DIMARS 23 de MARS 2021
Sant Vitourian
PÈR LOU GRAMACI
L’enfant de Misè Canolo avié talamen marrido tèsto que poudié pas reteni lou mendre mot dóu catechierme, talamen que moussu lou curat voulié pas que faguèsse la coumunien.
– La fara, disié, quouro saupra de couar tout ce qu’un bouan crestian dèu saupre.
Despoutentado, misè Canolo anè suplica lou sant ome e li n’en diguè tant e tant que lou curat si leissè gagna, e l’enfant faguè la coumunien.
– Pèr un tau service, si soungè la maire, dèvi un gros gramaci à moussu lou curat.
E d’efèt si moustrè pas ingrato. Au tèms dei figo, au gros de la sesoun, misè Canolo diguè à soun ome :
– Nourè, devriés ana cuhi un panié de figo pèr moussu lou curat qu’a fa faire la coumunien à-n-aquéu bedigas de Titin.
L’ome anè querre un panié de figo que misè Canolo aduguè à moussu lou curat.
– Que m’adusès aqui, santo fremo ? li faguè lou capelan. Bessai vous n’en privas pèr iéu.
– Oh ! nàni, moussu lou curat, respoundè la bravo fremo. N’en sian pas sènso. Au countràri, sian gounfle de n’en manja. Nous souarton pèr leis uei e lei pouarc au nouastre n’en voualon plus. Anas, poudès lei prendre, sènso regrèt.
Mèste Bartoumiéu
Armana de la Pignato de 1939
POUR LES REMERCIEMENTS
Le fils de Madame Canolle avait une si mauvaise mémoire qu’il ne pouvait pas retenir le moindre mot du catéchisme, à tel point que monsieur le curé ne voulait pas qu’il fît la communion.
– Il la fera, quand il saura par cœur tout ce qu’un bon chrétien doit savoir.
Désespérée, madame Canolle alla supplier le saint homme et lui en dit tant et tant que le curé se laissa fléchir et l’enfant fit sa communion.
– Pour un tel service, songea la mère, je dois un beau merci à monsieur le curé.
Et en effet elle ne se montra pas ingrate. À l’époque des figues, en pleine saison elle dit à son mari :
– Honoré, tu devrais aller cueillir un panier de figues pour monsieur le curé qui a fait faire sa communion à cet imbécile de Baptiste.
Le mari alla chercher un panier de figues que madame Canolle apporta à monsieur le curé.
– Que m’apportez-vous ici, sainte femme ? lui dit le curé. Peut-être vous en privez-vous pour moi ?
– Oh ! non, monsieur le curé, répondit la brave femme. Nous n’en manquons pas. Au contraire, nous en avons assez d’en manger. Elles nous sortent pas les yeux et les porcs chez nous n’en veulent plus. Allez, vous pouvez les prendre, sans regrets.