DIMARS 8 DE DESÈMBRE 2015

 

LA COUNCEPCIEN INMACULADO

 

NOUASTRO DAMO DE L’AVÈNT

 

 

Ditado :

 

• Qu manjo l’auco dóu Segnour, au bout de cènt an raco lei plumo.

Qui mange l’oie du Seigneur, au bout de cent ans vomit les plumes. (signification : une mauvaise action ne reste pas impunie)

 

• Ce qu’agrado pas au feisan, leis agasso lou manjon.

Ce qui ne plait pas au faisan, les pies le mangent

(signification : le bonheur des uns ne fait pas le bonheur des autres)

 

• Quand metès quaucarèn de l’envers riscas pas d’èstre enmasca.

Quand vous mettez quelque chose à l’envers vous ne risquez pas d’être ensorcelé.

 

Tèmo :

 

• Celui qui dépense plus qu’il ne gagne, sa bourse se plaint.

Aquéu que despènso (despènde) mai que ce que gagno, sa bourso a de lagno.

 

• Au pays des palmiers les ânes mangent des dates.

Au païs dei paumié leis ai manjon de dàti.

Ne pas confondre lou paume (la paume de la main qui est masculin en provençal) et la paumo (la palme)

 

• Cette table est bancale.

Aquelo taulo es goio vo aquelo taulo es touto viroua (virouso)

 

• Pourvu que se dit : proun que ou mai que

 

 

 

 

Estourintoun, 25 de janvié de 1904

Moun brave e brave, e archi-brave ami,

 

Devès dire que me presse gaire pèr vous escriéure – o, s'amas miés – pèr t'escriéure. Ma carto poustalo t'aura fa pacienta, parai ?

Anen ! Aro, ma plumo, ma gènto plumeto, resquiho que resquiharas sus lou papié, e canto au bèu Chivalié, canto-ié, de fiéu en courduro, l'óudissèio d'aquéli pàuri santoun, d'aquéli santoun benesi que de man amigo an tant bèn embala – e que mau-grat l'embalage, ai ! ai ! ai ! tres fes ai ! ai ! ai ! coume dins Œdipe – soun arriba en terro d'Aubioun, magagna, despinta, espóuti, blesi, que l'amo èro plus siéuno.

Arribèron dounc, coume te lou disiéu, dins si tres queisseto mignouno. Li desclavelère, li desfaguère d'aise, d'aise, emé li precaucioun delicado, minuciouso d'aquéli visitandino en quau Jan XXII avié fisa 'no bouito, que i'avié 'no cardelino dintre, bouito misteriouso, enmascarello, tentarello, que i'èro à-n-éli defendu de durbi e que pièi – li foulasso ! – durbiguèron, en fiho d'Èvo qu'èron.

Mi precaucioun faguèron quaucarèn, osco seguro, mai pas tout ! Sant Jóusè venguè... e ié mancavo rèn ; venguè la douço Vierge Marìo e, paureto, sa man gaucho avié despareigu ; venguè l'Enfant Jèsu mignoun, risoulet, oh ! lou poulit Jèsu !

Mai lou paure cassaire ! Ah ! me faguè pensa au prouvèrbi evangeli : "Quau se sièr de l'espaso, pèr l'espaso perira !" Éu qu'avié tant espóuti de pàuri creaturo dóu Bon Diéu, èro espóuti que vous fasié pieta ! Dins lou rassun umide e quàsi bagna – lou rassun vautre ié disès la sarriho – cerquerian sa tèsto ; i'èro plus ! soun boutèu dre : esclapa ! sa cueisso gaucho : plus ges ! si dous bras : au diable ! soun esquino : coupado au mitan! soun pitre  : fendu en tres...

E lou bouscatié ? lou bouscatié !.. Avèn trouva soun fais de bos e la mita d'uno cambo, ai ! ai ! ai ! paure bouscatié ! Siés, tu, coume lou cassaire ! De la destrau te siés servi, as passa pèr la destrau.

Lou tambourinaire ! Oh ! aquéu d'aqui, èro talamen embala emé gàubi, aurias di que tout bèu just sourtié di man de l'artisto : pas soulamen uno choco, uno souleto grafignado ! Salut ! tu simboulises la Prouvènço, o galoi tambourinaire, e simboulises sa gaieta ! Salut encaro un cop, musicaire de ma patrìo !

Lou bergié a perdu soun bras dre emai sa cambo drecho, lou pauras ! A l'èr tout desavia de se vèire goi, de se vèire manchet, pecaire ! L'adouradou a perdu soun ginous e touto uno espalo ; l'adourarello cerco si cambo que dins la sarriho se soun foundudo.

Mai la vièio au caulet, mai Misè Mieto, aquéli dos an l'èr escarrabihado d'avé travessa la Mancho sènso avé 'gu lou mau de mar : i'a que la vièio qu'a perdu soun capèu. S'èro descoula, l'an recoula. Aquéli dos, coume sant Jóusè, coume lou tambourinaire, an pas 'gu 'no grafignado. Tant n'en fau dire de l'avugle e de soun garçounet : dirias que just li vènon de croumpa i barraco, rèn ié manco.

Mai de la fielouso, mai la foun-founiarello, oh ! Jèsu-Marìo-Jóusè ! quet espetacle ! falié vèire acò !.. De la fielouso, restavo que la tèsto e lou bust, e pièi uno espèci de pedestau que la fielouso em'un brout de ferigoulo i'èron planta ; de la founfouniarello, i'avié li tres quart de la tèsto, ges de bras e li dous tiers de la vielo.

Lou prisaire èro sènso bras, sènso vèntre e – parlant sènso respèt – sènso quiéu ni cambo.

De soun coustat, la lachiero avié perdu la tèsto... e soun ferrat... d'aigo.

De móunié, n'ai ges vist – vos belèu dire lou fournié ? Aquéu d'aqui èro coupa en tres: avié lou bras dre d'un caire, tèsto, bust e canestello de pan d'un caire, e pièi cambo e pedestau d'un autre.

Lou vièi Fougasso avié perdu soun paro-plueio e tout un bras. Pèr quant à Pistachié, avié leissa tout un boutèu à la bataio. Tout lou bestiàri, cabro, chin, gau, agnèu e fedo, tout acò èro san e fres e gaiardet. Lou biòu e l'ase èron nimai pas malaut e se tenien sus si cambo.

Pèr quant i Mage, coum' acò 's de gènt acoustuma i long viage, avien soufert de rèn e se pourtavon pas mau.

Ah ! Moun bèu, es eici que sian !.. N'avèn fa de pèu de rire, pos te crèire, quand a faugu cerca e recerca e espelugueja pèr, au mitan d'aquéu mouloun de bras, de tèsto, de tout acò, te dise, retrouva lou persounage o recounèisse ço qu'èro siéu.

Enfin ! enfin ! Moun Diéu vous rènde gràci ! Bèn vai qu'eici au couvènt, ai dous paire  que soun d'artisto ! An retrouva quàsi tóuti li moussèu e lis an agença. De metre uno man à la santo Vierge, acò's bacheto ! Mai lou cassaire, mai la fielouso e lou bergié, ma fisto, lis an adouba talamen bèn que, se soun esta rout, lou fau saupre, lou fau avé vist.

E aro, fau vèire, lou belèn d'Estou-rintoun, emé si santoun, cadun bèn à sa plaço. Tóuti ié vènon pèr bada, tóuti trovon acò naïve e poulit à noun plus dins sa naïveta.

E aro te cargue, moun brave Chivalié, de dire en moun noum un gramaci de tout cor i bràvi gènt que n'an vougu faire aquelo souspresso : n'en siéu esta que noun-sai esmougu, que n'en aviéu li plour à la parpello.

 

Savié de Fourviero

 

 

Storrington le 25 janvier 1904

 

Mon brave et brave, et archi-brave ami,

 

Vous devez dire que je ne me presse guère pour vous écrire — ou, si vous aimez mieux — pour t’écrire. Ma carte postale t’auras fait patienter, n’est-ce pas ?

Allons ! Maintenant, ma plume, ma gentille petite plume, glisse et glisse sur le papier, et chante le beau Chevalier, chante-lui, de fil en aiguille, l’odyssée de ces pauvres santons, de ces santons bénis que des mains amies ont si bien emballés — et que malgré l’emballage, aïe, aïe, aïe, trois fois aïe, aïe, aïe, comme dans Œdipe — sont arrivés en terre d’Albion, blessés, peinture abimée, écrasés, meurtris, leur âme n’étant plus la leur.

Ils arrivèrent donc, come je te le disais, dans trois caissettes mignonnes. L’enlevai les clous, je les défis très doucement, avec les précautions délicates, minutieuses des ces visitandines à qui Jean XXII avait confié, une boite, qui contenait un chardonneret, boite mystérieuse, ensorceleuse, tentatrice, qu’on leur avait défendu d’ouvrir et qu’ensuite — les grandes folles ! —  ouvrirent, en filles d’Ève qu’elles étaient.

Mes précautions firent quelque chose, c’est certain, mais pas tout ! Saint Joseph arriva… et il ne lui manquait rien ; puis vint la douce Vierge Marie et, la pauvre, sa main avait disparu; vint  l’Enfant Jésus mignon, souriant, oh ! le joli Jésus !

Mais le pauvre chasseur ! Ah ! il me fit penser au proverbe évangélique « Qui se sert de l’épée, périra par l’épée ! » Lui qui avait tant écrasé de pauvres créatures du Bon Dieu, était écrasé à vous faire pitié ! Dans la sciure humide et presque mouillée  — la sciure que vous autres appelez sarriho — nous cherchâmes sa tête ; elle n’y était plus ! son mollet droit : brisé en éclats ! sa cuisse gauche : disparue ! ses deux bras : au diable ! son dos : coupé au milieu ! sa poitrine : fendue en trois…

 

Et le bucheron ? le bucheron !... Nous avons trouvé son fagot de bois et la moitié d’une jambe, aïe ; aïe, aïe ! pauvre bucheron ! Tu es, toi, comme le chasseur ! Tu t’es servi de la hache, tu es passé par la hache.

Le joueur de tambourin ! Oh ! celui-ci, était tellement emballé avec soin, vous auriez dit qu’il venait tout juste de sortir des mains de l’artiste : pas même une bosse, une seule égratignure ! Salut ! Toi tu symbolises la Provence, oh joyeux tambourineur, et tu symbolises sa gaité ! Salut encore une fois, musicien de ma patrie !

Le berger a perdu son bras droit et aussi sa jambe droite, le malheureux ! Il a l’air tout dérouté de se voir boiteux, de se voir manchot, le pauvre ! L’adorateur a perdu son genou et toute une épaule ; l’adoratrice cherche ses jambes qui dans la sciure ont disparu.

Mais la vieille au chou, mais Madame Mariette, ces deux là ont l’air émoustillées d’avoir traversé la Manche sans avoir eu le mal de mer : il n’y a que la vieille qui a perdu son chapeau. Il s’était décollé, on l’a recollé. Ces deux là, comme saint Joseph, comme le joueur de tambourin, n’ont pas eu une égratignure. On peut en dire autant de l’aveugle et de son petit garçon : on dirait qu’on vient juste de les acheter dans les baraques, il ne leur manque rien.

Mais de la fileuse, mais de la joueuse de vielle , oh ! Jésus-Marie-Joseph ! quel spectacle ! Il fallait voir cela !... De la fileuse, il ne restait que la tête et le buste, et puis sur une  sorte de piédestal où la fileuse avec un brin de thym étaient plantés ; de la joueuse de veille, il y avait les trois-quarts de la tête, pas de bras et les deux tiers de la vielle.

Le priseur était sans bras, sans ventre et – parlant sans respect – sans derrière ni jambe.

De son côté, la laitière avait perdu la tête… et son seau.. d’eau.

De meunier, je n’en ai pas vu — Tu veux peut-être dire le fournier ? Celui-ci était coupé en trois : il avait le bras droit d’un côté, tête, buste et corbeille de pains d’un côté, et puis, jambe et support d’un autre.

Le vieux Fougasse  avait perdu son parapluie et tout un bras. Quant à Pistachier, il avait laissé tout un mollet dans la bataille. Toutes les bêtes, chèvres, chien, coq, agneau et brebis, tout cela était sain et frais et gaillard. Le bœuf et l’âne n’étaient pas malades, eux non plus, et se tenaient sur leurs jambes.

     Quant aux Mages, comme se sont des gens habitués aux longs voyages, ils n’avaient souffert de rien et ne se portaient pas mal.

Ah ! Mon beau, nous y voilà !... Nous avons ri à cœur joie, tu peux le croire, quand il a fallu chercher et rechercher et chercher minutieusement pour, au milieu de ce tas de bras, de têtes, de tout cela, je te dis, retrouver le personnage ou reconnaitre qui était qui.

Enfin ! enfin ! Mon Dieu je vous rends grâce ! Heureusement ici au couvent, j’ai deux pères qui sont des artistes ! Ils ont retrouvé presque tous les morceaux et les ont agencés. Mettre une main à la Vierge, c’est facile !  Mais le chasseur, mais la fileuse et le berger, ma foi, il les ont arrangés tellement bien que, s’ils ont été cassés, il faut le savoir, il faut l’avoir vu.

Et maintenant il faut voir, la crèche de Storrington, avec ses santons, chacun bien à sa place. Tout le monde vient pour admirer, ils trouve cela naïf et joli, on ne peut plus, dans sa naïveté.

Et maintenant je te charge, mon brave Chevalier, de dire en mon nom merci de tour cœur aux braves personnes qui ont voulu nous faire cette surprise : j’en ai été énormément ému, tellement que j’en avais les larmes aux yeux.

 

Xavier de Fourvière