Dimars 26 de nouvèmbre 2019

DIMARS 26 DE NOUVÈMBRE 2019

Santo Dóufino

Ditado :

A Sant-Andriéu la fre dis : « Mi vaqui iéu »

A Saint-André le froid dit : « C’est moi ».

Tèmo :

Peaux de lièvres, peaux de lapin, vieilles ferrailles et mauvaises chaussures !

Pèu de lèbre, pèu de lapin, ferre vièi e marrit soulié.

Ero la creidadisso lançado pèr lou "Mandigot", dins lei carriero de Freju, li a bessai 60 an (souveni de Rougié Brodin).

Lou capèu de Moussu lou Curat

L’istòri que vous vau counta es un pau simpleto mai sènso marrìdeis intencien.

Èro dóu tèms que lei capelan pourtavon soutano e capèu. Avian pèr vesin un brave bouscatié qu’anavo faire de coupo de bouas aperamount dins lei coualo dóu Var aut. Eila, un diminche que si trouvè davans la glèiso à l’ouro de la messo, si decidè de segui lou mounde qu’intravon… E vaqui ce que nous countè :

– Davans iéu, un parèu bagnèron sa man dins un gros buvidou, la niflèron, l’espóussèron sus l’embourìgou e la sequèron sus uno espalo e sus l’autro. Puei, la fremo anè s’asseta d’un coustat de la glèiso e l’ome de l’autre.

Davans lou mounde, quàuqueis escalié tapa d’un bèu tapis menavon à 'no grando taulo proun auto e larjo. Dessus, l’avien mes uno poulido touaio blanco, dous bèu candelié dei bougìo atubado e un gros libre dei riban acoulouri. Mi pensèri qu’avien óublida la chaminèio dins aquest oustau !

Tóutei lei fremo pourtavon lou capèu e leis ome èron tèsto nuso. Pamens, d’ùnei avien gaire de péu ! Mi demandàvi se fariéu pas miés de garça lou camp quouro lou curat intrè, segui de dous garçounet.

Lou capelan pauvè soun capèu sus d’uno cadiero puei s’enanè dins un chambroun darnié la taulo auto. Un dei drole prenguè lou capèu e l’escoundè dins un placard, souto uno estagiero que supourtavo uno grando estatue.

Vesti d’uno raubo blanco dei lònguei mancho, Moussu lou Curat s’en revenguè. L’autre drole, qu’èro resta em’éu, s’èro vesti de rouge em’un caloutoun de la memo coulour e uno camiseto, pulèu uno blodo, blanco emé de dentello.

Lou prèire e l’enfant s’aprouchèron de la taulo e, de-suito, coumprenguèri que lou capelan s’èro deja avisa que soun capèu avié dispareissu…

… Lou curat venguè proche lou drole que gançaiè 'no campaneto. Tout lou mounde si dreissèron e lou prèire si boutè à parla. Parlavo dins uno lengo que la coumpreniéu pas. Duvié demanda se degun avié vist soun capèu. Pèr n’èstre segur, demandèri à moun vesin ce que disié lou curat. Aquéu mi respoundè soulamen : « Chut ! es de latin ! »

Après un moumenet, lou drole gançaiè mai la campaneto. Lei gènt s’assetèron e iéu tambèn. Lou capelan mountè pèr un bèl escalié à-n-uno meno de balcoun de bouas poulidamen esculta. Aqui, si metè à parla. Parlavo emé lei man, e brassejavo à n’en plus fini. Paure ome ! Si vesié qu’avié de peno d’agué perdu soun capèu ! De-segur, li tenié. Èro bessai un souveni de famiho !

Supliquè lou cèu un darnié còup, puei davalè de soun ajoucadou, bèn deçaupu.

Si pensavo sènso doute que d’adaut l’aurié vist lou capèu… S’entournè à la taulo, e vaqui mai lou garçounet que campanejo ! Aquéstou còup, lei fremo si metèron d’à geinous, de-segur pèr cerca lou capèu. Leis ome, resta dre, clinèron la tèsto pèr espincha de soun coustat…

L’un deis enfant versè à béure au curat dins uno timbalo dóu pèd tant aut, puei lou segound li lavè lei man. E mai la campaneto ! Aquéstou còup, tout lou mounde s’assetèron e douas fiheto passèron pèr quista, uno sieto de couire en man. Sènso doute, pèr croumpa un autre capèu à Moussu lou Curat ! Tóutei baièron larg, e iéu, li dounèri touto la mounedo qu’aviéu.

Countènt de vèire que l’avié de que si croumpa un capèu nòu, lou capelan nous counvidè à veni au davans d’éu, e, pèr nous remercia, nous dounè un bounboun en chascun. Foutre ! èro pas mai qu’un moussèu de papié coumo l’a sus lou nougat ! Èro pas marrit, mai fuguè pas eisa de l’empassa…

… La distribucien acabado, uno damoto couifado d’un bèu capèu emé la veleto si metè à juga dóu pianò. Lou mounde si dreissèron e cantèron : « Allez Louia ! Allez Louia, allez Louia ! »

Duvien encouraja la pianisto que, seguramen, avié pèr noum Louia !? Un noum latin, sènso doute ! M’agradavo tant, aquelo cansoun, que pèr un pau auriéu pica dei man en cadènci. La cansoun acabado, lou capelan s’entournè dins soun chambroun puei revenguè vesti coumo avans.

Es alor que lou drole li rendè lou capèu. Lei gènt n’èron talamen urous qu’anèron felicita lou curat e li touca la man.

Iéu, que mi sentiéu un pau estrangié, li siéu pas ana. Auriéu bèn vougu li dire à Moussu lou Curat : « Lou còup que vèn, vouastre capèu, vous lou gardarai voulentié. Mi poudès faire fisanço, n’en prendrai bèn suen ! » Mai ai rèn di, perqué counouèissi pas lou latin…

E puei tè, aro que li pènsi, alor qu’avié retrouba soun capèu, nous a jamai rendu l’argènt !

MARINETO

LE CHAPEAU DE MONSIEUR LE CURÉ

L’histoire que je vais vous raconter est un peu simplette mais sans mauvaises intentions.

C’était au temps où les curés portaient soutane et chapeau. Nous avions pour voisin un brave bucheron qui allait faire des coupes de bois bien haut dans les collines du Var. Là-bas, un dimanche qu’il se trouvait devant l’église à l’heure de la messe, il se décida de suivre les gens qui entraient… Et voilà ce qu’il nous raconta :

Devant moi, un couple mouilla sa main dans un gros abreuvoir, ils la sentirent, ils la secouèrent sur le nombril et la séchèrent sur une épaule et sur une autre. Puis la femme alla s’asseoir d’un côté de l’église et l’homme de l’autre..

Devant les gens, quelques marches recouvertes d’un beau tapis menaient à une grande table haute et large. Dessus, on avait mis une jolie nappe blanche, eux beaux chandeliers aux bougies allumées et un gros livre avec des rubans de couleur. Je pensai qu’on avait oublié la cheminée dans cette maison !

Toutes les femmes avaient un chapeau et les hommes étaient tête nue. Pourtant certains n’avaient guère de cheveux. ! Je me demandai si je ne ferais pas mieux de fiche le camp quand le curé rentra, suivi de deux garçonnets.

Le curé posa son chapeau sur une chaise puis s’en alla dans une petite pièce derrière la table haute. Un des garçons prit le chapeau et le cacha dans un placard, sous un étagère où était posée une statue.

Vêtu d’une robe blanche à longues manches, Monsieur le Curé revint. L’autre garçon, qui était resté avec lui, s’était vêtu de rouge avec une petite calotte de la même couleur et une petite chemise, plutôt une blouse, blanche avec de la dentelle.

Le prêtre et l’enfant s’approchèrent de la table et, de suite, je compris que le curé s’était rendu compte que le chapeau avait disparu…

… Le curé vint près du garçon qui agita une clochette. Tout le monde se leva et le prêtre se mit à parler. Il parlait dans une langue que je ne comprenais pas. Il devait demander si personne n’avait vu son chapeau. Pour en être certain, je demandai à mon voisin ce que disait le curé. Celui-ci me répondit seulement : « Chut ! c’est du latin ! »

Après un petit moment, le garçon agita à nouveau la clochette. Les gens s’assirent et moi aussi. Le curé monta par un bel escalier à une sorte de balcon de bois joliment sculpté. Là, il se mit à parler. Il parlait avec les mains, et agitait sans arrêt les bras. Pauvre homme ! On voyait qu’il avait de la peine d’avoir perdu son chapeau ! C’est certain, il y tenait. C’était peut-être un souvenir de famille !

Il supplia le ciel une dernière fois, puis descendit de son perchoir, bien déçu.

Il pensait sans doute que de là-haut il aurait vu son chapeau… Il retourna à la table, et voilà qu’à nouveau le garçonnet agite sa clochette ! Cette fois, les femmes se mirent à genoux, certainement pour chercher le chapeau. Les hommes, restés debout, inclinèrent la tête pour regarder de leur côté….

L’un des enfants versa à boire au curé dans une timbale au pied très haut, puis le second lui lava les mains. Et à nouveau la clochette ! Cette fois tout le monde s’assit et deux fillettes passèrent pour faire la quête, une assiette de cuivre à la main. Sans doute pour acheter un autre chapeau à Monsieur le Curé ! Tous donnèrent largement et moi je leur donnai toute la monnaie que j’avais.

Content de voir qu’il avit de quoi s’acheter un chapeau neuf, le curé nous invita à venir devant lui, et, pour nous remercier, nous donna un bonbon à chacun. Fichtre ! ce n’était pas plus qu’un morceau de papier comme il y en a sur le nougat ! Ce n’était pas mauvais, amis ce ne fut pas facile de l’avaler…

… La distribution terminée, une petite dame coiffée d’un beau chapeau avec une voilette de mit à jouer du piano. Les gens se levèrent et chantèrent : « Allez Louia ! Allez Louia, allez Louia ! » Ils devaient encourager la pianiste qui, certainement, avait pour nom Louia ! Un nom latin, sans doute ! Elle me plaisait tant cette chanson, que pour un peu j’aurai frappé des mains en cadence. La chanson terminée, le curé reparti dans sa petite pièce puis revint vêtu comme avant.

C’est alors que le garçon lui rendit son chapeau. Les gens étaient tellement heureux qu’ils allèrent féliciter le curé et lui serrer la main.

Moi, qui me sentait un peu étranger, je n’y suis pas allé. J’aurais bien voulu lui dire à Monsieur le Curé : « La prochaine fois, votre chapeau, je vous le garderai volontiers. Vous pouvez me faire confiance, j’en rpendrai bien soin ! » Mais je n’ai rien dit, car je ne connaissais pas le latin….

Et puis tenez, maintenant que j’y pense, alors qu’il avait retrouvé son chapeau, il ne nous a jamais rendu l’argent !