Dimars 17 de janvié 2017

DIMARS 17 DE JANVIÉ 2017

Santo Rousselino

Ditado :

Lei cofre dei paure soun toujour badié.

Les coffres des pauvres sont toujours entre-ouverts.

Es lou devinaire dóu Lu, devino un sòu d’un escut.

C’est le devin du Luc, il reconnait un sou d’un écu.

La favo dóu Tourounet n’en vau mai uno que tres.

La fève du Thoronet il en vaut mieux une que trois.

JAN TROIN DE l’ILO

Encuei, uno pichouno legèndo, ou pulèu, uno istòri legendàri.

S'anas vous proumena dóu coustat de Bargemoun, dins lei coualo prouvençalo dóu Var, pourrés vèire, pourrés toumba davans l'oustau de Jan Troin, Jan Troin de l'Ilo, coumo èro bateja. Jan Troin de l'Ilo aguè la renoumado, dins soun tèms, d'èstre un arquemisto. Vaqui un tèste dóu Bargimounen Felipe Chauvier que nous raconto sa vido, uno vido proun bourroulado que fenisse mau.

A Bargemoun, dins aquéu gai païs qu'es quiha au dasaut d'un coulet oumbreja d'óulivié, coumo un niéu au mitan dei gréu, à la fin dóu siècle dès-e-sèt li neissè Jan Troin, subre-nouma de l'Isclo, ou de l'Ilo. Coumo lou plus gros rai de sei coumpatrioto, la famiho de Jan Troin èro pas dei plus ancrado, èro pas bèn richo. Atout la gàrdi de l'avé fouguè l'obro de soun enfanço. Plus tard, lou pastrihoun qu'en gardant soun bestiàri fustejavo, fustejavo bèn deja, dien, dins de rusco d'aubre emé soun pichoun coutèu, touto sorto de cauvo gentiéuvo, plus tard, devengu ome, mountè uno boutigo de sarraié. E tóuti lei travai que façounavo aqui dedins èron pèr auvi dire adouba de man de mèstre. Mai lou pire fuguè quand lei Barge-mounen, un bèu jour, lou veguèron, aquéu roumpu de Jan, que tirassavo carrosso coumo lei segnour de l'endré : bèu chivau, riche arnesc, vèsti meravihous e de varlet.... rèn mancavo à Jan Troin, que si parlavo plus que d'éu dins lou vilage. E cadun èro curious de saupre coumo avié fa l'umble sarraié pèr trasfourma tant lèu sa boutigueto enfumas-sado en resplendissènto ourfevrarié. Parèis que Jan, pas mai qu'acò, en travaiant de tèsto, avié trouva l'engàmbi pèr chanja lou ferre en or. D'ùnei afourtissien que la sciènci d'argenta e de daura lou ferre e l'acié l'avié pescado dins de vièi libre ; d'autre dihien tout bouonamen qu'èro neissu, lou Jan, emé lei man tant engaubiado qu'avié pas agu besoun, pèr s'acampa de gàubi, d'ana au vilage de Brenoun, ounte, coumo si dis, n'en dounon à qu n'a ges. E patin, e coufin... Dihien tant que voulien, e n'en sabien rèn. Es toujour que Jan Troin èro un daurié incoumparable ; e lei bourgés, e lei letru, esmeraviha de soun art, l'apariavon ei plus fouart tremudaire d'àutrei tèms, subretout pèr ajusta e sóuda l'or emé lou ferre.

Li a enca de gènt qu'an serva d'óubrage d'aquel ilustre artisto. La reputacien de Jan Troin, d'aureio en aureio e de bouco en bouco, arrivè jusqu'au rèi de Franço. E lou rèi vouguè lou vèire, e li mandè dire de veni au palais de Versaio. Mai nouastre Bargi-mounen, – cregnènt perdre damount sa liberta, en deguènt travaia rèn qu'au service dóu mounarco, dóu rèi Soulèu – que va creigués o noun, refusè de faire lou viage à Versaio. Chouca, escandalisa d'aquéu refus, lou rèi qu'entendié pas qu'un peïsan li faguèsse ensin desóubeïssènço, dounè cou-mandamen de l'arresta sus lou còup e de l'adurre à Paris de forço. Mai qu vous a pas di qu'aquéu Prouvençau testard, quouro emé sei menaire arrivè dins la Bourgougno, va prouficha d'uno pauveto – qu'éu avié demanda de faire – e tè, escapo, m'as proun vist ! vague de courre pèr s'escapa, tant qu'avié de cambo... Lei sourdat, en lou viant landa dins lou campèstre, fan ni uno ni douas, engauton sei mousquet e, lei marrias ! degoualon lou paure Jan Troin que cabussè dins lou gara, pecaire, em'un ploumb dins la cueisso. Es ensin, e es d'acò que quàuquei jour après mourè lou famous aurivelaire prouvençau, en empourtant em'éu soun secrèt dins la terro.

Jan-Lu Domenge

JEAN TROUIN DE l’ILE

Aujourd’hui une petite histoire, une histoire légendaire.

Si vous allez vous promener du côté de Bargemon, dans les collines provençales du Var, vous pourrez voir, vous pourrez tomber devant la maison de Jean Trouin, Jean Trouin de l’Ile, comme il était baptisé. Jean Trouin de l’Ile eut la renommée, dans son temps, d’être un alchimiste. Voici un texte du Bargemonais Philippe Chauvier qui nous raconte sa vie bien agitée qui finit mal.

A Bargemon, dans ce gai pays qui est perché en haut d’une petite colline ombragée d’oliviers, comme un nid au milieu des jeunes plantes, à la fin du 17ème siècle naquit Jean Trouin, surnommé de l’Ile. Comme la plupart de ses compatriotes, la famille de Jean Trouin n’était pas des plus nanties, elle n’était pas bien riche. Aussi la garde des moutons fut le travail de son enfance. Plus tard le petit berger qui en gardant ses bêtes travaillait le bois, il sculptait bien déjà, dit-on, dans l’écorce des arbres avec son petit couteau, toute sorte de choses gentilles, plus tard, devenu homme, il monta une boutique de serrurier. Et tous les travaux qu’il façonnait là étaient par ouï-dire arrangés de main de maître. Mai le pire fut quand les Bargemonais, un beau jour, le virent, ce sacré Jean, qui roulait carrosse comme les seigneurs de l’endroit : beaux chevaux, riches harnais, habits merveilleux et de valets… rien ne manquait à Jean Trouin, et on ne parlait plus que de lui dans le village. Et chacun était curieux de savoir comment avait fait l’humble serrurier pour transformer aussi vite sa petite boutique enfumée en une resplendissante orfèvrerie. Il parait que Jean, pas plus que cela, en réfléchissant, avait trouvé le moyen pour changer le fer en or. Certains affirmaient que la science d’argenter et de dorer le fer et l’acier il l’avait trouvée dans de vieux livres, d’autres disaient tout simplement qu’il était né, le Jean, avec les mains si habiles qu’il n’avait pas eu besoin, pour avoir sa dextérité, d’aller dans le village de Brenon, ou, comme l’on dit, en en donne à qui n’en a pas. Et patati et patata… Ils en disaient tant et plus, et ils n’en savaient rien. Toujours est-il que Jean Trouin était un orfèvre incomparable ; et les bourgeois et les lettrés, émerveillés par son art, le comparaient aux plus fort des transmuteurs d’autrefois, surtout pour ajuster et souder l’or avec le fer.

Il y a encore des personnes qui ont conservé des ouvrages de cet illustre artiste. La réputation de Jean Trouin, d’oreille en oreille et de bouche en bouche, arriva jusqu’au roi de France. Et le roi voulu le voir, et lui envoya dire de venir au palais de Versailles. Mais notre Bargemonais, — craignant de perdre là-haut sa liberté, en devant travailler rien qu’au service du roi monarque, du roi Soleil — que vous le croyiez ou pas, refusa de faire le voyage à Versailles. Choqué, scandalisé de ce refus, le roi qui n’entendait pas qu’un paysan, lui désobéît ainsi, ordonna de l’arrêter sur le champ et de l’amener à paris de force. Mais ne voilà-t-il pas que ce Provençal têtu, quand avec ses gardiens il arriva en Bourgogne, va profiter d’un petite pause — qu’il avait lui-même demandé de faire — et tiens, il s’échappe, tu m’as assez vu ! et il se met à courir pour s’échapper à toutes jambes... Les soldats, en le voyant courir dans les champs, ne font ni une ni deux, ils mettent en joue leurs mousquets et, les vauriens ! ils dégomment le pauvre Jean Trouin qui tomba dans le guéret, le pauvre, avec un plomb dans la cuisse. C’est ainsi et de cela que quelques jours après mourut le fameux orfèvre provençal, en emportant avec lui son secret dans la terre.

Jean-Luc Domenge