DIMARS 18 de MAI 2021
Sant Eri
Lou Biòu
Folcò de Baroncelli-Javon
à-n-Enri de Montherlant.
Quouro es vengudo la niue fousco,
Que lou reinard, soulet, tabousco ;
En Coustiero, amoundaut, quouro, l'un après l'un,
Se soun tóuti amoussa li lum,
Planet, dison, s'entènd cracina dins li tousco,
Vers lis Isclo, au bord di palun.
Dóu païs ounte ges de clavo
D'ome ni de chivau s'enclavo,
Dóu desert imourous d'abisme e de rousèu,
De fangas e de boutarèu,
Sort un biòu fabulous, bourlant dins l'aigo blavo,
Tout negre sus l'encrour dóu cèu.
E, reniflant l'óudour marino,
Lou moustre banu s'acamino.
Li gardian, que, de niue, van en courso, l'an vist,
Oumbro liuencho que li seguis.
Alor, un refoulèri aganto la bouvino,
E tout s'enauro, e tout fugis.
Afourtisson qu'aquéu bestiàri
N'es qu'uno engano emai qu'un glàri.
E, quand la mar boumbis, que danson lis estang,
Soun brama se mesclo au levant.
Quand li fiò de palun sus dès lègo fan bàrri,
Tiro braso au brasas cremant.
E, pèr tant que l'on tourno à rèire,
Parèis qu'à la chut-chut, li rèire,
Lou vèspre, an parla d'éu souto li cabanoun,
Dóu Cavau fin-qu'à Quincandoun,
Sèns que, de proche, res ague pouscu lou vèire
Ni defini sa creacioun.
(De segui)
Le Taureau
Folcò de Baroncelli-Javon
À Henri de Montherlant.
Quand est venue la nuit sombre,
Que le renard, tout seul, s’enfuit;
Sue la côte, là-haut, quand, les unes après les autres
Toutes les lumières se sont éteintes,
Doucement, dit-on, on entend craquer dans les touffes,
Vers les Îles, au bord des marais.
Du pays où aucune empreinte
D'homme ni de cheval n’est marquée,
Du désert humide de fondrières et de roseaux,
De boue et de tertres,
Sort un taureau fabuleux, s’agitant dans l’eau claire,
Tout noir sur l'obscurité du ciel.
Et, reniflant l'odeur de la mer,
Le monstre cornu s’achemine
Les gardians, qui, la nuit, vont conduire les courses, l’on vu,
Ombre lointaine qui les suit.
Alors, uno folie s’empare des bêtes,
Et tout s'affole, et tout fuit.
On affirme que cette bête
N'est qu’un leurre et qu’un fantôme.
Et, quand la mer bondit, que les étangs dansent,
Ses meuglements se mêlent au bruit du vent d’est.
Quand les feux des marais sur dix lieux font remparts,
Il gratte le sol dans le brasier ardent.
Et, pour si loin que l’on retrouve en arrière,
Il paraît qu’à voix basse, les anciens,
Le soir, ont parlé de lui dans les cabanons,
Du Cavau jusqu'à Quincandon [1],
Sans que personne ait pu le voir de près,
Ni se rendre compte de ce qu’il était.
(À suivre)
[1] Le Cavau et Quicandon sont deux pâturages qui se trouvent aux extrémités des territoires d’élevage, l’un au pied de la roche de Fos, l’autre à l’ouest d’Aigues-Mortes.