DIMARS 2 DE DESÈMBRE 2014

 

SANTO VIVIANO

 

 

Ditado :

 

• Vènt de raisso, coumo nous pren, nous laisso.

Vent de pluie, vous laisse comme il vous à pris.

 

• Bouan-jour, bouan-souar, deman matin siéu mouart.

Bonjour, bonsoeir, demain matin je suis mort.

 

• Mistrau dóu dijòu boufo tres jour, sièis o nòu.

Le mistral du jeudi souffle trois, jours, six ou huit.

 

 

Tèmo :

 

• Juillet apporte l’ail.

Juliet mèno l’aiet.

 

• Ail et pain, repas de paysan.

Aiet e pan, repas de païsan.

 

• Celui qui se frotte à la tresse d’ail ne peut pas sentir l’œillet.

Qu si freto au rèst d’aiet pòu pas senti la girouflado.

 

• L’oignon permet de faire de la bonne cuisine.

La cebo es cousiniero. 

 

• L’oignon fait boire et maintient la soif.

La cebo fa bèure e mantèn la se.

 

 

 

LEI PICHOUN CAMP EMÉ LEIS AUBRE

 

Pacientamen counquist sus la fourèst sóuvage, alargi tambèn dóu caire de la mountagno coumo dóu caire de la ribiero, pèr necessita e noun sènso risque counsciènt e encarga, lou camp es l’óujèt dei pu grand suen, regulieramen entre-teni, espeirega, emenda, engraissa de tóutei lei fumié poussible. Mes à part quàuquei ràri plano, que pouarton souvènt de recordo à dous nivèu, li a agu de toustèms un maridage de rasoun entre lei semena e leis aubre. Lei culturo anavon fin que souto lei ramarés. En generau èron lei fruchau : poumié, periero, pruniero, nouguié, castagnié.... Pèr fes infruchous, mai counserva au benefice de soun tèms, tau de roure seculàri que fan pu ges d'aglan pèr justifica lou mantèn, mai qu’èron de remarcable couchadou d'estapo pèr lei vòu migratour (tourdre, estournèu, pijoun ramié...) e que souleto la foudre vo (lou fiò de Diéu) avié lou dre de lou toumba.

Aquéu biais de cultiva a fa mestié tant que lei meissoun si soun facho à la

Man, mai quouro lei machino soun arribado, leis aubre tout coumpagnoun qu’èron, soun lèu esta counsidera coumo d'envahissèire e d'entrepachous. En proumié avèn leva aquélei que dounavon pu rèn, lei pu mau plaça, mai avèn fa acò à l’anciano, en debitant lei branco fin qu'au pu pichin moussèu pèr la reservo de bouas de caufage. Fasien meme de gros trau pèr pousqué recoubra lei racino pèr leis empacha de recepa. Pèr aquélei qu’èron mantengu, li fasien lou tour emé lou dai pèr rèn degaia. Pau à cha pau la guerro eis aubre s’es abrivado, e bèn lèu emé lei gros mejan ; l’ecatoumbo, leis aubre amoulouna au mitan dóu camp, arrousa de mazout e brula viéu sus l’autar de la prouducien, aquelo obro souvèntei-fes encourajado pèr de suvencien. Tóutei leis aubre isoula, lei ribo, leis aubre limito, tóutei leis alignamen seculàri en bordaduro dei camin soun esta sacrifica, sènso coumta lei taiadis inmènse esfata emé vo sènso autourisacien reglamentàri.

Priva de sei fruchous, de sei baragno, dei vièi roure seculàri mantenèire dei verticalo prouteitriço, lei camp an agu un jour vergougno « de si retrouba nus», coumo Adan e Evo foro-bandi dóu paradis terrestro! Lei valoun e lei coualo dóu pais gavot soun devengu élei tambèn « de plat païs », sènso relèu,  sènso oumbro, sènso peirié, sènso sauvadou, sènso vòu d'auceloun, unifourmisa, egalisa, esterleja, franc pèr un gran de blad abeli, estandardisa e calibra.

Es-ti segur que lou païsan li ague trouba soun comte? Leis aucèu dison de non. Lei sourgènt e lei valat noun pu. Ni lou gibié vo cassun, ni lei caminaire, ni lei languissous, ni mancòu lei pouèto, aquélei an ges de pes ecounoumi. Pamens leis evenimen li dounon resoun, car lei nouvèu païsan, abena, endèuta, descouraja, largon sus la criso que leis estoufo lei meme cri que seis aujòu de li a un siècle . Aquélei camp tròup denuda, que li avien douna tant de peno e tant d'espèr, sabon pu de que n'en faire. Deja la majo-part soun parti: lei païsan en proumié, à la seguido la terro, la vido.

 

 

LES PETITS CHAMPS AVEC LES ARBRES

 

Patiemment conquis sur la forêt sauvage, élargi aussi du côté de la montagne comme du côté de la rivière, par nécessité et non sans risques conscients et assumés, le champ est l’objet des plus grands soins, régulièrement entretenus , désempierrés, amandé, enrichi de tous les fumiers possibles.  Mis à part quelques rares plaines qui ont souvent des récoltes à deux niveaux, il y a toujours eu un mariage de raison entre les endroits cultivés et les arbres. Les cultures allaient jusque sous les endroits boisés. En général c’était les arbres fruitiers : pommiers, poiriers, noyers, châtaigniers… parfois ne donnant pas de fruits mais conservés au bénéfice de leur âge, tels les chênes centenaires qui ne font plus de glands pour justifier leur maintien ; mais qui étaient de remarquables abris d’étapes pour les vols de migrateurs (grives, étourneaux, pigeons ramiers…) et que seule la foudre (le feu de Dieu) avait le droit d’abattre.

Ce moyen de cultiver a perduré tant que les moissons se sont faites à la main, mais quand les machines sont arrivées, les arbres tout compagnons qu’ils étaient, ont vite été considérés comme des envahisseurs et des entraves. D’abord on a enlevé ceux qui ne donnaient plus rien, les plus mal placés, mais on a fait cela à l’ancienne, en débitant les branches jusqu’aux plus petits morceaux pour la réserve de bois de chauffage. Il fallait même faire de gros trous pour pouvoir trouver les racines pour les empêcher de receper. Pour ceux qui étaient conservés on faisait le tour avec la faux pour ne rien perdre. Peu à peu la guerre aux arbres s’est accentuée, et bien vite avec de gros moyens ; l’hécatombe, les arbres accumulés au milieu du champ, arrosés de mazout et brulés vifs sur l’autel de  la production, ce travail souvent encouragé par des subventions. Tous les arbres isolés, les rives, les arbres en limite, de vieux chênes séculaires en bordure des chemins ont été sacrifiés, sans compter les taillis immenses défrichés avec ou sans autorisation réglementaire.

Privé de ses arbres fruitiers, de ses haies, des vieux chênes séculaires mainteneurs des hauteurs protectrices, les champs un jour ont eu honte « de se retrouver nus » comme Adam et Ève chassés du paradis terrestre! Les vallons et les collines de la montagne sont devenus eux aussi « des plats pays », sans reliefs, sans ombre, sans clapiers, sans abris, sans vols d’oiseaux, uniformisés, égalisés, stériles, sauf pour les grains de blé améliorés, standardisés et calibrés.

Est-il certain que le paysan y ait trouvé son compte ?  Les oiseaux disent  non. Les sources et les fossés également.  Ni le gibier, ni les randonneurs, ni les nostalgiques, ni même les poètes, ceux-là n’ont pas de poids économique. Cependant les évènements leur donnent raison, car les nouveaux paysans, épuisés, endettés, découragés, lancent sur la crise qui les étouffe les même cris que leurs aïeux d’il y a un siècle. Ces champs trop dénudés, qui leur avaient donné tant de peine et tant d’espoir ils ne savent plus quoi en faire. Déjà la plus grande part s’en est allée : les paysans d’abord, puis la terre, la vie.

 

 

 

L'OUNCLE FÈLI

 

Lou vièi « ouncle Fèli » li anavo de sa teourìo. Èro un celibatàri endursi, que menavo sa vido coumo un jèsus en anan ajuda lou mounde à gràtis. D'un oustau à l’autre dóu vilàgi, e d'uno bastido à l’autro dins lei quatre vo cinq coumuno alentour, en pourtant d'amelo raspado à tóutei lei pichoun, de poumo à tóutei lei malaut, e de fais de branqueto ei vièi, en cantant la cansoun dei blad d'or e quàuqueis autre dins tóutei lei maridage, e en declamant lei derniero cascareleto de l’armana prouvençau dins tóutei lei vihado : èro lèst à crèire à la musico e memo « en aquéu ocarina » mai à coundicien que sieche limita à un vo dous quart d'ouro lou matin e lou sèro,  à la coundicien que noun devèngue oubligatòri, e enfin à coundicien d'agué apres! Leis autre countuniavon de pensa que pourien s'en passa, e que dins tóutei lei cas , es pas acò qu'empachara lei meissounaire d'aganta de còup de soulèu, e de còup de fué ei fabre.

Moun paire, éu, pensavo que tout acò avié rèn à vèire emé l’inteligènço, qu'aquelo d'aqui avié tambèn rèn à vèire emé l’estrucien, nimai emé la coundicien, la fourtuno, leis ounour ; qu’èstre devengu counse, ensignaire, prefèt vo meme presidènt de la Republico, acò vau pas dire d’èstre mai inteligènt que leis autre !

Tenès ! disié, aquéu Ministre de l’Agriculturo que nous desounouro e qu’en aquestou moumen nous rouino en refusant de regarda en faço lou proublèmo de l’especulacien sus lou blad, es bessai mens inteligènt que vous e iéu. Èstre inteligènt, es de bèn coumprendre un proublèmo lou jour que vous toumbo dessus. Se l’un de nous autre èro menistre de l’Agriculturo subre-tout se la masso d'infourmacien que déu li agué d'amount (= à Paris), lou coumprendrié bèn pu vite. Se un menistre de l’Agriculturo sabié, pèr l’agué pratica, ce qu'es lou mestié de païsan, prendrié d'àutrei mesuro qu'aquélei que vènon de nous impausa pèr lou pres dóu blad e lou pres dei machino agricolo.

                                                                            

 

      Tira dóu libre « L'été des paysans en Provence » 

 Revira pèr  « Lou sauto messugo »

 

 

 

L'ONCLE FÉLIX

 

Le vieil « oncle Félix » avait sa théorie. C’était un célibataire endurci, qui menait sa vie comme il l’entendait en aidant le monde gratuitement. D’une maison à l’autre du village, et d’une ferme à l’autre dans les quatre ou cinq commune alentour, en amenant des amandes râpées à tous les petits, des pommes à tous les malades, des fagots de branchages aux vieux, en chantant la chanson des blés d’or et quelques autres dans les mariages, et en déclamant les dernières histoires de l’almanach provençal dans toutes les veillées : il était prêt à faire de la musique et même «  de cet ocarina » mais à condition que ce soit limité à un ou deux quarts d’heure le matin et le soir, à la condition que cela ne devienne pas obligatoire, et enfin à la condition d’avoir appris. Les autres continuaient à penser qu’ils pourraient s’en passer, et que dans tous les cas, ce n’est pas cela qui empêcherait les missionnaires d’attraper des coups de soleil, et aux forgerons d’avoir des coups de feu.

Mon père lui pensait que tout cela n’avait rien à voir avec l’intelligence, que celle-ci n’avait rien à voir avec l’instruction, ni même avec la condition, la fortune, les honneurs ; qu’être devenu maire, enseignant, préfet ou même président de la République, cela ne veut pas dire être plus intelligent que les autres !

Tenez! Disait-il, ce Ministre de l’Agriculture qui nous déshonore et qu’actuellement nous ruine en refusant de regarder en face le problème de la spéculation sur le blé, est peut-être moins intelligent que vous et moi. Être intelligent c’est bien comprendre un problème le jour où il vous tombe dessus. Si l’un de nous autres était Ministre de l’Agriculture surtout avec la masse d’informations qu’il doit y avoir là-haut  (= à Paris), il comprendrait bien plus vite. Si un Ministre de l’Agriculture savait pour l’avoir pratiqué, ce qu’est le métier de paysan, il prendrait d’autres mesures que celles qu’il vient de nous imposer pour le prix du blé et le prix des machines agricoles.  

 

Tiré du livre « L'été des paysans en Provence » 

  Traduit par  « Le saute-cistes »