espalo la Justisso e l'Egalita, la legèndo UNIEN E FORÇO .
Aquéu tipe es esta représ mai que d'un còup au cous deis age, en 1848 pèr la segoundo Republico, en 1870 pèr la tresenco Republico e en 1964 pèr la cinquenco emé touto-fes quàuquei l'augiero moudificacien .
Lei proumiero pèço en brounze dóu sistèmo decimau faguèron elo tambèn sei aparicien en l'an 4, pèço de 1 e 5 centime, de UN e DOUS DECIME .
La pico dei pèço en metau coumun es toujour avantajouso pèr l'etat . Dóu tèms de la pountanado revouluciounàri es lei campano dei Gleiso que fuguèron requisiciounado per fabrica de la pichouno mounedo, mai lou metau dei campano a pas la qualita necessàri pèr faire de la mounedo duradisso (8) .
Es que nouvelamen qu'es èsta retrouba un proujèt de pèço de 1 e 2 franc pèr Dupre e que n'avian óublida l'eisistènci . Aquélei pèço representant Ercule soulet noun soun èstado picado .
Aquéleis emissien countugnièron fin qu'en l'an XΙ .
Napouleoun Bouanaparte aviè fa d'estùdi classico e amiravo leis ome ilustre de la Roumo antico, devèngu proumié counsul en l'an XΙ, a trouba naturau de faire figura soun efigio (vo retra) sus lei pèço de la Republico Franceso .
Si pau segui soun ascensien sus lei pèço, d'abord BOUANAPARTE PROUMIÉ COUNSUL devèn NAPOULEOUN IMPERAIRE en L'AN 12, mai en counservan REPUBLICO FRANCESO au revès, en l'an 14, tourna mai lou tèms Gregourian 1806 que pareisse de novo sus lei pèço en 1807, l'efigio de l'emperaire es cenchado (9) d'uno courouno de lausié en 1809, EMPERI FRANCES ramplaço LA REPUBLICO FRANCESO .
Emé Napouleoun la fisanço neisse de novo, si vist tourna mai lei mounedo d'or e en l'an XΙ (1802-1803) lei proumiero pèço de 20 e de 40 franc soun messo en vanegacien (9).
Lei pèço en argent de 2 e 1 franc previsto à la debuto de la Republico coumencèron de baneja , li aguè meme de quart e de mié franc, tóutei aquélei pèço soun au meme tipe .
Uno pèço de 10 centime, en bihoun, aliage à feblo proupourcien d'argent fuguè emesso mai aguè gaire de reüssido . Li avié uno talo quantita de pèço divisiounàri de brounze vo de couire en vanegacien qu'es èsta inutile de n'en pica de novo, lei sòu de Louei XVΙ e de la republico counouissèron uno carriero loungo, maugra lou cambiamen de regime que soun èsta noumbrous au cous dóu siècle XΙXen.
La brèvo pountanado dei cent jour noun fuguè perdu pèr la numismatico, Louei XVΙΙΙ tout just revèngu à Paris, faguè uno emissien à soun efigio datado de 1814, mai avèn agu que lou tèms de pica de pèço de 20 franc en or e de 5 franc en argent lei pèço prestige .
À la revengudo de l'eiglas, nouvello emissien d'aquélei meme valour datado 1815, mai la caro de l'emperaire pareissè adeja vieiassouso .(11)
Tout'uno branco de la numismatico es óucupado pèr lei Napouleounide, que soun lei fraire, lei sur, bèu-fraire vo coumpagnoun fidèu, prouvesi qu d'un reiaume, qu d'un Ducat, qu d'uno principauta e autourisa elei tambèn à emetre dei mounedo à soun efigio .
Si vist tambèn Bernadotte, espou de Desirado Clari deveni CARL XΙV, rei de Suedo, vo Mario-Loueiso archiduquesso d'Austrio .que li an atribuï lou Grand Ducat de Parmo, substituï après la toumbado de l'Empèri .
Leis evenimen militàri aguèron tambèn pèr counsequènci la pico de mounedo de nessecita dins lei vilo assiejado, aquélei pèço obsidionales(12) miraion(13) lou desprouvesimen(14) vo l'engeniouseta deis assieja pèr suveni ei besoun en numeràri .
Eis isclo de Franço e Bouanaparte devengudo en seguido l'isclo Mauriço lou gouvernaire Generau Decaen, faguè pica de pèço de DÈS LIVRO emé l'argent prouvenèn de la carguesoun d'un batèu Oulandés aganta pèr dei coursàri .
Aiour dei pèço fuguèron coulado (vo rajado) en plaço d'èstre picado, fauto de presso mounetàri, à d'autre part fuguèron gravado vo pounçounado à la man .
ANVERS e ESTRASBOURG counouissèron un chanjamen de regime sènso cessa d'èstre assieja , si ramplaço lou N de Napouleoun pèr lou L de Louei, sus lei pèço de brounze de cinq e dès centime . Aquelei pèço noun soun raro .
Après Waterlo, Louei XVΙΙΙ enfin courouna pèr de bouan, counservo lou meme sistèmo que soun predecessour, pèço de 40 e de 20 franc en or, serìo en argent de 5, 2 e 1 franc, mié e quart de franc .
L'efigio de l'es-comte de Prouvènço remplacé aquelo de l'es-emperaire e l'escussoun ei tres flour de lis tenié lou revès, acoumpagna soulamen de la dato e de la valour lei meme letro ensignon lei meme ataié de fabricacien : A : Raris , B : Rouen , D : Lien e Marsiho, mai aquel ataié es èsta pau actiéu dóu tèms d'aquéu règne .
Li a pamens un cousta pau counouissu dei proufane, mai qu'es fouart interessant pèr lei acampaire(15) es la partido toucant leis assai au proujèt de mounedo perfes óujèt d'un councous , perfes obro d'un gravaire óuficiau . Certano d'aquélei pèço soun restado à l'estat de proujèt, d'autrei soun èstado picado en quàuquei eisemplàri, pèr èstre óuferto à dei persounalita, d'autre enfin mau-grat que soun èstado pica en quantita noun soun estado messo en vanegacien pèr causo d'un evenimen imprevist .
Souto Louei XVΙΙΙ, quàuquei assai soun èsta fa pèr dei pèço de un e dous sòu, puei de cinq e dès centime vo un decime, noun segui de pico courrènto . La denouminacien de UN decime fuguè lèu abandounado, quàuqueis un d'aquéleis assai soun pica emé divers metau, d'autre soun fa pèr estudia l'eficacita dei machino vo la resistènci dei metau .
En 1824, Louei XVΙΙΙ mouare, e CARLE X, mounto sus lou trone, soun efigio remplace aquelo de soun fraire, e li aguè ges de chanjamen . Lei meme valour countùnieron d'èstre picado en or e en argent .
Après l'abdicacien de de CARLE X, soun cousin Louei-Felipe mounto sus lou trone en 1830; es plus rèi de Franço mai rèi dei Francès, la serìo dei mounedo en cous, resto sènso grand chanjamen, mai à parti de1845 lei pèço de mié franc de UN franc e de un quart de franc soun redigido 50 e 25 centime . Lou decime a veramen jamai agu de reüssido e lou mounde countunien à coumta en dès sòu e en cinq sòu .
Après Louei-Felipe, l'escu de Franço desparèi dóu revès e si vist tourna la valour de la dato de l'emissien, escricho dins uno courouno de lausié e de roure, sènso óublida la letro de l'ataié mounetàri
En 1848, la segoundo republico es prouclamado, marco uno grando envejo de renouvéu e un councous es durbi à tóutei leis artisto pèr la chausido d'un nouvéu tipe de pèço .
En esperan la chausido, reprenèn lei sujèt que veguèron lou jour en l'an ΙV de la republico, lou gèni de la counstitucien qu'avié adeja figura sus lei revès dei pèço coustituciounalo de Louei XVΙ pèr lei pèço de 20 franc en or , lou group à Ercule de Dupré pèr aquélei de cinq franc en argent e la Republico coueifado d'un bounet Frigian(16) pèr la pèço de UN centime en brounze de l'an 6, rejouvenido(17) pèr la circoustènci .
L'assai chausi fuguè aquéu de la pèço de 5 franc d'Oudine . Aquéu còup, la tèsto de la Republico es representado souto lei tra de Cerès, divesso dei meissoun e noun plus de la liberta coueifado d'un bounet Frigian, la caro d'aquelo calamo divinita duviè rassegura la bourgesié que l'influènci poulitico aviè ramplaça aquelo dóu pople au cous de la proumiero mita dóu siècle XΙX .
Aquelo efigio de Cerès que figuro sus lei pèço de 20 franc en or, 5, 2, e 1 franc en argent, 50 e 20 centime, à nouta que lou quart de franc devèngu 25 centime a dispareissu pèr faire plaço à ço qu'es lou cinquen dóu franc .
La proumiero serìo de timbre-posto que fuguè emesso lou proumié de Janvié 1849, es netamen ispirado pèr la mounedo . L'efigio de Cerès deis uno retipo fouaço à n'aquelo deis autrei e es pas un asard .
Louei Napouleoun Bouanaparte, Prince President de la Republico Franceso, aguè suen de faire ramplaça l'efigio de la Republico souto lei tra de Cerès pèr la siéuno coumo soun ouncle l'avié fa, couro èro proumié counsul, e coumo soun ouncle si faguè prouclama emperaire, d'ounte lei pèço emé la legèndo NAPOULEOUN ΙΙΙ e EMPERI FRANCĖS à parti de 1853 tèsto nudo en proumié, e sa courouno de lausié à parti de 1866 .
Lou decrèt ourdounan la fabricacien dei pèço à l'efigio de Napouleoun ΙΙΙ , es dóu dous de decèmbre , lou meme jour que lou còup d'estat . À n'aquelo pountanado noun si perdié de tèms .
Lou regne de Napouleoun ΙΙΙ , vesié l'aboutissamen dei proujèt qu'avièn èsta amagestra (18) pendènt mai d'un miè sciècle, mai que la realisacien n'avié pas segui, l'emissien d'uno serio de pèço óumougèno dins lei tres metau .
En or, pèço de 100 , 50 , 20 , 10 e 5 franc, que remplacèron lei 40 e 20 franc dei regne precedènt, vo pulèu lei coumpletèron .
En argent, 5 , 2 , 1 franc, 50 e 20 centime .
En brounze, 10 , 5 ; 2 e 1 centime .
Es dóu tèms d'aquéu règne que li a agu d'assai de mounedo internaciounalo, pourtan la valour en franc francès e soun equivalènço en mounedo estrangiero, talo que cinq dolars -25 franc, vo dès flourin – 25 franc . En Anglo-Terro li a agu d'assai de 5 franc e doublo flourin, e 1 franc – 10 pence, curious precursour que emé un siècle d'avanço, anounço l'adóucien dóu sistèmo decimau pèr la Grando Bretagno .
Certan païs d' Éuropo e d'Americo dóu miejou se jougnèron à l'unien Latino que la toco èro d'unifourmisa lei moudule dei pèço pèr n'en rendre la vanegacien mai eisado .
Fin qu'à sei demounetisacien lei pèço Italiano de 10 cente-cimi, Espagnolo de 10 centavos vo Béujo « passavon » sènso dificulta en Franço .
Après la guerro de 1914-1918 la peseta Espagnolo ajougnié lou taus de quatre franc, ce que dounavo uno valour de 40 centime à n-uno pèço que n'en valié que 10 en Franço . Lei marin, à n'aquelo pountanado recercavon ativamen lei pèço de 10 centavos que vanegavon en Franço pèr pousqué lei despèndre au cous d'uno escalo Espagnolo, Dès centavos èro lou pres d'un vèire de vin , e de bouan vin, en Espagno .
La desfacho de 1870, faguè s'abóusouna(19) l'empèri à Sedan, coumo aquelo de 1815 l'avié fa à Waterloo .
Tre 1871, c'es ressourti lei tipe bèn couneissu de la Republico, lou gèni gravan la Coustitucien pèr lei pèço d'or, mai Cerès e Ercule si troubèron en councurènco pèr l'argent, fin finalo Ercule l'a empouta pèr lei pèço de 5 franc, e Cerès aguè l'aboundanto meissoun dei pichouno pèço .
En 1897 quàuquei pèço de 50 centime en argent, anouncèron l'emissien en 1898 de la serio d'Oscar Roty à l'image de la semenarello (semeuse ?) que fuguè picado fin qu'en 1920 . La pèço de 5 franc de 1898, fuguè picado en quàuquei desenau d'eisemplàri reserva à de persounalita . Es uno pèço raro que fa la fierta de quàuqueis acampaire que la poussedon . Es uno d'aquélei pèço legendàri que lou mounde counouisse, mai que ni a gaire qu'an la chanço de l'agué dins sa couleicien . Soun moudule es aquéu d'anciano pèço en argent .
Lou tipe de la semenarello aguè tant de reüssido que fuguè tambèn adóuta pèr lei timbre -Posto e reprès en 1960pèr de pèço que inagurèron lou nouvéu franc .
Tout en gardan sei entre-signe, lei pèço de brouze recebèron uno nouvello estampaduro, un buste de Republico coueifado d'un bounet frigian ramplaço Cerès, au revès un group alegourico(21) dins l'estile de l'epoco .Aquélei pèço qu'avèn tóutei counouissudo fuguèron emesso dins lei valour de 10 e 5 centime . Pèr lei pèço de 2 e 1 centime, es la valour que figuro au revès . Aquéleis emissien an dura tambèn de 1898 à 1921 .
Detai amusatiéu, en 1916 la mounedo de Paris agué recour a n'aquelo de Madrid pèr la counfeicien dei flan en brounze, lei pèço fuguèron picado à Paris e pèr distingui aquéleis emicien, an mes en fin de legèndo uno pichouno estello emé la letro M . En 1903, si vist un nouvéu vengu dintre lei metau tradiciounau, lou nikel fa sa banejado souto la formo d'uno pèço de 25 centime .
Tra l'annado seguènto, un autre revès emé un feicèu de lictour e uno branco de roure, ramplaço aquéu emé un simple carra countenènt la valour au revès, autre nouvéuta, la trancho en plaço d'èstre lisco coumto vint-e-dous pan . En 1914, nouvello ennouvacien, es emet dei pèço en nikel, emé un nouvéu tipe emé un trau centrau au mitan, pèr-fin de noun èstre maumesclado emé lei pèço d'argent .
La guerro que venié d'èstre declarado prouvouquè un autre fenoumène, lou retiramen de la vanegacien dei pèço d'or que fuguèron escambiado contro de bihet de banco quàsi tóutei lei bouan Francès anèron pourta lou precious metau à l'Etat que en escambi li remetié un certificat de bouan ciéutadan .
L'aumentacien dóu pres de la vido e la multiplicacien dei pouarto-mounedo acrèisse lou besoun de mounedo divisiounàri, la prouducien èro tróup basso, es alors que l'iniciativo privado a agu recous à de mejan de fourtuno, lei chambro de coumerço, dins lei despartament, lei banco vo de simple coumerçant, prenguèron l'iniciativo d'emetre de pèço coumo lei segnour feoudau à l'age mejan, li a agu de bihet de 1 e 2 franc, de 25 e 50 centime de pèço de tóuto formo e de tout metau, an meme utilisa lei timbre-posto certi dins un pichoun estu(22), que uno faço èro transparènto e l'autro metalico que servié de support à uno publicita loucalo .
Toutei aquélei mounedo de necessita fuguèron demounetisado e 1922 .
À parti de 1921, lei chambro de coumerço centralisèron leis emissien de tóuto aquélei mounedo gràci à l'iniciativo privado prougrecivamen iliminado .
Aquéu tipe de pèço au mercuro représ d'un jitoun de la pountanado de Louei-Felipe fuguè pica fin qu'en 1927, mai au revès, avien agu suen de precisa : BON PER UN FRANC, d'aiour li avié de mai en mai de bihet de banco que proumetièn lou travai fourça à perpetueta pèr lei contro-façoun . Avié èsta previst de pica en grand noumbre de pèço en or de 100 franc emé lou milèime(23) de 1935 e 1936, mai l'arribado au poude dóu front poupulàri, empaché qu'aquel or moudi vague rempli lei cofro capitalisto, lei bello pèço de L. Bazor fuguèron destruise,(vo peri) mai quàuqueis uno escapèron au mal-astre e fan lou bouanur de quàuqueis acampaire fourtuna .
Uno pèço de 5 franc en nickel, que fuguè picado en1933, efemèro, l'avien supre-noumado « la bedoucette », pèr causo dóu noum d'un menistre de l'epoco, fuguè lèu lèu ramplaçado pèr uno pèço mai large en nickel, que un pau mai sus lou tard fuguè picado en aluminioum .
La pountanado de carestié(24) prouvoucado pèr la guerro veguèron la banejado dei pèço de pichouno valour en zing, assa roumpatiéu, li a meme agu de pèço de 20 centime en ferre que soun devèngudo raro .
La legèndo novo ETAT FRANÇAIS acoumpagnado de la deviso TRAVAIL, FAMILLE, PATRIE marco la pountanado intermediàri entre lei ΙΙΙenco e ΙVenco Republico, fouaço assai soun prepausa à de councous, uno pèço de 5 franc en nickel fuguè picado en quantita, pourtavo l'efigio dóu Manescau Pétain, mai aquélei pèço noun fuguèron emesso, avien fa óuserva au cap de l'Estat, que lou dre d'efigio èro un privilège reiau, lei ditatour dei païs vesin avien pas tant d'escrupule . Aquélei pèço aurien degu èstre destruicho, mai coumo à l'acoustumado quàuqueis uno escapèron au desastre pèr la pus grando joio deis acampaire .
Lei emissien nourmalo reprenguèron tre 1944 .
La reformo mounetàri dóu franc nouvéu, nous a vaugu quàuquei tipe nouvéu, mai avèn tambèn représ lei tipe ancian,coumo la semenarello pèr lei pèço de cinq franc d'un moudule pus pichoun qu'aquéu de 1898, puèi aquélei pèço d'argent soun èstado ramplaçado pèr dei pèço en nickel .
Lou groupe de Dupré es èsta représ mai emé uno valour pus fouarto 10 franc, e d'un pes de 25 gramo .
Uno pèço de 20 franc dóu meme tipe avié èsta previsto, mai coumo entre-tèms, lou cous de l'argent avié aumenta, fuguè uno pèço de 50 franc que veguè lou jour, mai pesavo que 30 gramo coumo l'escut de SIÈIS LIVRE d'a passa tèms .
Toutei aquelei pèço d'argent fuguèro demounetisado à la debuto de l'an 1980 e nous resto dins lei pocho la souleto pèço de 10 franc qu'es ni lou goust ni l'esclat dóu metau que la fa esbrihauda . Un cóup de mai la marido mounedo foro-bandis la bouano . Es uno lèi enounciado pèr un ecounoumisto d'a passa-tèms mai d'un cóup verificado numismatico .
Texte en Français revira pèr Milo Fabre
Yves Bertin Lou Sauto Messugo
_______________________________________
1 Banejado : apparition
2 Pica : frapper les pièces
3 Ensemblamen : simultanément
4 Dóu tèms : de l'ère
5 Milèime : millesime
6 Lictour : licteur : officier qui marchait devant les principaux magistrats de l'ancienne Rome, portent un faisceau de verges qui dans certaines circonstences,encerrait une hache ? .
7 Frigian : Phrygien Phrygie : région occidentale de l'Asie mineure .
8 Duradisso : durable
9 Cenchado : ceinte
10 Vanegacien : circulation
11 Vieiassouso : vieillissante
12 Obsidionales : Sàbi pas coumo si di en prouvençau ; monaie odsidionales , monaie frappée dans une ville assiégée , pour suppléer au défaut de numéraire .
13 Miraion : reflètent
14 Desprouvesimen : dénument
15 Acampaire : collectionneur
16 Frigian : Phrigien
17 Rejouvenido : rajeunie
18 Amagestra : élaborer
19 Abóusouna : écrouler