DIMARS 27 d’ ABRIÉU 2021
Santo Zeto
LOU CURAT BOURNICLET
Aquéu bouan moussu lou curat èro esta envita à dina encò de la barouno deis Escoubeto. Vous dirai qu’èro pas un divèndre e si passè sus taulo de moussèu goustous, de que si leva l’envejo ei plus fin lipet. Moussu lou curat, pecaire, avié aquéu pichoun defaut (qu’à bèn regarda, n’es pas un) d’eima ce qu’es bouan. Tambèn s’en metè jusqu’aqui, à si lou touca emé lou det. Quouro si levè de taulo, èro gounfle coumo un perus. E coumo leis ome èron sourti dins lou jardin pèr ana fuma uno cigaro, éu pecaire ! qu’en fèt de taba, fasié que prisa e qu’em ’acò, bourniclet, li vesié qu’en si rapugant lou journau souto lou nas, restè dounc emé lei damo. Lou faguèron asseta au mitan d’éli dins un fautuei mouflous pèr que siguèsse bèn à l’aise, e si metèron à charra.
À la longo, sàbi pas s’èro l’efèt de la calour vo la digestien, aquéu bouan moussu lou curat s’endourmè.
Moun Diéu ! l’avié pas de mau en acò, tambèn pèr pas lou destressouna de soun pichoun penè, lei damo charrèron plus qu’à la chut-chut. Mai, vai-ti fa fiche ! au bèu mitan de soun souam, moussu lou curat, pecaire, lachè un pichoun pet, mai tout pichoun que fuguèsse, lou gus si faguè ausi, e sus d’acò lou curat si revihè. Sus-lou-còup restè capot, mai si ravisè en vesènt un pichoun chin à soun coustat e pèr teni sei countenènci, tapoutejè sus l’esquino de l’animau en disènt :
– Oh ! lou mal-aprés, as pas crento de faire acò ? Sabes pas qu’es pecat de peta en coumpagnié ?
Urousamen que, dins sa bounta divino, lou bouan Diéu, en lou fasènt bourniclet, l’empachè de vèire lou riset d’aquélei damo, car aurié pres uno bravo crento, estènt que lou chin que caressavo èro pas un chin coumo leis autre. Èro un chin empaia…
Mèste Bartoumiéu
Armana de la Pignato 1939
LE CURÉ MYOPE
Ce bon monsieur le curé avait été invité à déjeuner chez la baronne des Balayettes. Je vous dirai que ce n’était pas un vendredi et que l’on passa sur la table des morceaux savoureux, de quoi satisfaire les plus fins gourmets. Monsieur le curé, le pauvre, avait ce petit défaut (qui à bien regarder, n’en est pas un) d’aimer ce qui est bon. Aussi il s’en mit jusque là, à n’en plus pouvoir. Quand il se leva de table, il avait le ventre plein. Et comme les hommes étaient sortis dans le jardin pour aller fumer un cigare, lui, le pauvre ! qui en fait de tabac ne faisait que priser et qui avec cela, myope, ne voyait qu’en se mettant le journal sous le nez, resta avec les dames. Elles le firent assoir au milieu d’elles dans un fauteuil bien moelleux, pour qu’il soit bien à son aise, et elles se mirent à bavarder.
À la longue, je ne sais pas si c’était sous l’effet de la chaleur ou de la digestion, ce bon monsieur le curé s’endormit.
Mon Dieu ! il n’y avait pas de mal à cela, aussi pour ne pas le déranger dans son petit somme, les dames ne parlèrent qu’à voix basse. Mais, ne voilà-t-il pas, qu’au beau milieu de son sommeil, monsieur le curé, le pauvre, lâcha un petit pet, mais tout aussi petit soit-il, le pet se fit entendre, et, sur ce, le curé se réveilla. Sur le coup il resta confus, mais il se ravisa en voyant un petit chien à son côté et pour faire bonne contenance, il tapota sur le dos de l’animal en disant :
– Oh ! le malappris, tu n’a pas honte de faire cela ? Tu ne sais pas que c’est mal de péter en compagnie ?
Heureusement que, dans sa bonté divine, le bon Dieu, en le faisant myope, l’empêcha de voir le sourire de ces dames, car il se serait trouver honteux, étant donné que le chien qu’il caressait n’était pas un chien comme les autres. C’était un chien empaillé…