DIMARS 21 DE JANVIÉ 2020
Santo Agnès
Ditado :
-
Au mes de janvié fau li gàrri au granié e noun lou païsan en camié
Au mois de janvier il faut les rats au grenier et non le paysan en chemise
-
Fau pas canta vitòri avans lou tèms.
Il ne faut pas chanter victoire avant qu’il ne soit temps.
Tèmo :
-
Ce vieux râleur… il fait toujours la moue.
Aquéu de vièi renaire… fa toujour (de-longo fa) la bèbo, la mougno, lei brego, lou mourre.
FREJU, TERRO MATRASSADO
A segne Andriéu Leotard,
Cònsou de Freju
En touto amista
Despuei de jour li avié agu la chavano,
Lou vènt d’aut èro mescla à la plueio,
Avié toumba de pèiro de moulin,
La mar èro enfuriado,
Touto l’aigo s’èro amoulounado
Dins la coumbo espetaclouso de Mau-Passet.
Ero clafi d’aigo lou grand barrage !
Lou dous de desèmbre lou tèms s’èro assoula
Ges de vènt, ges de plueio,
Lou vènt avié cala.
Enfin, erian dins la calamo.
Lou dous de desèmbre
La chavano avié cala, s’èro amourcido sus Freju.
Tout èro siau dins Freju.
Nòuv ouro e quart, lou dous de desèmbre,
L’avès auvi lou groundamen dins la nue,
Es bessai la grando bourroulo de la mar ?
Noun, es lou barrage !
Lou barrage s’es aclapa !
La grando restanco d’aigo s’es aclapado !
Es l’orro mauparado !
E dins la nue l’avèn auvi lou bramadis ;
Leis avèn auvido lei picadisso e lei boufado dóu vènt,
Lou vènt es passa dins la sournuro,
Lou vènt a repres dins la grando nue.
Lou barrage s’es aclapa
Lei chin japon, lei gènt cridon !
Lou barrage s’es aclapa !
Mai pas lou tèms de si leva d’aqui,
En troumbo dessenado lou flot es arriba.
Uno erso giganto a tout barrula,
Lou barrulaire gigant a tout viéuta, a tout aprefoundi.
Lou pouant de Bousoun es esta aclapa,
Tout s’es agrasa e derruna !
Sus lou pouant li avié dous ome pèr surveia,
L’erso giganto a agouloupa lei proumiérei vitimo
Dins lei revoulun deis aigo roujo.
Jóusè Casteltort, lou Catalan e Jan lou Gascoun
Tóutei dous soun parti dins leis aigo.
Degun leis a plus jamai revist.
Jan, sa mouié e sa fiheto,
Tóutei soun parti ‘mé l’erso giganto e terriblo !
Tres erso an tout arrouina,
An tout rascla dins la coumbo !
Leis aubre soun esta derraba,
Es partido à la mar la bouano terro dóu Reiran !
La noblo terro frejurenco es estado matrassado,
Li a plus degun dins la grando coumbo :
Li a plus rèn que de nito ! Li a plus rèn que de fango !
Lei gènt de Freju èron bèn recata dins seis oustau,
Lei vièi, lei pichoun, tóutei èron bèn siau, en part de sauveta.
Lou flot, l’oundado descabestrado an passa,
An semena la mouart de pertout.
Li a plus rèn que cadabre e rouino.
De famiho entiero an dispareissu.
De pertout es la desoulacien.
Touto la naturo es en dòu.
E de tout caire li a plus que plagnun, li a plus que plour.
Afrouso nue, nue tragico !
Dins la vilo plus ges de lume, rèn que la sournuro !
Pamens soun vengu de pertout lei sauvaire,
Enjusqu’au matin an rèn pouscu faire,
Rèn que d’espera dins la nue frèio.
De pàurei gènt soun esta sus lei cimèu deis aubre,
Touto la nue an fa rèn que crida !
De pàurei gènt soun esta sus lei paret deglido
E touto la marrido nue an fa rèn que crida.
A Bousoun tout es aclapa e arrouina.
Quàuqueis oubrié an pouscu si sauva dins la coualo
Emé sei fremo e seis enfant.
Malaut, Chabaud a pas pouscu si sauva,
Chabaud e sa mouié soun esta nega.
L’orre tourrènt a tout aprefoundi.
De pertout es la grando desoulacien,
La soulenno desoulacien de la fin dóu mounde.
La Mouart e la Naturo soun dins l’esfrai.
Pamens coumo èro bello Freju !
Coumo èro flourido pèr la fèsto de Sant-Francés !
De flour n’i’avié de pertout e de drapèu dins lei carriero.
Coumo èro bello la Bravado de Sant-Francés
Emé sei chivau-frus, seis óusard e sei zouavo !
Mounsen l’Evesque menavo la proucessien,
Lei tambour e lei fifre jugavon la coumplancho
E la Couloumbo s’envoulavo dins la grando nau.
« Auboure-ti pople de Freju ! »
Lei gènt cridavon, lei gènt cantavon à pleno bouco :
« O moun Diéu, sauvas Freju !
O moun Diéu, sauvas-nous !
O grand sant Francés, nouastre grand sant !
Se t’an crema à Tours,
Lei Frejuren t’an sèmpre vougu que de bèn,
T’an sèmpre vougu que de bèn ! »
Es nòuv ouro passado,
Lei bràvei gènt de Freju soun davans la telé
Pèr lei pichot, Zavatta va veni sus l’escran,
Mai subran es lou trounèire e leis uiau dins la coualo,
Plus ges de lume, tout Freju es dins lou sourne.
Dins un quart d’ouro tout sera aclapa
E lei pàureis enfant sousprés dins soun proumié pantai
Seran prefounda dins leis erso glaçado.
S’aubourara mai Freju !
O, Freju relevara sei rouino.
Es besoun de tout rebasti dins lou Reiran,
La mar roumano a coumbla lou ribeirés.
Faudra tout rebasti, tout releva.
Leis aigo dóu Reiran seran mai gouvernado,
Lei terro de la bello valado seran mai restancado.
E puei la Terro Maire redounara sei bèllei frucho.
O bello Freju, ti viéu reviéudado en plen,
O Freju, terro roumano e prouvençalo !
Dono Pierrugue, vous reveiran sus la plaço
Davans la Catedralo,
Vendrés mai recebre vouastre sant !
Lou batèu « Charitas » traversara mai lei carriero,
Lei carriero de Freju enribanado e flourido.
Sera lou bèu simbèu de la Carita,
D’aquelo Carita que sauvè Freju la Roumano !
Pesseguié dóu Reiran vous veiran mai reflouri
E lou vignarés pourtara mai lei rasin brun :
Lou vin de Diéu gisclara lèu !
Sera la reneissènço de Freju, terro de Prouvènço !
O Mióugrano !
O Mióugrano, Mióugrano poulido !
Tu, Mióugrano frejurenco, qu’as sachu rejougne
Lei milo gran de tei fiho e de tei fiéu,
Seras lou simbèu de la reneissènco de Freju.
La Mióugrano l’aubourara soun bèu drapèu,
Soun drapèu eis armo de Prouvènço e de Freju !
Mióugrano ! Sèmpre voudras lei garda lei tradicien
Lei mai anciano de l’inmourtalo Freju !
O Mióugrano ! La toucaras l’aubado, lou picaras lou rampèu !
Coumo va dihié toun Pouèto,
Coumo l’a canta toun enfant :
O Freju, vilo majouralo de Prouvènço e dóu Miejour !
Viéu dins toun cèu blu, viéu dins l’azur de toun cèu !
Un jouine, es un valènt e bèu farandoulaire
Qu’aubouro lou drapèu eis armo de Freju !
Acò ‘s lou signe de ta reneissènço, o Freju !
O bello Freju, vilo de Roumo e de Prouvènço.
Jan dóu Malmount (Louis Bribot)
Pèr la Sant-Miquèu de 1962
FRÉJUS, TERRE MEURTRIE
A André Leotard,
Maire de Fréjus
En toute amitié
Depuis des jours on avait eu des pluies orageuses
Le vent du nord était mêlé à la pluie,
Des averses torrentielles étaient tombées,
La mer était en furie,
Toute l’eau s’était accumulée
Dans la profonde vallée de Malpasset.
Le grand barrage était rempli d’eau !
Le deux décembre le temps s’était calmé
Pas de vent, pas de pluie,
Le vent était tombé.
Enfin, nous étions dans le calme.
Le deux décembre
La tempête s’était calmée, elle s’était éteinte sur Fréjus.
Tout était calme dans Fréjus
Neuf heures et quart ; le deux décembre,
Vous l’avez entendu le grondement dans la nuit,
C’est peut-être le grand tumulte de la mer ?
Non, c’est le barrage !
Le barrage s’est écroulé !
La grande retenue d’eau s’est rompue !
C’est l’horrible catastrophe !
Et dans la nuit nous l’avons entendu le rugissement ;
Nous les avons entendus les bruits et le souffle du vent,
Le vent est passé dans l’obscurité,
Le vent a repris dans la grande nuit.
Le barrage s’es brisé
Les chiens aboient, les gens crient !
Le barrage s’est écroulé !
Mais pas le temps de partir,
En trombe folle le flot est arrivé.
Une vague gigantesque a tout renversé,
Le rouleau géant a tout roulé à terre, a tout englouti.
Le pont de Bonzon a été détruit,
Tout est écroulé et abattu.
Sur le pont il y avait deux hommes pour surveiller,
La vague géante a englouti les premières victimes
Dans le tourbillon des eaux rougeâtres.
Joseph Castelfort le Catalan et Jean de Gascon
Tous deux sont partis dans les eaux.
Personne ne les a plus jamais revus.
Jean, son épouse et sa fillette,
Tous sont partis avec la vague géante et terrible.
Trois vagues ont tout ruiné,
Elles ont tout raclé dans la vallée !
Les arbres ont été arrachés.
Le bonne terre du Reyran est partie à la mer !
La noble terre de Fréjus a été meurtrie?
Il n'y a plus personnes dans la grande vallée:
Il n'y a plus rien que de la boue! Il n'y a plus rien que de la vase !
Les gens de Fréjus étaient bien blottis dans leurs maisons,
Les vieux, les petits, tous étaient bien tranquilles, à l'abri.
Le flot, l'ondée débridé sont passés,
Elles ont semé la mort partout.
Il n'y a plus que cadavres et ruines.
Des familles entières ont disparu.
Partout c'est la désolation.
Toute la nature est en deuil.
Et de tous côtés il n'y a plus que plaintes, il n'y a plus que pleurs.
Affreuse nuit, nuit tragique !
Dans la ville plus de lumière, rien que l'obscurité !
Cependant ils s ont venus de partout les sauveteurs,
Jusqu'au matin ils n'ont rien pu faire,
Rien que d'attendre dans la nuit froide.
De pauvres gens sont restés sur la cime des arbres,
Toute la nuit ils n'ont fait que crier !
De pauvres gens sont restés sur les murailles disjointes
Et toute la mauvaise nuit ils n'ont fait que crier.
A Bonson tout est par terre et ruiné.
Quelques ouvriers ont pu se sauver dans la colline
Avec leurs femmes et leurs enfants.
Malade, Chabaud n'a pas pu se sauver,
Chabaud et son épouse ont été noyés.
L'horrible torrent a tout englouti.
Partout c'est la grande désolation,
La solennelle désolation de la fin du monde
La Mort et la Nature sont dans l'effroi.
Pourtant comme elle était belle Fréjus !
Comme elle était fleurie pour la fête de Jean-François !
Des fleurs il y en avait partout et des drapeaux dans les rues.
Comme elle était belle le Bravade de Saint-François
Avec des chevaux de carton, ses hussards et ses zouaves !
Monseigneur l'évêque menait la procession,
Les tambours et les fifres jouaient la complainte
Et la Colombe s'envolait dans la grande nef.
« Lève-toi peuple de Fréjus !
Les gents criaient, les gens chantaient à pleine bouche:
« Ô mon Dieu, sauvez Fréjus !
Ô mon Dieu sauvez-nous !
Ô grand saint François; notre grand saint !
Si on t'a brûlé à Tours,
Les Fréjusiens t'ont toujours aimé,
Ils t'ont toujours aimé ! »
Il est neuf heures passées,
Les braves gents de Fréjus sont devant la télévision
Pour les petits, Zavatta va venir sur l'écran,
Mais soudain c'est le tonnerre et les éclairs dans la colline,
Plis de lumière, tout Fréjus est dans le noir.
Dans un quart d'heure tout sera enfoui
Et les pauvres enfants surpris dans leu premier rêve
Ils seront engloutis dans les vagues glacées !
Elle se relèvera Fréjus !
Oui, Fréjus relèvera ses ruines.
Il faut tout rebâtir dans le Reyran,
La mer romaine a comblé le rivage.
Il faudra tout rebâtir, tout relever.
Les eaux du Reyran seront à nouveau disciplinées,
Les terres de la belle vallée seront à nouveau arrangées.
Et puis la Terre Mère redonnera ses beaux fruits.
Ô belle Fréjus, je te vois renaitre pleinement,
Ô Fréjus, terre romaine et provençale !
Madame Pierrugue, nous vous reverrons sur la place
Devant la Cathédrale,
Vous viendrez encore recevoir votre saint !
Le bateau « Charitas » traversera à nouveau les rues,
Les rues de Fréjus enrubannées et fleuries.
Ce sera la beau symbole de la Charité,
Cette Charité qui sauva Fréjus la Romaine !
Pêchers du Reyran nous vous verrons refleurir
Et le vignoble portera à nouveau le brun raisin:
Le vin de Dieu jaillira bientôt !
Ce sera la renaissance de Fréjus, terre de Provence !
Ô Mióugrano !
Ô Mióugrano ! belle Mióugrano !
Toi Mióugrano de Fréjus, qui a su rassembler
Les mille grains de tes filles et de tes fils,
Tu seras le symbole de la renaissance de Fréjus.
La Mióugrano arborera son beau drapeau,
Son drapeau aux armes de Provence et de Fréjus !
Mióugrano ! Toujours tu voudras garder les traditions
Les plus anciennes de l'immortelle Fréjus !
Ô Mióugrano ! Tu la joueras l'aubade, tu le battras le rappel !
Comme le disait ton Poète,
Comme l'a chanté ton enfant :
Ô Fréjus, ville essentielle de Provence et du Midi !
Je vois dans ton ciel bleu, je vous dans l'azur de ton ciel !
Un jeune; c'est un vaillant et beau qui fait la farandole
Qui arbore le drapeau aux armes de Fréjus !
C'est le signe de ta renaissance, ô Fréjus !
Ô belle Fréjus, ville de Rome et de Provence.
Jean du Malmont (Louis Bribot)
Pour la Saint-Michel de 1962