DIMARS 27 DE JANVIÉ 2014

 

SANT ANGÈLO

 

Pèr escriéure uno letro:

 

• Mes chers parents = Mi car parènt

• Très cher père = Paire carissime

• Très chère mère = Maire carissimo

• Cher monsieur = Car moussu

• Bien cher cousin = Bèn car cousin

• Cher maitre = Car mèstre

• Chère madame = Gènto damo

• Mon cher confrère = Moun car counfraire

• Excellent confrère = Egrégi counfraire

• Illustre confrère = Ilustre counfraire

 

 

• En attendant de te revoir je t’embrasse bien fort  = Dins l’espèr de te revèire t’embràssi bèn fort.

• Recevez mes compliments les meilleurs = Recebès mi coumplimen li mai courous.

• Bien cordialement = Bèn couralamen

 

 

 

LA LETRO URGÈNTO

 

Acò èro pas drole pèr lou fatour Batisto, venian just de passa vue jour de franc soulèu, vaqui que tournamai lou soulèu si tapavo e que coumençavo de toumba uno plouvino  ni  aigo  ni  nèu,  mai  jalado  qu'es pas  de crèire  e  que vous  catiho desagradablamen  la pèu. « E sian  lou proumié d'abriéu ! » diguè l’ome em' uno filousoufìo mai que resignado.

Pamens Batisto assegurè soun sa de fatour, s'enmantelè dins sa pelerino, lou capuchoun revira fin qu'eis uei, agantè sa cano, e un rancurous « à si revèire ! » à l'adrèisso de Madamo la Receberello qu'elo poudié resta tranquilamen proche lou fue.

Sus lou lindau de la pouarto, maugrat éu, un còup de mai, lou brave fatour repouteguè contro lou tèms. Batisto estimavo agué proun paga soun degu à l’ivèr e counsideravo coumo uno trahisènso aquelo contro-óufensivo dóu frei, bord qu’ èro justamen defunta la vèio. Anen! Anen! Coumo voulès que lei cauvo s'endraion bèn, se lei sesoun van de caire. Abriéu es lou printèms, un mes galoi, escarrabiha, joueine, un mes que soun noum souano coumo uno musico. Ah! O, vai ti fa foutre !

La marrido imour de Batisto d'à-cha-pau anè en s'afeblissènt, e lèu fuguè repres pèr la bèuta de soun prefa. Un prefa qu'estimavo dei pus bèu e que counsistavo à semena dins soun relarg, d'uno pouarto à l'autro, l'inedit, l'argènt, la pensado d'aquélei que soun luen, coumo aquelo de l'èstre ama que vous dis soun amour. Tambèn èro aculi dins cade oustau emé simpatìo, e, à nouastre brave ome de fatour, li agradavo de vèire lusi dins leis uei dei gènt que vesitavo la belugo d'uno curiouseta coumo n'a un enfant que duerbe un cournet-souspresso. E Batisto s'atardavo sus lou lindau de la pouarto pèr, de fes que i'a, auvi uno bravo maire de famiho s'esclama emé fouaço bouanur dins

la voues uno fraso coumo aquelo :

« Uno letro de Marcèu. Oh! Papa, vèn d'èstre nouma capourau!.... »

D'àutrei fes, èro enca miés, Batisto si vesié quàsi derraba dei man pèr la

chatouno de l'oustau la longo envouloupo bluio, lisqueto e perfumado que li pourgié. Aqui vesié la pichouno escala bourro-bourro devers lei chambro. Pamens la maire amusado counvidavo lou fatour à béure un vèire de vin en ajustant, maliciouso :

« Anen, fatour, trinquen à l'amour! »

Encuei la souleto distribucien deis oustau èro quasi acabado, Batisto assajavo de si counsoula d'aquelo plouvino jalado, en si diguènt que la tournado dei bastido sarié pas longo e que poudrié èstre au siéu à miejour.

Oh! Acò sarié esta agradiéu sènso aquelo letro pèr lei Martin que l'óubligavo à escala fin qu'à sa bastido.

Aièr que fasié enca bèu tèms, aurié esta un chale de mounta fin qu'au daut sus lou planestèu, gaiet de camina sus uno draio pintouresco e de pipa l'óudour de la sabo travaiarello.

De damount d'aut si pòu vèire touto la valado, coumta cado bastido, cade quartié dóu vilajoun, l'oustau de Pèire e de Pau. Mai subre-tout lei Martin soun de galo-bouan-tèms, emé toujour l'envitacien sus lei labro. Segur que Batisto li mountavo toujour voulountié. Mai encuei!

E aquelo plouvino que noun s'arrestavo e que se mudavo en uno plueio drudo. Uno plueio mesclado emé de nèu que vous cremavo la caro e lei man. Fin finalo nouastre fatour si demandè se devié countunia vo noun. Subre-tout que la letro èro ni cargado ni rescoumendado, poudié bèn espera l'endeman ! Qu poudrié Ii faire grèu d'aquelo tardanço ? De mai lei Martin poudien pas saché se la letro avié pres d'alòngui en camin. Lei trin souvèntei-fes mancon l'ouro...

Batisto sourtè la famouso letro de soun sa, I'eisaminè atentivamen. Èro pas mau impausanto, sus lou cantoun dóu daut à gaucho èro marca « Urgènt ». Uno letro apreissanto, de segur. Em'uno letro ansin sarié mau-vengu de la garda fin qu'à deman.

Lei letro soun coumo lei gènt, caduno à sa persounalita. N’i'a que vous pouarton crento, e d'autro que vous dounarien envejo de galeja. Es coumo acò, si pòu pas bouta en deco la sicoulougìo dei fatour abitua à treva de letro de touto memo. D'autro part, iéu que couneissié bèn Batisto, pouàdi vous afourti que la proumiero pensado la duvié à-n-aquéu marrit tèms que lou boutavo de marrido imour. Si sarié bèn engarda de manca à soun devé proufessiounau ; pèr provo, après agué regarda de tout caire aquelo letro destinado ei Martin, e subre-tout que venié de Marsiho, la remetè dins lou sa, assegurè mai sa pelerino, reprenguè bèn sa cano en man e en routo pèr la bastido de l'auturo.

Mai que tèms! Vertadieramen, semblavo pas qu'avian passa un desenau de jour dóu printèms, pèr reçaupre ensin sus l'esquino aquelo plueio verglaçado. De crèire que Sant-Sivèstre, de coumpeirage emé lei tres Sant de Glaço, avien decida de metre en sóudo ce que restavo de l'ivèr pèr liquida lou founs.

De segur que la fourèst e lei pichòtei planto pensavon coumo Batisto, bord que si renfrougnavon e que lei fueio si replegavon souto lou frei, e leis amelié en poulido teleto blanco, mouquet coumo uno fremo que,  destemembrado,  seguirié  un enterramen en raubo de bal.

Batisto s'espóussè pèr faire resquiha l'aigo de dessus sa capo, si revirè pèr douna un coup d'uei. Au dabas dins la valado lou fum dei chaminèio dóu vilage si mau-mesclavo emé la grisaio dóu cèu. S'entendié mancou un auceloun canta dins aquéu relarg rancurèu que semblavo èstre en grand dòu.

Ah! Tron de goi ! Batisto si remembrara long-tèms d'aquelo jornado, falié que sichèsse vertadieramen impourtanto e urgènto, la letro, pèr qu'en recoumpènso aguèsse la countentesso dóu devè coumpli. Qu saup! Bessai uno letro dóu noutàri pèr anouncia un eiretàgi ? Bessai que noun pèr-ço-que lei noutàri meton soun noum un pau d'en pertout, subre-tout sus lei letro pèr si faire la publicita. Bessai un mège, un deputa? Acò es pas segur, lei deputa soun pas tant couioun pèr coucha soun noum sus uno envouloupo, prefèron miés aquelo de l'assemblado que poston à la questuro. Questien de timbre simplamen. E pièi basto! Que vèngue de Marsiho vo d'aiours, de segur aquelo letro es esperado pèr lei Martin, que li saran rescouneissènt de l'agué pourtado autant lèu. «Uno pougnado de man, un grand coup de vin caud, bessai dous vo tres uou pèr lei pichoun, puei redavalarai pèr ana rèndre comte, e mi metre à taulo emé l'ourguei dóu pres-fa coumpli », si diguè.

 Pamens es un mestié que, quàuquei-fes es mal-eisa, fouaço gènt s'imaginon que lou travai de fatour es uno plaço de santa, e que subre-tout feniantejon. Eh bèn! Aquélei d'aqui voudriéu lei vèire sus la routo e pèr draio, lou matin, lou sero, que plóugue, que vènte vo pèr grosso calourasso, avala de kiloumètre, toujour à l'ouro e, de mai, faire lou coumessiounàri, religa lou vilage emé lei bastidan. De feniantas ? Tenès, un counsèu : assaias de lei segui un soulet jour puei n'en reparlaren.

«Enfin pèr encuei la bastido dei Martin es aqui, coumènço de si n'en vèire lei paret, es enca 'n pau escoundudo pèr la grisaio. Un pichoun esfors e pourrai mi descarga d'aquelo letro, mi caufa davant la chaminèio. »

La pouarto es barrado sus lou fre, nouastre ome pico emé sa cano e escouto lou chin que li respouande.

La pouarto si duerbe.

S'anouncìo : « Fatour ! », coumo s'èro pas couneigu pèr lei bastidan, que de còup que l'a s'enganon à la visto de soun uniformo.

Aro es dintre l'oustau bèn au caud, touto la famiho à soun entour, la fremo, la chato e lei douas jouvènt, s'apietousisson en li disènt qu'avié agu tort de mounta em'aquéu marrit tèms

« O, de segur !» Afourtissè lou fatour, mai urous d'agué coumpli soun pres-fa fin qu'au bout, s'enarquihant maugrat éu. « Que voulès ? lou travai es lou travai, iéu siéu paga pèr acò. Passo pèr un journau, mai uno letro es sacrado, e aquelo que tèni pèr vous duou èstre apreissanto, bord que lou mandaire a marca dessubre « Urgènt » e que de mai èro souligna, alor, coumprenès, siéu mounta. »

« Ato! Fan lei Martin qu'èron à l'entour de nouastre pedoun, de qu es aquelo letro? »

Batisto sourtè la letro de soun sa e, ceremouniousamen, la baiè au mèstre d'oustau à qu èro nouminativamen adreissado.

Sènso si despacha, mèstre Martin duerbe la letro ; dóu tèms lou fatour si

remetié, avié deja óublida sa peno. Subran, Mèstre Martin si metè à poufa dóu rire e dounè la carto à sa mouié, uno bello carto enraubado de fouaço fueio de papié blanc. La carto faguè lèu lou tour de Ia famiho que, à-de-reng s'estrassavon dóu rire, mai lou mèstre d'oustau qu'èro un toco-siau, aquéu bouan vivènt de Martin, diguè emé counvicien au fatour espanta :

« Ah!  Pèr un còup coumprèni,  moun  vièi  Batisto, que vous sichés tant

despacha. Letro soubeirano, urgènto, car lei pèis d'abriéu si counsumon que lou proumié dóu mes ! ».

 

Tira dóu libre « Rien pour moi, facteur ? » e revira pèr Milo Fabre « Lou Sauto-Messugo »

 

 

 

LA LETTRE URGENTE

 

Cela n’était pas drôle pour le facteur Baptiste, nous venions juste de d’avoir huit jours de beau soleil, voici que de nouveau le soleil était caché et qu’il commençait à tomber une pluie fine ni eau ni neige, mais incroyablement gelée et qui chatouille la peau. « Et nous sommes le premier avril !  » dit l’homme avec une philosophie plus que résignée.

Cependant Baptiste ajusta son sac de facteur, s’enveloppa dans sa pèlerine, le capuchon enfoncé jusqu’aux yeux, attrapa sa canne , et un rancunier « au revoir ! » à l'adresse de Madame la Receveuse qui elle pouvait rester tranquillement près du feu.

Sur le seuil de la porte, amlgré lui, le brave facteur pesta contre le temps. Baptiste estimait avoir assez payé son du à l’hiver et considérait comme une trahison cette contre-offensive du froid, puisque justement il était mort la veille. Allons ! Allons : Comment voulez-vous que les choses aillent comme il faut, si les saisons vont de travers. Avril c’est le printemps, un mois joyeux, éveillé, jeune, dont le nom sonne comme une musique. Ah ! Oui, vas te faire paitre !

La mauvaise humeur de Baptiste peu à peu alla en s’affaiblissant, et vite il fut repris pas la beauté de son travail. Un travail qu’il estimait parmi les plus beaux et qui consistait à semer dans son territoire, d’une porte à l’autre, l’inédit, l’argent, la pensée de ceux qui sont loin, comme celle de l’être aimé qui vous dit son amour. Aussi il était accueilli dans chaque maison avec sympathie, et cela plaisait à notre brave facteur de voir briller dans les yeux des enfants qu’il visitait l’étincelle d’une curiosité comme en a un enfant qui ouvre un cornet surprise. Et Baptiste s’attardait sur le seuil de la porte pour, parfois, entendre une brave mère de famille s’exclamer avec beaucoup de bonheur dans la voix, une phrase comme celle-ci :

 « Une lettre de Marcel. Oh! Papa, il vient d'être nommé caporal!.... »

D’autres fois c’était encore mieux, Baptiste se voyait encore arracher des mains par la jeune fille de la maison la longue enveloppe bleue, propre et parfumée qu’il lui tendait. Là il voyait la petite monter à toute vitesse vers les chambres. Cependant la mère amusée invitait le facteur à boire un verre de vin en ajoutant, malicieuse :

 « Allons, facteur, trinquons à l'amour! »

Aujourd’hui la seule distribution des maisons était presque terminée, Baptiste essayait de se consoler de cette pluie gelée, en se disant que la tournée des fermes ne serait pas longue et qu’il pourrait être chez lui à midi. 

Oh ! Cela aurait été agréable sans cette lettre pour les Martin qui l’obligeait à monter jusqu’à la ferme.

Hier où il faisait encore beau cela aurait été un régal  de monter jusqu’en haut sur le plateau guilleret de cheminer sur un sentier pittoresque et d’humer l’odeur de la sève qui montait. De tout là-haut on peut voir toute la vallée, compter chaque maison, chaque quartier du petit village, la maison de Pierre et de Paul. Mais surtout les Martin sont de bons vivants, avec toujours l’invitation sur les lèvres. C’est certain que Baptiste y montait toujours volontiers. Mais aujourd’hui !

Et cette pluie qui ne s’arrêtait pas et qui se changeait en une pluie forte. Une pluie qui vous brulait le visage et les mains. Finalement notre facteur se demanda s’il devait continuer ou non. Surtout que la lettre n’était ni taxée ni recommandée, elle pouvait bien attendre le lendemain ! Qui pourrait lui faire grief de ce retard ? De plus les Martin ne pouvait pas savoir si la lettre avait pris de retard en chemin. Les trains parfois arrivent en retard…

Baptiste sortit la fameuse lettre de son sac, il l’examina attentivement. Elle était assez imposante, sur le coin, en haut à gauche était marqué « Urgent ». Une lettre qui pressait, c’est certain ; Une lettre comme celle-ci il serait malvenu de la garder jusqu’à demain.

Les lettres sont comme les gents, chacune à sa personnalité. Il y en a qui vous font peur et d’autre qui vous donneraient envie de plaisanter. C’est comme cela, on ne peut pas faire fi de la psychologie des facteurs habitués à porter des lettres de toute sorte. D’autre part, moi qui connaissait bien Baptiste, je peux vous affirmer que la première pensée il la devait à ce mauvais temps qui le mettait de mauvaise humeur. Il se serait bien gardé de manquer à son devoir professionnel ; pour preuve, après avoir regardé de tous les côtés cette lettre destinée aux Martin, et surtout qui venait de Marseille, il la remit dans son sac, rajusta sa pèlerine, reprit sa cane bien en main et en route pour la ferme de là-haut.

Mais quel temps ! Véritablement, il ne semblait pas que ce soit depuis une dizaine de jour le printemps , pour recevoir ainsi sur le dos cette pluie glacée. A croire que Saint-Sylvestre, de connivence avec les trois saints de Glace avait décidé de mettre en solde ce qui restait de l’hiver pour liquider le fonds.

Il est certain que la forêt et les petites plantes pensaient comme Baptiste, puisqu’elles se renfrognaient  et que les feuilles de repliaient sous le froid et les amandiers dans leur jolie toilette blanche, penauds comme une femme qui, par mégarde, suivrait un enterrement en robe de bal.

Baptiste se secoua pour faire glisser l’eau de sa cape, se retourna pour jeter un coup d’œil. Au bas dans la vallée la fumée des cheminées du village se mêlait à la grisaille du ciel. On entendait même pas un petit oiseau chanter dans ce lieu maussade qui semblait être en grand deuil.

Ah ! Tonnerre de Dieu ! Baptiste se souviendra longtemps de cette journée, il fallait véritablement qu’elle soit importante et urgente, la lette, pour qu’en récompense il eut la contentement du devoir accompli. Qui sait ! Peut-être une lettre du notaire pour annoncer un héritage ? Peut-être que non car les notaires mettent leur nom un peu partout, surtout sur les lettres pour se faire de la publicité. Peut-être un médecin, un député. Cela n’est pas sûr, les députés ne sont pas assez bêtes pour mettre leur nom sur une enveloppe, ils aiment mieux celle de l’assemblée qu’ils postent à la questure. Question de timbre simplement. Et puis bref ! Qu’elle vienne de Marseille ou d’ailleurs, il est certain que cette lettre est attendue par les Martin, qui lui seront reconnaissant de leur avoir portée aussi vite. Une poignée de main, un grand coup de vin chaud, peut-être deux ou trois œufs pour les petits, puis je redescendrai pour aller rendre compte, et me mettre à table avec l’orgueil du travail  accompli » se dit-il.

Cependant c’est un métier qui, parfois n’est pas facile, beaucoup de gens s’imaginent que le travail de facteur est une place de cocagne, et surtout qu’iol se le coulent douce. Eh bien : ceux-là je voudrais les voir sur les routes et apr les chemins, le matin, le soir, qu’il pleuve, qu’il vente ou par les grosses chaleurs, avaler des kilomètres, toujours à l’heure et, de plus, faire le commissionnaire, relier le village avec les fermes. Des gros fainéants ? Tenez, un conseil : essayez de les suivre un seul jour et puis nous en reparlerons.

« Enfin pour aujourd’hui la ferme des Martin es là, on commence à en voir les murs, elle est encore un peu cachée par la grisaille. Un petit effort et je pourrai ne défaire de cette lettre, me chauffer devant la cheminée. »

La porte est fermée au froid, notre homme frappe avec sa cane et écoute le chien qui lui répond.

Le porte s’ouvre.

Il s’annonce : « facteur ! » comme s’il n’était pas connu des fermiers, que par hasard ils se trompent à la vue de son uniforme. 

Maintenant il est dans la maison bien au chaud, toute le famille autour de lui, la femme, la fille et les deux jeunes, qui s’apitoient en lui disant qu’il avait eu tort de monter avec ce mauvais temps.

Oui, c’est certain!» Affirmé al facteur, mais heureux d’avoir accompli son travail jusqu’au bout, se rengorgeant malgré lui. « Que voulez-vous ? le travail est le travail, je suis payé pour cela. Passe pour un journal, mais une lettre est sacrée, et celle que je tiens pour vous doit être urgente, puisque l’envoyeur a marqué dessus « Urgent » et que de plus c’était souligné, alors, vous comprenez, je suis monté. »

« Certes ! Disent les Martin qui étaient autour de notre facteur, de qui est-ce cette lettre. »

Baptiste sortit la lettre de son sac en cérémonieusement, la donna au maître de maison à qui elle était nominativement adressée.

Sans se dépêcher, monsieur Martin ouvre la lettre, pendant que le facteur se remettait, il avait déjà oublié sa peine. Soudain, Monsieur Martin de mit à rire et donna la carte à son épouse, une belle carte entourée de beaucoup de feuilles de papier blanc. La carte fit rapidement le tour de la famille qui, tour à tour, se tenait les côtes de rire, mais le maitre de maison qui était un pince-sans-rire, ce bon vivant de Martin, dit avec conviction au facteur stupéfait :

« Ah ! Pour une fois je comprends, mon vieux Baptiste, que vous vous soyez tant dépêché. Lettre importante, urgente, car les poissons d’avril ne se consomment que le premier du mois ! »

 

Tiré du livre « Rien pour moi, facteur ? » et traduit par Milo Fabre « Le Saute-Ciste »