DIMARS 26 DE JANVIÉ 2016

 

SANTO PAULO

 

 

LOU PROUMIÉ DE L’AN

 

Èro d'usage, pèr lou proumié de l’an, que moun paire aguèsse  mau de tèsto. Nous embrassavo alor em’ un èr soucitous.

Sabian bèn, nàutrei seis  enfant, qu'aquéu mau èro pèr nous afigna, avié uno autro resoun que de nous taquina: èro lou jour  deis estreno e éu eimavo douna aquéu plesi.

Un an venguèri, selon la coustume, presenta mei respèt à moun  paire. Coumo èri pas esta un moudèle, quàuquei jour avans, mei parènt  decidèron de mi faire un pau tira la lengo. En m'embrassant, moun paire diguè:

— Es tout pèr tu, aquest an. L'an que vèn, avisaren.

Pamens sabiéu que  m'avié croumpa uno bouito de « Perfèt  Magician » e

que mi la remetrié après lou soupa. Mau-grat ‘cò n’en fuguèri countraria e tambèn, pèr rancuro, escamoutèri dins lou magasin un pichot saussissot, pensant m'en desfaire e, emé lei sou que n'en tirariéu, mi pousqué  croumpa un pichoun  juguet. Mai aguèri vergougno de lou vèndre e m’en vouguèri d'agué  coumés  aquéu raubatòri. Gardèri  dounc moun saussissot dins la pocho emé l’intencien de lou remetre en plaço.

Lou prendre fuguè eisa, mai lou requita fuguè impoussible tant, de pratico, la boutico desemplissié pas.

Aquéu sero d'aqui, lou  repas fuguè requist. Emé pichoun pièd à l’aste, meleto de cachofle e bounbouniho, dounavo d’èr à-n-un vertadié repas de gala.

Es à la fin de la soupado que ma maire mi remetè la bouito de magician en mi disènt:

—Tèn-ti plus sage à l’aveni.

Urous n'en fuguèri. Gramaci diguèri à moun paire e à ma maire. E tambèn desclarèri à la taulejado:

— Eh ! bè, vous vau faire quàuquei tour de fisico.

Es aqui  que leis ai debastèron; moun saussissot anavo juga soun grand role.

Prenguèri ma bagueto magico, moun pichoun saquet d'estofo negro e  diguèri à la coumpanié pleno de doutanço:    

— Vau faire sourti de moun saquet un saussissot.

Pas degun mi creiguè.

Aviéu agu suen  de  prepara  moun còup  en secret. Murmurèri  quàuquei

mot cabalisti que faguèron rire l’assistanço e fieramen sourtèri lou saussissot à l’estounamen de tóutei.

Moun paire mi regardè, un pau sousprés, e diguè simplamen:

— Pèr  eisèmple, acò es un pau fouart !

Ma maire diguè rèn; diguè rèn, mai si soungè, pamens, e dins seis uei que beluguejèron pousquèri legi sa pensado: « Mi demàndi de mounte a bèn pouscu destrauca aquéu  saussissot ».

Moun fraire Fredò, que deja èro un ome e que, éu, l’avien gratifica de gròssei peço blanco, aguè l'idèio de m'en passa uno d'escoundoun. Anouncèri dounc à moun auditòri qu’anàvi faire sourti  de ma saqueto un escut.

Moun paire jitè un coup d'uei dóu caire dóu coumtadou e ma maire parpelejè, car aqui  lou jouine  magician si moustravo tròup ardit.

Si faguè un  grand  silènci dóu tèms que repetàvi lei mot misterious.

Puei, coumo pèr encantamen, retirèri dóu saquet uno pèço à l’efigìo de Napouleoun III.

Moun paire atroubè  lou tour bèn reüssi, mai deja s'inquietavo:

— Mounte as pres  aquelo pèço de cinq franc ?

E ma maire ajustè:

— Mi va demandi.

Ma famiho apreciè mei tour e, tout en plegant ma bouito magico, anouncèri que, pèr éstou sero, la seanço èro levado.

Anàvi prendre coungiet de l’eimablo soucieta, quouro moun fraire Fredò mi retenguè pèr lou bras e mi diguè :

— Perdoun, Moussu l’Ilusiounisto, vous l’aviéu soulamen prestado, aquelo pèço de cinq franc.

Moun paire èro rassegura. Ma maire sourriguè

 

LA CANO DE BAMBOU

 

Un capitàni de la floto èro sòci emé moun paire. Lou vièi marin, pèr cimenta la bouano amista, li faguè presènt d'uno cano dóu Japoun, un vertadié bambou escrincela pèr uno man d'artisto, un pichoun cap d'obro.

Moun paire lou gramaciè e aquelo cano atroubè un cantoun dins  l’oustau.

Moun paire si n'en servissié jamai.

Que diéu, jamai ? O, si n'en servissè uno fes... n'en sàbi quaucarèn ! Soun usage fuguè, pèr ensin dire tragi-coumi.

Un jour, reveniéu de l’escolo, èro vounge ouro, moun paire mi metè dins lei man uno fueio de papie paio de boucharié e mi diguè:

— Vai au tuadou vèire toun fraire Frederi, digo-li de ti douna uno cervello  de moutoun  pèr madamo Fournier, eici   presènto. Vai lèu, que t'espero.

Partèri en mangihant un croustet de pan, car dùvi dire que, sempre afama en d'aquesto ouro, bèn qu’acò mi fuguèsse defendu, arribàvi toujour à rauba un pichoun acomte sus  lou repas de miejour.

Basto ! mi vaqui sus la routo  de l’adoubadou.

En passant sus la plaço  deis escolo viguèri uno grando  partido  de bocho que si deboulavo plan-plan. Lei jugadou èron renouma, tambèn la galarié fasié moulounado. M’aplantèri un moumen e, pres d'interès pèr tóutei lei rebrico  que si remandavon leis amatour, restèri à bela lou jue, óublidant  la  cervello  de moutoun pèr misè Fournier.

E la partido seguissié soun cours.

Es alor que lei pounchaire faguèron doui poun parié; fauguè mesura, tant l’avié d'incertitudo. Es  aqui que cade regardaire voulié avé l’ounour de presta sa taiolo. Dins un silènci de glèio si mesurè lou poun en chancello. Moumen d’emoucien ! ... quand, tout d'un còup, mi recebèri un magistrau còup de  bambou sus lou cuou. Venié de moun paire que mi cridavo:

— La vas cerca, aquelo  cervello, levènti ?

Faguèri qu'un bound, sènso mi soucita de ce que si passavo darnié iéu. Dins moun desrèi  travessèri  lou jue, m’acipèri ei bocho en lampant à gràndei cambado, e, dins ma courso poudiéu entèndre lei rire dei badaire e la bramadisso dei jugadou.

Moun paire ramassè la fueio de papié jaune que toumbèri dins ma souspresso e prenguè la peno de  satisfaire éu-meme madamo Fournier.

Si fachè sus lou moumen, mai à la seguido, coumo souvènt, n’en riguè de

bouan couar. Mau-grat tóutei mei capounarié, m’en voulié pas, e iéu, de moun coustat, encaro mens.

Quouro  evòqui  soun  image, soun souveni m'es enca plus car.

 

 

LE PREMIER DE L’AN

 

Il était d'usage, pour le premier de l’an, que mon père eût  mal à la tête. Il nous embrassait alors avec un air soucieux. 

Nous savions bien, nous-autres ses enfants, que ce mal était pour nous tromper, il avait une autre raison que de nous taquiner : c’était le jour des étrennes et lui aimait nous donner du plaisir.

Une année je vins, selon la coutume, présenter mes respects à mon père. Comme je n’avais pas été un modèle, quelques jours auparavant, mes parents décidèrent de me faire tirer un peu la langue. En m’embrassant mon père dit :

— C’est tout pour toi, cette année. L'an prochain, nous aviserons.

Cependant je savais qu’il m’avait acheté une boite de « Parfait Magicien » et qu’il me la remettrait après le diner. Malgré cela j’en fus contrarié et aussi, par rancune, j’escamotai dans le magasin un petit saucisson, pensant m’en défaire et, avec les sous que j’en tirerais pouvoir m’acheter un petit jouet. Mai j’eus honte de le vendre et je m’en voulus d’avoir commis ce larcin. Je gardai donc mon saucisson dans la poche avec l’intention de le remettre en place.

Le prendre fut facile, mais le replacer fut impossible tellement la boutique ne désemplissait pas de clients.

Ce soir là le repas fut exquis. Avec des petits oiseaux à la broche, omelette d’artichauts et sucreries, il ressemblait à un repas de gala.

C’est à la fin du souper que ma mère me remit la boite de magicien en me disant :

—Tiens-toi plus sage à l’avenir.

J’en fus heureux. Je dis merci à mon père et à ma mère. Et je déclarai aussi à la tablée :

— Et bien ! je vais vous faire quelques tours de prestidigitation.

Ce fut le moment crucial ; mon saucisson allait jouer son grand rôle

Je pris ma baguette magique, mon petit sac d’étoffe noire et je dis à la compagnie pleine de doutes :

— Je vais sortir de mon petit sac un saucisson.

Personne ne me crut.

J’avais eu soin de préparer mon coup en secret. Je murmurai quelques mots cabalistiques qui firent rire l’assistance et fièrement je sortis le saucisson à l’étonnement de tous.

Mon père me regarda, un peu surpris, et dit simplement ;

— Par exemple cela est un peu fort !

Ma mère ne dit rien, elle ne dit rien mais fut songeuse cependant et dans ses yeux qui brillaient je pus lire cette pensée : « Je me demande où il a bien pu dénicher ce saucisson ».

Mon frère Fredo, qui était déjà un homme et qui, lui, avait été gratifié de grosses pièces blanches, eu l’idée de m’en faire passer une en cachette. J’annonçai donc à mon auditoire que j’allais faire sortir de mon petit sac un écu.

Mon père jeta un coup d’œil du côté du comptoir et ma maire sourcilla, car là le jeune magicien se montrait trop hardi.

Il se fit un grand silence pendant que je répétai les mots mystérieux.

Puis, comme par enchantement, je retirai du sac une pièce à l’effigie de Napoléon III.

Mon père trouva le tour bien réussi, mais déjà il s’inquiétait :

— Où as-tu pris cette pièce de cinq franc ?

Et ma mère ajouta :

— Je me le demande.

Ma famille apprécia mes tours et tout en fermant ma boite magique, j’annonçai que, pour ce soir, la séance était levée.

J’allais prendre congé de l’aimable société, quand mon frère Fredo me retint par le bras et me dit :

— Pardon, Monsieur l’illusionniste, je vous l’avais seulement prêtée cette pièce de cinq francs.

Mon père était rassuré. Ma mère me sourit.

 

 

LA CANNE DE BAMBOU

 

Un capitaine de la flotte était camarade avec mon père. Le vieux marin, pour cimenter la bonne amitié, lui fit présent d’une canne du Japon, un véritable bambou sculpté par une main d'artiste, un petit chef d’œuvre.

Mon père le remercia et cette canne trouva une place dans un coin de la maison.

Mon père ne s’en servait jamais.

Que dis-le, jamais ? Oui, il ne s’en servit qu’une fois… j’en sais quelque chose ! Son usage fut, pour ainsi dire quasi tragi-comique.

Un jour, je revenais de l’école, il était onze heures, mon père  me mit dans les mains une feuille de papier jaune paille de boucherie et me dit :

— Vas à l’abattoir voir ton frère Frédéric, dis-lui de te donner une cervelle de mouton pour madame Fournier, ici présente. Fais-vite car elle t’attend.

 Je partis en mâchouillant un quignon de pain, car je dois dire que, toujours affamé à cette heure, bien que cela me fût défendu, j’arrivais toujours à voler un petit acompte sur le repas de midi.

Bref ! me voilà sur la route de l’abattoir.

En passant sur la place des écoles je vis une grande partie de boules qui se déroulait doucement. Les joueurs étaient renommés, aussi les spectateurs étaient nombreux. Je m’arrêtai un moment et, pris d’intérêt pour toutes les répliques que s’envoyaient les amateurs, je restai à regarder le jeu, oubliant les cervelles de mouton pour madame Fournier.

Et la partie suivait son cours.

C’est alors que les pointeurs firent deux points semblables ; il fallut mesurer, tant il y avait d’incertitude. C’est là que chaque spectateur voulait avoir l’honneur de prêter sa ceinture. Dans un silence d’église on mesura le point litigieux. Moment d’émotion !... quand, soudain, je reçus un magistral coup de bambou sur les fesses. Il venait de mon père qui me criait :

— Tu vas la chercher, cette cervelle,  bandit ?

Je ne fis qu’un bond, sans me soucier de ce qui se passait derrière moi. Dans mon désarroi je traversai le jeu, je me heurtai aux boules en courant à grandes enjambées et, dans ma course je pouvais entendre les rires des badauds  et les hurlements des joueurs.

Mon père ramassa la feuille de papier jaune que je fis tomber dans ma surprise et il prit la peine de satisfaire lui-même madame Fournier.

Il se fâcha sur le moment, mais ensuite, comme souvent, il en rit de bon cœur. Malgré toutes mes espiègleries, il ne m’en voulait pas, et moi, de mon côté encore moins.

Quand j’évoque son image, son souvenir m’est encore plus cher.