DIMARS 1é de JUN 2021

​

Sant Justin

​

​

 

LOU JUEGADOU DÓU BOUES DE CUJO

 

 

En travessant lou boues de Cujo, dóu tèms de Gaspard de Besso, l’avesque de Freju, un matin, ti va vèire un ome asseta au sòu e que juegavo à l’escartat tout soulet.

– Mai que fas aquito, coulègo ? li faguè l’avesque.

– Juègui à l’escartat, Mounsignour.

– Coumo ! juegues à l’escartat tout soulet ?

– Nàni, Mounsignour, juègui emé lou bouen Diéu !

– Mai quand perdes, alor, ti duou gaire cousta…

– Si, que mi couesto, quand pèrdi pàgui e lou bouen Diéu, que saup tout, alor, mando toujour quaucun pèr touca ce que li revèn. E segur, Mounsignour, es pèr acò que passas eicito… Tenès, vaquito cinq franc, qu’ai perdu, lei dounarés à vouéstei paure e anaran à Diéu.

Eiçò va bèn. Un mes d’après, Mounsignour traversavo mai lou boues de Cujo e ti reviguè soun juegadou, asseta au mitan dóu camin, en trin de faire vira lou rèi…

– Aquesto fes gàgni, Mounsignour ! Ai uno chanço benesido, arregardas un pau lou jue de Diéu, l’a quatre ouro que pèrde !

– Mai qu ti dounara l’argènt gagna ?

– Vous, Mounsignour, car lou bouen Diéu, quand gàgni, mando toujour quaucun pèr m’adurre ce que mi revèn.

E lou juegadou, qu’èro Gaspard de Besso, siblè seis ome, escoundu dins lei boues, e curèron lei pocho de l’avesque.

 

Lou Galoi Sartanié

​

​

LE JOUEUR DU BOIS DE CUGES

 

 

En traversant le bois de Cuges, au temps de Gaspard de Besse, l’évêque de Fréjus, un matin, voit un homme assis par terre et qui jouait à l’écarté tout seul.

– Mais que fais-tu ici, mon  ami ? lui dit l’évêque. 

– Je joue à l’écarté, Monseigneur.

– Comment ! tu joues à l’écarté tout seul ? 

– Non, Monseigneur, je joue avec le bon Dieu !

– Mais quand tu perds, alors, cela ne dois pas te coûter grand chose…

– Si, cela me coûte, quand je perd je paie et le bon Dieu, qui sait tout, alors, envoie toujours quelqu’un pour toucher ce qui lui revient. Et c’est sûr, Monseigneur, c’est pour cela que vous passez ici… Tenez, voici cinq francs, que j’ai perdu, vous les donnerez à vos pauvres et ils iront à Dieu.

Et tout va pour le mieux. Un mois plus tard, Monseigneur traversait à nouveau le bois de Cuges et il revit son joueur, assis au milieu du chemin, en train de jouer aux cartes.

– Cette fois je gagne, Monseigneur !  J’ai une sacré chance, regardez un peu le jeu de Dieu,  il y a quatre heures qu’il perd !

– Mais qui te donnera l’argent gagné ?

– Vous, Monseigneur, car le bon Dieu, quand je gagne, envoie toujours quelqu’un pour m’apporter ce qui me revient.

Et le joueur, qui était Gaspard de Besse, siffla ses hommes,, cachés dans les bois, et ils vidèrent les poches de l’évêque.

 

Le Joyeux Sartanier