DIMARS 6 D’ÓUTOBRE 2014
SANT SÈRGI
MOUN GRAND
Moun àvi, qu'èro un pau sourcié,
Ço que n'en countavo !
Creirias pas tout ço que sabié,
Moun àvi qu'èro un pau sourcié,
Li sèr d’ivèr o quand plóuvié
Zóu ! pièi coumençavo.
Avié servi douge à quinge an
A bord de la floto,
Sus la mar nostro e l'oucean,
Avié servi douge à quinge an
Sèns èstre avare de soun sang,
En bon patrioto.
Mai subre de tout prouvençau,
E crane de l’èstre.
Revenguè lèu au vièi oustau.
Mai subre de tout prouvençau,
Se pantaiè d'èstre amirau,
Restè quartié-mèstre.
De moun tèms, patroun Sigalas
Avié de tartano
Que lougavo pèr vièure en pas.
De moun tèms, patroun Sigalas
Èro saluda capèu bas
De Marsiho à Cano.
Aquéu l'amavo à la foulié
Sa vilo de glòri,
Soun Freju au flame clouchié !
Aquéu l'amavo à la foulié,
Pèiro pèr pèiro couneissié
Touto soun istòri.
Boutas, s'èro leva matin !
Avié de gros libre,
Se sabié pas charra latin,
Boutas, s'èro leva matin !
Servié d'aubitre à si vesin
Qu'èro juste e libre.
D'abitudo siau e courous,
Dreissavo la crèsto
Davans li fourestié jalous.
D'abitudo siau e courous,
I mourvelous, i verinous
Cercavo batèsto.
Tambèn, s'ausissié de coudoun
Que dins li raconte
Trufon marsihés o gascoun.
S'ausissié d'aquéli coudoun,
Ié dounavo pas de poutoun
Mai avien bon comte.
I chapoutaire dóu mistrau
Respoundié : renaire,
Es éu que nous tèn viéu e gau.
I chapoutaire dóu mistrau
Fasié : n'en diguès pas de mau
Qu'es noste escoubaire !
I gènt que fan li francihot,
Li brego sucrado,
I machicot, i moussurot,
I gènt que fan li francihot
E que s'embouion dins li mot,
Quèti regagnado !
Quand derrabavon d'óulivié
Boudiéu, que de lagno !
« Es de bastard o d'estrangié
Que derrabon lis óulivié ,
L'aubre-rèire, lou nourriguié
De nòsti campagno ».
Me menavo à soun bastidoun
Pitave li panso
Vesiéu boumbi li cougourdoun.
Me menavo à soun bastidoun
Eneiga pastèco e meloun.
Ah ! que benuranço !
M'aprenié lou noum prouvençau
Di flour dóu terraire.
Sabié d'erbo pèr li malaut.
M'aprenié lou noum prouvençau
Di pèis de broundo e di roucau.
Que bon ensignaire !
Qu'estrambord ! quand, dins soun batèu,
Li jour de riboto,
À Sant-Eigout, à Sant-Rafèu,
Qu'estrambord ! quand, dins soun batèu,
Mountavian serran e pajèu
À la palangroto.
Cercavian, s'èro la sesoun,
Cicòri, douceto
Roumaniéu-couniéu o creissoun.
Cercavian, s'èro la sesoun,
Pignen, cacalauso, cardoun,
Nerto, coulareto.
Èro lou baile dou mourtié,
Viravo l'aiòli
Miés que lis ome dóu mestié.
Èro lou baile dóu mourtié ;
Manejavo lou bistourtié ;
Ah ! li bon raviòli !
Nous fasié manja lou saussoun
Emé l'anchouiado.
Quand venié lou tèms di meissoun
Nous fasié manja lou saussoun.
Bevian à-de-reng au flascoun
À la gargalado.
Se l'ai jamai vist s'enebria,
Mau-grat sa clareto,
Soun vin cue e si ratafiat.
Se l'ai jamai vist s'enebria,
I'arribè de s'engauchiha
D'uno crestouneto !
Alor, cantavo de cansoun
À soun entaulado ;
Segur qu'èro pas d'ouresoun.
Alor cantavo de cansoun
Ounte li porto-coutihoun
Èron proun fadado !
Pèr li noço, is enterramen,
Anavo i service
Ounte se tenié dignamen.
Pèr li noço, is enterramen
Legissié meme assiduamen
Soun libre d'óufice.
Mai crese bèn qu'èro pagan
Que souvènt charravo
De Jove, d'Apouloun, de Pan
Crese qu' au founs èro pagan !
Disié : bessai que revendran
E lis esplicavo.
Ai escri ço que m'a counta
Long de ma jouvènço
E bèn segur que n'ai sauta ;
Ai escri ço que m' a counta.
Se vous plase siéu countenta
E vivo Prouvènço !
« Carnavalejado » 1909
Ravous Ginesto
Docteur Adolphe AUGIER
(Frejus 1849-1914)
Ginèsto, prenguère toun noum
Perqué siés la flour dóu campèstre
E que l'or de ti fivèu blound
A ges de mèstre.
MON GRAND-PÈRE
Mon aïeul, qui était un peu sorcier,
Qu’est-ce qu’il en racontait !
C’est incroyable tout ce qu’il savait,
Mon aïeul, qui était un peu sorcier,
Les soirs d’hiver ou quand il pleuvait
Allez ! puis il commençait !
Il avait servi douze à quinze ans
A bord de la flotte,
Sur la Méditerranée ou l’océan
Il avait servi douze à quinze ans
Sans être avare de son sang,
En bon patriote.
Mais par dessus tout provençal,
Et fier de l’être
Il revint vite au vieux logis.
Mais avant tout provençal,
S’il rêva d’être amiral,
Il resta quartier-maître.
De mon temps, patron Sigalas
Avait des tartanes
Qu’il louait pour vivre tranquille.
De mon temps, patron Sigalas
Était salué chapeau bas
De Marseille à Cannes.
Il l’aimait à la folie
Sa ville de gloire,
Son Fréjus au fameux clocher !
Il l’aimait à la folie,
Pierre par pierre il connaissait
Toute son histoire.
Allez, il était dégourdi !
Il avait de gros livres,
S’il ne savait pas parler latin,
Allez, il était dégourdi !
Il servait d’arbitre à ses voisins
Car il était juste e libre.
D’ordinaire doux et cordial,
Il dressait la crête
Devant les étrangers jaloux.
D’ordinaire doux et cordial,
Aux morveux, aux haineux
Il cherchait querelle.
Aussi, s’il entendait des imbéciles
Qui dans leurs anecdotes
Se moquent de marseillais et des gascons.
Entendait de ces imbéciles
Il ne leur donnait pas l’accolade
Mais ils en prenaient pour leur grade.
Aux détracteurs du mistral
Il répondait : grognons,
C’est lui qui nous tient vifs et joyeux
Aux détracteurs du mistral
Il disait: n’en dites pas de mal
Car c’est notre balayeur !
A ceux qui affectent de parler le français,
La bouche sucrée,
Aux maladroits, aux petits messieurs
A ceux qui affectent de parler le français,
Et qui se mélangent dans les mots
Quels reproches !
Quand il voyait arracher les oliviers
Mon Dieu !, que de désolation !
« Ce sont des sauvages ou des étrangers
Qui arrachent les oliviers
L’arbre séculaire, le nourricier
De nos campagnes ».
Il me menait à son bastidon,
Je picorait les grappes
Je voyais grossir les courges.
Il me menait à son bastidon
Arroser pastèques et melons.
Ah ! quel bonheur!
Il m’apprenait le nom provençal
Des fleurs de l’endroit.
Il connaissait des herbes pour les malades.
Il m’apprenait le nom provençal
Des poissons de l’onde et des roches.
Quel bon professeur !
Quelle exaltation ! quand, dans son bateau,
Les jours de ribote,
À Saint-Aygulf, à Saint-Raphaël,
Quelle exaltation! quand, dans son bateau,
Nous remontions serrans et pageot
À la palangrotte.
Nous cherchions, selon la saison,
Chicorée, doucette,
Asperges sauvages ou cresson.
Nous cherchions, selon la saison,
Champignons, escargots, cardes,
Myrtes, fraises des bois.
C’était le maître du mortier,
Il tournait l’ailloli
Mieux que les hommes du métier.
C’était le maître du mortier,
Il maniait le rouleau à pâtisserie ;
Ah ! les bons raviolis !
Il nous faisait manger le saussoun
Et aussi l’anchoïade.
Quand venait le temps des moissons
Il nous faisait mangé le saussoun
Nous buvions tour à tour au flacon
À la régalade.
Si je ne l’ai jamais vu s’enivrer,
Malgré sa clairette,
Soin vin cuit et ses ratafias
Si je ne l’ai jamais vu s’enivrer,
Il lui arriva d’être en joie
Et d’être un peu parti!
Alors, il chantait des chansons
À toute la tablée ;
C’est sûr, ce n’étaient pas des oraisons.
Alors, il chantait des chansons
Où les femmes
Étaient bien assaisonnées !
Pour les noces, aux enterrements,
Il allait à l’église
Où il se tenait dignement.
Pour les noces, aux enterrements,
Il lisait même assidûment
Son livre d'offices.
Mais je crois bien qu’il était païen
Car souvent il parlait
De Jupiter, d'Apollon, de Pan
Mais je crois qu’au fonds était païen
Il disait : peut-être qu’ils reviendront
Et il nous parlait d’eux.
J’ai écrit ce qu’il m’a raconté
Tout au long de ma jeunesse
Et bien sûr qu’en j’en ai passé ;
J’ai écrit ce qu’il m’a raconté
Si cela vous plait j’en suis heureux
Et vive la Provence !
« Les carnavaleques» 1909
Raoul Ginesto
Docteur Adolphe AUGIER
(Fréjus 1849-1914)
Genêt, je pris ton nom
Car tu es la fleur des champs
Et que l'or de tes brindilles blondes
N’a pas de maitre.