DIMARS 9 de MARS 2021
Sant Jan de Diéu
LA LÈBRE DÓU PONT DÓU GARD
Lou pont dóu Gard emé soun triple rèng d’arcado que s’encavaucon eilamount lis uno sus lis autro, es un di plus bèu travai que i’ague dins lou mounde. E pamens dison que lou diable lou bastiguè dins uno niue...Veici l’istòri.
I’a quau saup quant de tèms, la ribiero de Gardoun, qu’es uno di plus traito e rabènto que i’ ague, noun se passavo qu’à la gafo. Li ribeiren de l’aigo se diguèron un jour de ié basti un pont. Mai lou mèstre massoun que s’èro carga dóu pres-fa, n’en poudié pas veni à bout. Entre qu’avié jita sis arcado sus lou flume, venié ’no gardounado, e pataflòu ! lou pont au sòu. Un vèspre sus tóuti lis autre que, morne e tout soulet, regardavo de la ribo soun travai afoundra pèr la ràbi de Gardoun, cridè desespera :
– li tres cop que recoumence : maugrebiéu de ma vido ! I’aurié de que se douna au diable... E ’m’ acò, pan ! lou diable en sa presènci pareiguè...
– Se vos, ié diguè Satan, iéu te bastirai toun pont e te responde d’uno, que, tant que lou mounde sara mounde, jamai Gardoun l’empourtara... – Vole bèn, diguè lou massoun. E quant me faras paga ?
– Oh ! pau de causo : lou proumié que passara sus lou pont, sara pèr iéu...
– Vague, diguè l’ome.
E lou diable tout-d’un-tèms, arpatejant e banejant, derrabè à la mountagno de tros de roco espetaclous e bastiguè ’n moustre de pont coume jamai s’èro vist. Enterin lou massoun èro ana vers sa femo pèr ié counta lou pache qu’avié fa ’mé Satanas.
– Lou pont, dis, sara fa deman à la primo aubo. Mai acò ’s pas lou tout. Fau qu’un paure marrit se dane pèr lis autre... Quau voudra èstre aquéu ?
– E, badau, ié venguè sa femo, adès i’a ’no chino qu’a cassa ’n lebraud tout viéu. Aganto aquéu lebraud, e deman, à pouncho d’aubo, bandisse-lou sus lou pont.
– As resoun, repliquè l’ome.
E aganto lou lebraud, tourno au rode ounte lou diable venié de basti soun obro, e, coume l’angelus balançavo pèr souna, bandis la bèsti sus lou pont. Lou diable qu’èro à l’espèro eila de l’autre bout, aparo, afeciouna, la lèbre dins soun sa... Mai, en vesènt qu’èro uno lèbre, l’arrapo emé furour, l’empego contro lou pont, e, coume l’angelus dindavo d’aquéu moumen, lou marrit esperit, en jitant milo escoumenge, s’aproufoundis au founs d’un gourg.
La lèbre, desempièi, se vèi encaro contro lou pont. E vaqui perqué se dis que li femo an troumpa lou diable.
Frederi Mistral
Armana prouvençau 1876
LE LIÈVRE DU PONT DU GARD
Le pont du Gard avec son triple rang d’arches qui sont à cheval les unes sur les autres, est un des plus beaux travaux qu’il y ait dans le monde. Et cependant on dit que le diable le bâtit en une nuit… Voici l’histoire.
Il y a bien longtemps, la rivière du Gardon, qui est une des plus traîtres et des plus furieuses qui soit, ne se passait qu’à gué. Les riverains se décidèrent un jour d’y bâtir un pont. Mais le maître maçon qui s’était chargé de l’œuvre, ne pouvait pas en venir à bout. Dès qu’il avait lancé ses arches sur le fleuve, il arrivait une crue du Gardon, et pataplouf ! le pont par terre. Un soir parmi les autres que, morne et solitaire, il regardait de la rive son travail effondré par la rage du Gardon, il cria désespéré :
– Cela fait trois fois que je recommence : Maudite soit ma vie ! Il y aurait de quoi se donner au diable… Et là-dessus, pan ! le diable apparut devant lui…
– Si tu veux, lui dit Satan, moi je te bâtirai ton pont et je t’assure que, tant que le monde sera monde, jamais le Gardon ne l’emportera…
– Je veux bien, dit le maçon. Et combien me feras-tu payer ?
– Oh ! peu de chose : le premier qui passera sur le pont, sera pour moi…
– Soit, dit l’homme.
Et le diable, aussitôt, jouant des griffes et des cornes, arracha à la montagne d’énormes morceaux de roche et bâtit un monstre de pont comme jamais on n’en avait vu. Pendant ce temps le maçon était allé voir sa femme pour lui raconter le pacte qu’il avait fait avec Satan.
– Le pont, dit-il, sera fait à l’aube. Mais ce n’est pas tout. Il faut qu’un pauvre bougre se damne pour les autres… Qui voudra être celui-là ?
– Eh, couillon, lui dit sa femme, tout à l’heure il y a une chienne qui a rapporté un levraut tout vivant, et demain, au petit jour, envoie-le sur le pont.
– Tu as raison, répliqua l’homme.
Et il attrape le levraut, retourne à l’endroit où le diable venait de bâtir son œuvre, e, comme l’angélus hésitait à sonner, il envoie la bête sur le pont. Le diable qui était à l’affut là-bas de l’autre côté du pont, met à l’abri, excité, le lièvre dans son sac… Mais en voyant que c’était un lièvre, il l’attrape avec fureur, le jette contre le pont, et, comme l’angélus sonnait à ce moment là, le mauvais esprit, en jetant mille malédictions, s’engloutit au fonds d’un abîme.
Le lièvre, depuis, se voir encore contre le pont. Et voilà pourquoi on dit que les femmes ont trompé le diable.