AU BORD DE MAR

 

 

Permena  au bord de mar es toujour agradiéu.

 

L'estiéu quoro fa caud i'a mai d'un estivan sus la plajo, vènon di faire brusca la pèu au soulèu esquicha coumo d'anchoio. Dins l'aigo leis enfant rigoulon, najon, juegon au baloun, cridon e si fan charpa quoro courron sus lei servietto de ban. Em'aquesto calour, au gros dou souleù fau si mesfisa de la souleiado, fau pourta un capèu per si protéja la testo.

 

Quoro l'autoun arribo leis estivan descampon e nous-autre poudèn aprouficha de naustrei bellei plajo. Dins d'endre i'a dei soutaire que rabaion quaqueis oursin pèr li manja dins lei roucas emé un mousséu de pan.

 

L'iver i'a la chavano, lou vent, la pluèio, ersejo e lei batèu de pescaire tangon. Lei pescadou soun vougeja sus la  barquo quoro levon lei reissolo. Pamens la pesco sera bouono : rascasso, carmin, cranco, langoustoun... tout ce que fau per faire uno bouono soupo de pèis coumo à Marsiho.

 

Au printèms es meravihous. Poudèn roucasseja, fa bouenasso, lou soulèu es lisieù, poudèn s'arreta dins un riquet pèr faire un escoutissoun, à l'oumbre d'un pin. Aprouficha doù tems pèr eslagna lei ped dins l'aigo fresco, per agacha lei cranco, vo pantaia regardant  lei velié au lùen. Ma lou miès es de faire un pichoun souan bressa pèr lou cant deis aucèu e lou risènt.