Dimars 9 de mai 2017 | boucodargens

DIMARS 9 DE MAI 2017

Sant Pacome

Ditado :

A jamai parti de Iero

Lou mes de mai à la garbiero.

Tèmo :

Le fontaine devant laquelle nous sommes passés date du 16ème siècle.

(en varois) : La fouant que (li) sian passa davans dato dóu siècle segen.

(en rhodanien) : La font que (ié) sian passa davans dato dóu siècle segen / La font davans la qualo sian passa davans dato dóu siècle segen.

Crouniqueto de Jan-Lu Domenge sus Radiò-Verdoun

LOU MAI EI FIHO

Lou mes de mai passo, emé resoun – quand es ce que duou èstre – pèr lou plus poulit de tóuti, car lou printèms es dins touto sa resplendour. Pamens, fau tambèn pas tròup se li fisa, car si dis que tant que lou mes de mai es pas au 28, l'ivèr es pas cue.

Es lou mes dei flour e deis amourous, lou mes dei fóucado. Si fa de pelerinage un pau d'en pertout. À-n-aquéu mes, tèms passa, si plantavo lou mai, e coumo dis uno cansoun poupulàri : Veici lou jòli mes de mai, que lei garçoun planton lou mai.

Lei roumeirage, lei voto si fan de pertout. Ancianamen lei calignaire anavon faire de serenado souto lei fenèstro dei fiho, e se li dounavo de bouquet en fènt de coumplimen coumo aquéstou :

– Bello, vous presènti la vióuleto, sias dins moun couar touto souleto ; mai pèr iéu serié doulourous, se dins vouastre couar n'i'avié dous.

Ou bèn aquéstou :

– Bello, vous represènti lou mentastre : prenès-mi iéu, prengués pas 'n pastre ; un pastre sènte l'enguènt, prenès-mi iéu que sènti rèn.

Ou bèn encaro aquéstou :

– Vous represènti lou roumaniéu, que lou matin vous lou cuhiéu, e que lou souar vous lou pourtàvi, pèr vous prouva que vous eimàvi ; mai bello, se m'eimas pas iéu, rendès-mi moun gai roumaniéu.

N'i'avié qu'èron pus marrit bèn entendu :

– Iéu vous represènti l'ourtigo : bello, s'erias plus moun amigo, viéu bèn qu'avès tròup de pounchoun, marridas-vous em'un cardoun.

– Bello, vous represènti la ferigoulo : avès un pau tròup grosso goulo, rèn que pèr la bourra de pan, mi manjarias tout lou gasan.

– Bello, aquéu que vous a canta, deman matin vous lou dira ; e se vous lou poudié pas dire, dóu pus bèu luen si metrié à rire...

LE MOIS DE MAI AUX FILLES

Le mois de mai passe, avec raison — s’il est comme il doit être— pour le plus beau de tous, car le printemps est dans toute sa splendeur. Cependant, il ne faut pas trop s’y fier, car on dit que tant que le mois de mai n’est pas au 28, l’hiver n’est pas cuit.

C’est le mois des fleurs et des amoureux, le mois des premières sorties. On fait des pèlerinages un peu partout. Ce mois là, autrefois, on plantait l’arbre de mai et comme dit une chanson populaire : Voici le joli mois de mai, où les garçons plantent le mai.

Les pèlerinages, les fêtes votives se font partout. Anciennement les amoureux allaient faire des sérénades sous les fenêtres des filles, et on y donnait des bouquets en faisant des compliments comme celui-ci :

- Belle je vous présente la violette, vous êtes la seule dans mon cœur ; mais pour moi ce serait douloureux, si dans votre cœur nous étions deux.

Ou bien celui-ci :

- Belle, je vous présente la menthe sauvage : prenez-moi, ne prenez pas un berger ; un berger sent l’onguent, prenez-moi moi qui ne sent rien.

Ou bien encore celui-ci :

- Je vous présente le romarin, que le matin je vous cueillais, que le soir je vous offrais, pour vous prouver que je vous aimais ; mais belle, si vous ne m’aimez pas, rendez-moi mon joli romarin.

Il y en avait qui étaient plus méchants, bien entendu :

- Moi je vous présente l’ortie : belle si vous n’étiez plus mon amie, je vois bien que vous avez trop de piquants, mariez-vous avec un chardon.

- Belle je vous présente le thym : vous avez un peu une trop grande gueule, rien que pour la bourrer de pain je mangerais toutes mes économies.

- Belle, celui qui vous a chanté, demain matin vous le dira ; et si il ne pouvait pas vous le dire, du plus loin il se mettrait à rire…

APOUNDOUN

– Ti presènti lou griéu de gòurano (ou gaurano : violier, genre de giroflée), que t'ai rèn vist de touto la semano. Aujourd'uei que ti vèu, mi ressembles à-n-un soulèu. (Mountauroun)

– Ti presènti la gòurano, que t'ai pas vist de touto la semano. E lou dimenche quand ti véu, mi sembles un bèu soulèu. (Freju)

– Vous presènti la vióuleto, uno flour tant pichouneto ; tant pichouneto creissira, e l'amour qu'ai pèr vous jamai finira.

– Ti presènti lou griéu de farigouleto, que siéu lasso de coucha souleto. Quouro vendra aquéu bèu jour, que coucharen tóutei dous ? (Mountauroun, eici es uno fremo que parlo)

– Vous óufri la pampo de vigno, bello, que, quand fa vènt, reguigno ; fan tròup ensin vouàstreis amour, bello, quand siéu auprès de vous.

– Ti presènti la cano verdo, que toun oustau es plen de m...

SUPPLÉMENT

– Je te présente la fleur de giroflée car je ne t’ai pas vue de toute la semaine. Aujourd’hui que je te vois, tu me semble un soleil. (Montauroux)

– Je te présente la giroflée, car je ne t’ai pas vue de toute la semaine. Et le dimanche quand je te vois, tu me semble un beau soleil. (Fréjus)

– Je vous présente la violette, une fleur si petite ; si petite elle grandira, et l'amour que j’ai pour vous ne finira jamais..

– Je te présente un brin de thym, car je suis lasse de coucher toute seule. Quand viendra ce beau jour, où nous coucherons tous les deux ? (Montauroux, ici c’est une femme qui parle)

– Je vous offre la pampre de vigne, belle, qui, quand il vente, résiste ; vos amours font trop comme cela, belle, quand je suis près de vous.

– Je te présente la canne verte, car ta maison est pleine de...

BOUI-ABAISSO DE PICHOUN PESE

Dins un poualoun de terro, metès un bouan kilò de pese fin, e coupas-li dessus quàuquei cebeto. Arrousas d'òli, e metès roussi. Quouro lei pese coumençaran de chanja de coulour, sènso espera que siegon frounzi, vuejas d'aigo caudo pèr lei tapa amplamen. Assesounas, ajustas un bouquet garni, leissas acaba de coueina. Un pau avans la fin, ajustas uno pinsado de safran, e quand lei pese n'auran pres lou goust, roumprés dessus lei pese autant d'uou que li aura de taulejaire, en fènt bèn atencien de pas creba lou rous. Avès eici lei proupourcien pèr quatre persouno. Retiras puei leis uou tre que saran prèst. Vuejas lou bouioun sus d'un plat garni de trancho de pan e servissès dins un autre plat lei pese emé leis uou dessus.

BOUILLABAISSE DE PETITS POIS

Dans un poêlon de terre, mettez un bon kilo de petits pois fins, et coupez-y dessus quelques cébettes. Arrosez d’huile, et mettez à roussir. Quand les petits pois commencent à changer de couleur, sans attendre qu’ils soient ridés, versez de l’eau chaude pour les recouvrir largement. Assaisonner, ajouter un bouquet garni, laissez achever la cuisson. Un peu avant la fin, ajoutez une pincée de safran, et quand les pois en auront pris le goût, cassez dessus autant d’œufs qu’il y aura de convives, en faisant bien attention de ne pas crever le jaune. Vous avez ici les proportions pour quatre personnes. Retirez ensuite les œufs dès qu’ils seront prêts. Verser le bouillon sus un plat garni de tranches de pain et servez dans un autre plat les petits pois avec les œufs dessus.

BARBOUIADO DE FAVO

Chausirés de favo un pau grosso en qu levarés la pèu, e quàuqueis artichaut dóu proumié gréu. Coupas leis artichaut en moussèu, fès-lei reveni dins d'òli d'óulivo em'un pau de cebo coupado en trancho fino, e li ajustas puei lei favo. Assesounas e perfumas em'un brout de ferigoulo. Leissas coueire à pichoun fue en tapant la marmito em'uno sieto pleno d'aigo.

BARBOUILLADE DE FÈVES

Vous choisirez des fèves un peu grosses à qui vous enlèverez la peau, et quelques artichauts tendres. Coupez les artichauts en morceaux, faites-les revenir dans de l’huile d’olive avec un peu d’oignon coupé en tranches fines, et ajoutez-y ensuite les fèves. Assaisonnez et parfumez avec un brin de thym. Laissez cuire à petit feu en couvrant la marmite avec une assiette pleine d’eau.

SOUPO DE FAVO

Vaqui coumo fau faire : pèr sièis persouno, prenès un kilò de gròssei favo, desfasès-lei e levas-li la pèu. Chaplas uno cebo e metès-la dins la sartan emé lei favo. Arrousas d'òli, bouan, e leissas coueina à pichoun fue. Quand la cebo e lei favo coumençon de si daura, ajustas d'aigo caudo, proun pèr lei tapa ; sau, pebre, bouquet garni. Leissas coueina enjusco que lei favo s'escrachon.

Pèr acaba, pèr fin que la soupo fague mai la crèmo, farés bèn de la liga emé de farino. Garnissès de lesco de pan la soupiero, vuejas la soupo après agué leva lou bouquet. Leissas un pau gounfla lou pan avans de servi, mai agués suen que rèste enca 'n pau de bouioun.

Bouan apetis !

SOUPE DE FÈVES

Voici comment il faut faire : pour six personnes, prenez un kilo de grosses fèves, écossez-les et enlevez-leur la peau. Hacher un gros oignon et mettez dans la poêle avec les fèves. Arrosez d’huile, de la bonne, et laissez cuire à petit feu. Quand l’oignon et les fèves commencent à dorer, ajoutez de l’eau chaude, assez pour les recouvrir ; sel, poivre, bouquet garni. Laissez cuire jusqu’à ce que les fèves soient tendres.

Pour finir, afin que la soupe soit onctueuse, vous ferez bien de la lier avec de la farine. Garnissez de tranches de pain la soupière, vider la soupe après avoir enlevé le bouquet. Laissez un peu gonfler le pain avant de servir, mais ayez bien soin qu’il reste encore un peu de bouillon.

Bon appétit