DIMARS 23 DE FEBRIÉ 2016

 

SANT LAZARE

 

Ditado :

• Fiho prengues pas pastre, sènte tròup l’enguènt, prene-mi iéu que sènti rèn.

Fille ne prends pas un berger pour mari, il sent trop l’huile de cade, prends-moi, moi qui ne sent rien.

 

• Lei pico-mouto en ensartant dien lei paraulo de Sant Benezet : que lou verd prengue sus lou se.

Les paysans en greffant disent les paroles de saint Benoit : que le vert prenne sur le sec.

 

• Guigno dóu cuou coume un amoulaire dóu pèd. Gangasso lou tafanàri.

Elle remue du cul comme un rémouleur du pied. Elle agite l’arrière-train..

 

 

La Franço au travai

 

Un conte de Pau Roux

 

Moussu Barratin, lou deputa, èro fouarço countènt de sa journado : despuei uno semano barrulavo dins sa circounscricien en repetant : « Meis ami, se voulèn sauva nouastro Franço, nouastre bèu païs – e sàbi bèn qu'acò es vouastre desi lou plus car – devèn travaia, enca travaia, toujour travaia...

Dins un tèms si travaiavo dès ouro, douge ouro, quatorge ouro pèr jour, sènso relàmbi e sènso repaus, lou mounde gagnavon pas gaire e èron urous e la Franco èro fouarto emé tóutei seis enfant atravali... ».

Lou discours èro fignoulu, estènt que M. Barratin l'avié alesti emé tout soun couar e touto sa sciènci. Lou sabié perfetamen e tóutei lei biais de paraulo, lei silènci, leis uei vira vers lou cèu pèr demanda quàsi la benedicien dóu Signour, lei brego mespresènto pèr encoubi lou "matérialisme sordide du peuple", tout acò èro carcula pèr touca l’auditòri.

N'en avié meme que sourtien lou moucadou pèr si seca leis uei...

Lou discours resplendié de pertout, mai à Granto-manjo, M. Barratin s'èro trepassa : d'uno voues tremoulanto, après agué coundana lei pratico de vuei e manda ei flamo de l’Infèr lei marrit pastre qu'óublidon lei gràndei leiçoun dóu passat e dounon tròup de liberta eis ome, ei fremo e subre-tout à la jouinesso, avié acaba ensin :

« E o, meis ami, pèr sauva nouastre païs tant eima, aquéu païs tant riche e benesi de Diéu, que leis estrangié nous envidon, devèn travaia quinge ouro, vint ouro, vint-e-cinq ouro belèu pèr jour... ».

Urousamen  qu'aqui,  soun  secretàri,  M. Virgulo, un ome d'esperiènci, lou tirè de darnié pèr la vèsto, en li disant : « Avisas-vous, Moussu lou Deputa, que dins un jour li a puei que vint-e-quatre ouro...".

Moussu Barratin avié agu un pau crento, regardè lèu l’auditòri : lei bramaire dóu servìci d'ordre mastegavon soun "chaouin-goumo", lei counseié municipau de Granto-manjo badavon coumo de limbert. Puei lei picamen de man avien moustra à Moussu lou Deputa que sei partisan fidèu remarcavon pas aquéu comte un pau especiau e qu'èron countènt.

E aro, M. Barratin si pausavo. Avié pres la retirado, coumo à l’acoustumado, à l’Oustalarié dóu Moulin Nòu, que lou patroun èro un de sei sòci, avié bèn manja, dirai pas bèn begu, estènt qu'èro un ome d'ordre e de mouralita, mai tant avié fa ounour au claret de Prouvènço – fau apara lei prouducien dóu païs – e, meme, m'es esta di que relucavo d'un uei un pau lusènt lei boutèu bèn redoun de la servanto Mïeto.

Si pausavo e fasié tuba un pichoun cigaro, proufitant que sa fremo èro pas 'qui ; lou medecin li avié recoumanda de pas fuma e de faire entencien au manja e au buoure. E, éstou sero, avié un pau passa la rego...

Finalamen, après agué feni lou cigaro en tussihant un pau, e begu uno tasso de verveno, M. Barratin mountè si coucha dins sa chambro reservado, toujour la memo, sus lou dernié de l'oustau, pèr pas que lou brut de la carriero lou deveièsse.

S'empaiè dins lei lançòu bèn caud, e vague de faire peta la narro.

Au bout d'un tèms que li pareiguè bèn long, si deveiè en boundant dins lou lié...

Ero pas soulet dins la chambro !

Nàni, anessias pas vous crèire de cauvo ! Nàni, anés pas vous crèire qu'uno fremo – mandado, qu saup, pèr "l'uei de Moscou" – venié d'aparèisse pèr enmasca nouastre malurous deputa.

Proche dóu lié si dreissavo un grand pàntou d’ome, leis uei sevère souto lou capèu negre, de gròssei moustacho tapant quàsi la bouco, e un èr à vous coupa lou siblet...

"Eh bè ! Mi sèmblo qu'avèn fa la paioulado, aquesto nue, pèr encuei pòu ana, mai deman, faudra si leva d'ouro".

M. Barratin vouguè creida, apela quaucun, o dóu mens proutesta ; mai l’ome li leissè pas lou tèms de boufa.

"Anen ; despachas-vous de vous vesti ; va sabès, pèr bèn travaia, fau coumença de matin ! Qu tèms a, e tèms perde, lou tèms li manco".

Li avié uno talo fouarço dins la figuro e lou demena d'aquel ome que M. Barratin diguè plus rèn.

Si levè, cerquè sei braio. Pèr eisèmple ! En plaço dóu poulit coustume, coupa pèr un bouan taiur de Marsiho, qu'avié bèn plega dins l'armàri, troubè un parèu de braio de velout, redo e gelado que, maugrat que prenguèsse un pau de ventresco, li aurié tengu tres coumo éu dedins.

Ges de bratelo o de centuro. Pèr faire teni aquélei braio que resquihavon jusqu'ei ginou, li fauguè si virouria dins uno taiolo bluro que n'en fenissié plus. Sus lou cors, uno camié de telo que, dins lou tèms, devié èstre blanco, pedassado de quàuquei pèço jauno, emé de cresto de gau à vous gauvi la coudeno. En dessus, carguè uno vièio blodo, d'un blu passi pèr lei bugado.

Li aguè un moumen mau-eisa pèr si passa lei soulié, de gros soulié du e clavela de tacho-martèu ei taloun, de que roumpre lei nose e faire un chafaret dóu troun de boualèi dins la carriero.

Sus la tèsto, l'ome li empeguè un vièi capèu, à mita manja pèr leis arno, e lava simplamen pèr l'aigo de la plueio...

Un còup M. Barratin lèst, leissèron la chambro ; M. Barratin, 'mé sei soulié, manquè dous o tres còup de regoura leis escalié mai l’ome l'agantè d'un pougnet soulide, en lou rebroundant :

"Qu 's aquel ome que si pòu pas teni dre !"

 

De segui

 

 

La France au travail

 

Un conte de Paul Roux

 

Monsieur Barratin, le député était très content de sa journée : depuis une semaine il parcourait sa circonscription en répétant : «  Mes amis, si nous voulons sauver la France, notre beau pays — et je sais bien que cela est votre désir le plus cher — nous devons travailler, encore travailler, toujours travailler…

Dans le temps on travaillait dix heures, douze heures, quatorze heures par jour, sans relâche et sans repos, les gens ne gagnaient pas grand-chose et étaient heureux et la France était forte avec tous ses enfants ardents au travail… »

Le discours était fignolé, étant donné que M. Barratin l’avait préparé avec tout son cœur et toute sa science. Il le savait parfaitement avec toutes les manières pour le dire, les silences, les yeux tournés vers le ciel pour demander quasiment la bénédiction du Seigneur, les lèvres méprisantes pour s’en prendre au "matérialisme sordide du peuple", tout cela était calculé pour toucher l’auditoire

Il y en avait même qui sortaient le mouchoir pour se sécher les yeux…

Le discours était en tout lieu enflammé, mais à Grante-mange, M. Barratin s’était surpassé : d’une  voix tremblante, après avoir condamné les pratiques d’aujourd’hui et envoyé aux flammes de l’enfer ceux qui oublient les grandes leçons du passé et donnent trop de liberté aux hommes, aux femmes et surtout à la jeunesse, il avait achevé ainsi :

« Eh oui, mes amis, pour sauver notre pays tant aimé, ce pays si riche et béni de Dieu, que les étrangers nous envient, nous devons travailler quinze heures, vingt heures, vingt-cinq heures peut-être par jour… »

Heureusement que là, son secrétaire, M. Virgule, un homme d’expérience, le tira par le revers de sa veste, en lui disant : « Sachez, Monsieur le député, que dans une journée il n’y  que vingt-quatre heures… »

Monsieur Barratin avait eu un peu honte, il regarda rapidement l’auditoire : les crieurs du service d’ordre mâchaient leur chewing-gum, les conseillers de Grante-mange étaient bouche-bée. Puis les applaudissements avaient montré à Monsieur le Député que des fidèles partisans ne remarquaient pas ce compte un peu spécial et qu’ils étaient contents.

Et maintenant M. Barratin se reposait. Il s’était retiré comme à l’accoutumée, à l’Hôtel du Moulin Neuf, dont le patron était un de ses partisans, il avait bien mangé, je ne dirai pas bien bu, étant donné qu’il était un homme d’ordre et de moralité, mais peut-être avait-il fait honneur au vin clairet de Provence — il faut protéger les productions du pays — et, même, il m’a été dit qu’il reluquait d’un œil un peu brillant les mollets bien ronds de la servante Mariette.

Il se reposait et fumait un petit cigare, profitant que sa femme n’était pas là ; le médecin lui avait recommandé de ne pas fumer et de faire attention à la nourriture et à la boisson. Et, ce soir il avait un peu abusé…

Finalement, après avoir fini le cigare en toussant un peu, et bu une tasse de verveine, M. Barratin monta se coucher dans sa chambre réservée, toujours la même, sur l’arrière de la maison, pour ne pas que le bruit de la rue le réveillât

Il se coucha dans les draps bien chauds, et il se mit à ronfler.

Au bout d’un moment qui lui parut bien long, il se réveilla en bondissant dans le lit…

Il n’était pas seul dans la chambre !

Non, n’allez pas croire des choses ! Non, n’allez pas croire qu’une femme — envoyée, qui sait, par « l’œil de Moscou » — venait d’apparaitre pour ensorceler notre malheureux député.

Près du lit se dressait un grand escogriffe d’homme, les yeux sévères sous un chapeau noir, de grosses moustaches lui barrant presque la bouche, et un air à vous couper le sifflet…

« Eh bien ! Il me semble que vous avez fait la grasse matinée, cette nuit, pour aujourd’hui ça peut aller, mais demain, il faudra se lever de bonne heure ».

M. Barratin voulut crier, appeler quelqu’un, ou du moins protester ; mais l’homme ne lui laissa pas le temps de souffler.

Il y avait une telle force dans la figure et l’allure de cet homme que M. Barratin ne dit plus rien.

 

Il se leva, chercha son pantalon. Par exemple ! A la place du joli costume, coupé par un bon tailleur de Marseille, qu’il avait bien plié dans l’armoire, il trouva un pantalon de velours, raide et gelé où, bien qu’il prit un peu de bedaine, trois comme lui auraient tenu dedans.

Pas de bretelle ni de ceinture. Pour faire tenir ce pantalon qui glissait jusqu’aux genoux, il lui fallut s’entortiller d’une ceinture de laine bleue qui n’en finissait plus. Sur le corps, une chemise de toile qui, dans le temps, devait être blanche, rapiécée de quelques pièces jaunes avec de grosses coutures à vous abimer la peau. Par-dessus il passa une vieille blouse, d’un bleu passé par les lessives.  

Il y eu un moment difficile pour enfiler les souliers, de gros souliers durs et cloutés de gros clous au talon, de quoi casser les noix et faire un vacarme du tonnerre de dieu dans la rue.

Sur la tête l’homme lui mit un vieux chapeau, à moitié mangé par les mites, et lavé simplement pas l’eau de pluie.

Une fois M. Barratin prêt, ils quittèrent la chambre ; M. Barratin, avec ses souliers, manqua deux ou trois fois de dégringoler dans les escaliers mais l’homme l’attrapa d’un poignet ferme, en le rabrouant :

 « Qu’est-ce que c’est que cet homme qui ne peut pas tenir debout ! »

À suivre