DIMARS 18 DE NOUVÈMBRE 2014

 

SANTO AUDO

 

Estou souar festejan lei vint, vint, vint, vint an d’Emilo

 

Prouvèrbi :

 

• Rouge dóu matin la pluieo es pèr camin.

Rouge du matin la pluie est en chemin.

 

• Lou pessègue es ibrougno.

La pêche est un ivrogne (souvent en Provence on trempe les pêches dans du vin rouge pour les manger en dessert)

 

• Iéu m’en trùfi siéu d’Auriòu.

Moi je m’en moque je suis d’Auriol.

 

• Lei mountagno si regardon e lei gènt si rescountron.

Les montagnes ses regardent et les gens se rencontrent.

 

 

 

 

DE SESOUN EMÉ DE VOUIAGE  (maritime)

 

L'autouno t'adus la pas, lei pignen, lou vin nouvèu, lei niéulo, la plueio, la nèblo, e la rintrado emé un pau de làngui. Emé l’iver, s'aduen lou frei emé la gaio fèsto de Nouvè.

Nouàstreis Aup si tapon de nèu e leis estacien d'esqui fan lou plen d'aquélei qu'an reüssi à mounta jusqu'aqui sènso s’èstre debaussa dins lei valat en resquihant sus lou verglas. Tóutei fan de coua d'uno ouro pèr aganta lou tiro-cuou o lou telé-sèti. Quand an mounta un brave moumen dins lou frei que pelo, arribon en l’èr e assajon de redescèndre. Se ti petes pas la gambo, dins un vira d'uei siés en bas e ti fau recoumença la coua tout susant au mitan de galapian que s'estripon. N'en a qu'acò li agrado. Lei tranquilas, élei, fan d'esqui de founs.

Lei pouèto canton lou printèms que fa greia lei bourro, espeli lei flour, verdeja lei prat. Es Pasco e lou renouvèu. Mai lou plus bèu es l’estiéu maugrat la calourasso. Pouas ana à la mar ti brounza sus la sablo, sus lei roucas, faire de batèu vo de plancho à velo; escala sus lei mountagno, visita lei bèuta de nouastre païs que lei touristo si n'en privon pas. Pouas assista ei festenau. As tout lou tèms de vouiaja.

Pèr lou vouiage, as l’avioun mai ti fau arriva bèn avans l’ouro e t'adué talamen luen dei vilo que ti fau autant de temps pèr rejougne lou cèntre. Puei couasto leis uei de la tèsto. Li a encaro lou trin mai ti fau louga la plaço, autramen risques de faire lou vouiage de dre, au mitan dei paquet e de la marmaio que bramo. Resto l’autò. Partes quouro vouas e t'arrestes mounte vouas mai li a talamen de couioun sus lei routo que devèn uno espedicien e, pèr ti gara, pouas courre. Ti rèsto plus que de resta au tiéu o de parti d’à pèd emé la saco d'esquino e de faire d'estope.

 

 

DES SAISONS AVEC DES VOYAGES 

 

L'automne t’apporte  la paix, les champignons, le vin nouveau, les nuages, la pluie, la brume, et la rentrée avec un peu de tristesse. Avec l’hiver, s’amènent le froid avec la joyeuse fête de Noël.

 

Nos Alpes se couvrent de neige et les stations de ski font le plein de ceux qui ont réussi à monter sans avoir versé dans les fossés en glissant sur le verglas. Tous font des queues d’une heure pour attraper le tire-fesses ou le télésiège. Dans ils ont monté un bon moment dans le froid qui gèle, il arrivent en haut et essayent de redescendre. Si tu ne te casses pas la jambe dans un clin d’œil tu es en bas et il te faut recommencer la queue tout en suant au milieu de garnements qui se bousculent. Il y en a à qui cela plait. Les plus tranquilles, eux, font du ski de fond.

Les poètes chantent le printemps qui fait pousser les bourgeons, éclore les fleurs, verdir les prés. C’est Pâques et le renouveau. Mais le plus beau c’est l’été malgré la grosse chaleur. Tu peux aller à la mer te bronzer sur le sable, sur les rochers, faire du bateau ou de la planche à voile ; escalader les montagnes, visiter les beautés de notre pays ce dont les touristes ne se privent pas. Tu peux assister aux festivals. Tu as le temps de voyager.

 Pour le voyage tu as l’avion mais il te faut arriver bien avant l’heure et il t’amène tellement loin des villes qu’il te faut autant de temps pour rejoindre le centre. Puis il coûte les yeux de la tête. Il y a encore le train mais il te faut louer la place, autrement tu risques de faire le voyage debout, au milieu des paquets et de la marmaille qui crie. Reste l’auto. Tu pars quand tu veux et te t’arrêtes où tu veux mais il y a tellement de couillons sur les routes que cela devient une expédition et, pour te garer tu peux toujours courir. Il ne te reste plus qu’à resta chez toi ou partir à pieds avec le sac à dos et faire de l’auto-stop.

 

 

DE SESOUN EME DE VIAGE  (roudanen)

 

L'autouno t'adus la pas, li champignoun, lou vin nouvèu, li nivo, la plueio, la nèblo e la rintrado em’ un pau de làngui. Emé l’ivèr s'aduson la fre emé li gàii fèsto de Nouvè. Nòstis Aup s'enmantellon de nèu e lis estacioun d'esqui fan lou plen d'aquéli qu’an reüssi à mounta enjusqu'aqui sènso agué versa dins li valat en resquihant sus lou verglas. Tout lou mounde fan de co d'uno ouro pèr s'aganta lou tiro-quiéu o lou telé-sèti. Quand an mounta un brave moumen dins la fre que pelo, arrivon en l’èr e assajon de redescèndre. Se te petes pas la cambo sus la pisto, en un vira d'iue siés en bas e te fau recoumença la co tout susant au mitan de galapian que s'estripon. N'i'a qu'acò i'agrado. Li tranquilas, éli, fan d'esqui de founs.

Li pouèto canton lou printèms que fai greia li bourre, espeli li flour e verdeja li prat. Es Pasco e lou renouvèu. Mai lou pus bèu es l’estiéu maugrat la calourasso. Pos ana à la mar, te brounza sus la sablo, sus li roucas, faire de batèu o de plancho à velo, escala sus li mountagno, visita li bèuta de noste païs que li touristo se n'en privo pas. Pos assista i festenau. As lou tèms de viaja.

Pèr lou viage, as l’avioun, mai te fau arriva bèn avans l’ouro e t'adus talamen liuen di vilo que metes autant de tèms pèr rejougne lou cèntre. Pièi costo lis iue de la tèsto. I'a tambèn lou trin mai deves louga la plaço se noun risques de faire lou viage de dre au mitan di paquet e de la marmaio que bramon. Rèsto l’autò. Partes quouro vos, e t'arrèstes mounte vos, mai i'a talamen de couioun sus li routo que devèn uno espedicioun, e pèr te parca, pos courre. As plus que de resta au tiéu o de parti à pèd emé la saco d'esquino e de faire d'estope.

 

 

Gramatico : Conjuguesoun dóu verbe adurre (amener, apporter) au présent de l’indicatif :

 

Varois : aduou, adues, adue, aduan, aduas, aduen

 

              Apporte-moi du pain = adue-mi de pan

 

Rhodanien : aduse, aduses, adus, adusèn, adusès, aduson

 

               Je vous apporte de l’argent = vous aduse d’argènt

               Apportez-moi du vin = adusès-me de vin

               Quel bon vent vous amène ? = Quete bon vènt vous adus ?