DIMARS 15 DE MARS 2016

 

SANTO LOUISO

 

 

LOU BARCARÉS

 

Quand Leleno durbiguè sa fenèstro, lis estello parpalejavon encaro dins lou cèu blanc. N’èro pas jour, mai li primo clarta de l’aubo fasien courre de rebat d’estam sus lou Rose, e, dins la nèblo cendrouso dóu matin, se vesié adeja dóu caire de Trenco-taio, lou grouün atravali di marinié.

Lou barcarés èro noumbrous, lou long dóu port cubert de bouto, de saco e de gran en camello. Pamens, demié li pinello, li sisselando e li chaland qu’en renguiero se groupavon, alin, abandouna au courrènt de l’aigo emé si maio tiblado, la chato devistè subran la “Bello-Couloumbo” e la “Vierge de Cadet-Ro”.

La “ Bello-Couloumbo ” èro lèsto à parti, e, coume uno alo, sa velo latino èro desplegado au soulèu neissènt. Soun jouine capitàni, — èro capitàni, en Arle, quau avié la mendro ratamalo — Nourat Pignard, èro dre au mitan de la bello cargo de fen qu’éu anavo pourta à-n-Aigo-Morto; e lou móussi, Ceset, dounavo un darrié cop de fretadou is aparau. Nourat Pignard regardavo vers Arle. Dins la farandoulo d’oustau que se debanavo long dóu quèi, un i’èro famihié de la man d’eici dóu Pourtau di Castagno. Èro aquéu qu’au caire de la carriero Sant-Laurèns, pourtavo foro dóu téule, esculta dins lou saumié-mèstre, un bestiàri esfraious emé sa tèsto de tarasco e sa co en fichouiro, e qu’un pau plus bas acatavo, dins uno nicho de la capoucho taiado en escaume, uno Vierge que ié disien, en souveni bessai d’aquéu que ié la pausè, la “ Vierge de Cadet-Ro ”. Èro l’oustau de patroun Veran. Li rèire d’aquéu marinié de vièio souco i’èron nascu e defunta. Sa femo peréu i’èro morto, i’avié sege an, pecaire ! en ié leissant uno nistouno que tetavo encaro. Amor d’acò l’oustau i’èro sacra; e èro esta pèr éu uno fèsto bèn douço, quand soun enfant tournado de bailo prenguè l’empeto dóu meinage, pas plus auto qu’uno panau, mai engaubiado coume pas uno. Madaleno, sa Leleno, coume disié, s’èro abarido au travai, e patroun Veran èro fièr de sa chato. Ero fièr tambèn de sa barco. Lou bastimen ié venié de soun grand que l’avié paga trege queirat (1)  tin-tin, qu’acò fasié un pau mai de sèt milo liéuro. Èro arma que se pòu pas miés, de poupo à pro. Tendo, espaieto e liban, tout i’èro en bon ordre. Amourousamen lou tenié sèmpre enquitrana de fres. Ero acò tout soun capitau, e l’avié bateja la “ Vierge de Cadet-Ro ” pèr qu’un pau de soun oustau lou seguiguèsse long dóu Rose e sus l’aigo amaro.

— “ Hòu ! l’ami ! ” cridè patroun Veran en coustejant la Bello-Couloumbo, “vendrias pas esquicha un age emé iéu, avans de desamarra ? ”

 Nourat èro à mand de leva lis ancoureto, quouro avié vist lou paire de Leleno sauta dins un nego-roumiéu pèr ana faire un poutoun d’adiéu à sa chato.

— “ Es pas de refus ! ” respoundeguè en lachant la maio; e, d’enterin que patroun Veran fasié jouga li rem, mountè d’à poupo e prenguè l’empento.

Naveguèron d’abord coume s’avien vougu pouja en amount; mai quand aguèron pres lou courrènt que, pèr mueio e vertouioun, vèn batre contro lou quèi d’Arle, l’empento drecho e li rem à l’arrèst, davalèron quàsi au fiéu de l’aigo vers lou desbarcadou. Atrouvèron la porto de l’oustau duberto, e Lelen que lis esperavo en fasènt fiò souto un toupinoun de cafè fres. Li gauto enrouitado pèr la crento o pèr la flamado, aquelo chato fasié gau de vèire: Nourat la beguè dis iue.

— “ Toun cafè sènt bon qu’embaimo, pichoto ” diguè mèste Veran; “ auras bessai devina qu’adusiéu un coulègo ? ”

— “ Benvengu siegue patroun Pignard ! ” rebequè Leleno que-mai rougissènto; “ mai sabe, paire, que vous tambèn amas pas lou cafè de mourgo”. E li dous ome riguèron en s’entaulant. Vivo e drecho, Leleno aguè lèu fa de sourti li tasso, li cuié e lou sucre.

Dins un vira d’iue lou cafè siguè vueja e tubè davans lou nas di marinié. Pièi, dous vèire à pèd e la boutiho de sauvo-crestian venguèron quatecant s’apoundre au service. E tout acò propre coume un anèu. Que plesi pèr lou paire de vèire tant bon biais à-n-uno chato ! Que plesi pèr un amourous, digas ! de vèire tant de gentun à-n-uno bello fiho ! Autambèn, tout en chourlant lou cafè e en cachant lis age gounfle d’aigo-ardènt, Nourat escoutavo gaire li discours de patroun Veran. Pamens, la voues dóu vièi capitàni èro d’à-cha-pau devengudo gravo:

— “ Li jouvènt d’aro an plus que de croio ! disié. Degun respèto plus lis us e li crèire dis ancian. L’obro di paire es, pèr li fiéu, uno obro de dessena que fau desmouli. Lou passat, dison li foutrau que nous an fa dins lis escolo, es l’errour negro e mourtalo; nautre voulèn que l’aveni siegue la verita claro e reviéudarello ! Bèlli fraso, segur; mai qùnti sentimen, bon Diéu ! E pèr metre si sistèmo de saberu manca à l’esprovo, eiciton lou paure mounde en i’ aproumetènt lou paradis sus terro, e fan uno revoulucioun”.

Aqui, patroun Veran regardè Nourat dins lis iue coume pèr quista soun avejaire. Leleno, peréu, s’èro arrestado de passa lou fretadou, coume tóuti li matin, sus la paniero, lou pestrin, l’estagnié e li sèti, enlusi dóu ciéure e brounzi dóu vieiounge, pèr escouta ço que lou jouvenome anavo dire.

— “ Avès resoun, capitàni, d’ahi la revoulucioun; es un mejan brutau que s’emplego raramen sèns crime. Mai, pamens, fau pas trop se lagna dóu cambiamen di goust e dis idèio. De tèms en tèms fau qu’uno raço o qu’uno nacioun fague sang de nòu. Fau pas que la tradicioun siegue uno presoun estrecho d’ounte se pòu plus sourti. Lou pople a besoun de chanja d’èr. E la jouinesso, pièi, saup pas marca lou pas; fau que camine, e davans ”!

Ansin parlè Nourat. Leleno l’atrouvavo forço bèn emparaula, mai ié desagradavo que sis idèio s’endevenguèsson pas just e just em’aquéli de soun paire. Maugrat tout, es em’un sourrire que-noun-sai amistous que ié diguè: “Bon viage, patroun Pignard ! ” quand li dous marinié s’aubourèron pèr parti.

E, quouro Veran l’aguè poutounado à bèlli gauto: “ Vous soucitès pas de la revoulucioun, paire !” ié faguè. “ Quau bèn fai, bèn trovo; e res ausara jamais pourta la man sus vous, sus vosto barco… ni sus vosto fiho.” — “ D’autant mai que se quaucun l’ausavo, ” diguè lestamen Nourat, “sariéu aqui pèr ié roumpre l’esquino ! ” Aquelo rebecado anè au cor de patroun Veran.

—“ Anen ! siés pas tant marrit drole que n’en vos agué l’èr ! ” diguè en prenènt lou jouvènt souto lou bras. E s’adraièron vers lou desbarcadou que lou nego-roumiéu i’esperavo en se bindoussant dins li remoulinado. Quouro lis aguè vist travessa tournamai lou Rose, prendre pèd sus si bastimen e, aguènt desvertouia li maio di pieloun e tira lis ancoulo, prendre la davalado à quàuquis empan l’un de l’autre, dre-quiha sus soun arrié e la man à la barro, Leleno faguè un signe de crous e rintrè dins l’oustau. Meteguè lèu la terraio en ordre e acatè lou fiò emé li cèndre. Acò fa, davans lou mirau dreissè li baneto de sa couifo, ajustè li ple de soun fichu blanc, e pensè à Nourat Pignard en s’atrouvant poulido. Pièi, coume sèt ouro picavon à Sant-Pèiro de Trenco-taio, courreguè vers soun ataié de courduro. Car, dóu tèms que patroun Veran navegavo, d’èstre souleto à soun oustau i’èro vengu en òdi e, aro, emé li chato de soun age, encò de Catarino, óucupavo si journado à faire de coustume d’arlatenco.

 

(1) Lou queirat valié 548 liéuro 16 sòu.

 

Marius Jouveau

 

 

 

LE PORT

 

Quand Madeleine ouvrit sa fenêtre, les étoiles scintillaient encore dans le ciel blanc. Il ne faisait pas encore jour mais les premières clartés de l’aube faisaient courir des reflets d’étain sur le Rhône, et, dans la brume cendrée du matin, on voyait déjà du côté de Trinquetaille, le fourmillement des mariniers au travail.

Les barques étaient nombreuses le long du port couvert de tonneaux, de sacs et de grands tas de grains. Cependant, parmi les gabarres, les allèges et les chalands groupés en rangées, au loin, abandonnés au courant de l’eau avec leurs câbles tendus, la jeune fille aperçut soudain, la « Belle Colombe » et la « Vierge de Cadet-Roc ».

La “ Belle-Colombe ” était prête à partir, et, comme une aile, sa voile latine était dépliée au soleil naissant. Son jeune capitaine ; — était capitaine, à Arles, quiconque avait la moindre barque — Honoré Pignard, était debout au milieu de la belle charge de foin qu’il allait porter à Aigues-Mortes ; et le mousse, Ceset, donnait un dernier coup de chiffon aux apparaux. Honoré Pignard regardait vers Arles. Dans la farandole des maisons qui courraient le long du quai, une lui était familière de ce côté-ci du Portail des Châtaignes. C’était celle qui au coin de la rue Saint-Laurent, avait hors de la toiture, sculpté dans la poutre maitresse, une bête affreuse avec sa tête de tarasque et sa queue en forme de harpon, et qui un peu plus bas protégeait, dans une niche au toit taillé en écaille, une Vierge qu’on appelait, en souvenir peut-être de celui qui la posa, la « Vierge de Cadet-Roc ». C’était la maison de patron Veran. Les ancêtres de ce marinier de vieille souche y étaient nés et décédés. Sa femme également y était morte, il y avait seize ans, la pauvre ! en lui laissant une petite qui tétait encore. C’est pour cela que la maison lui était sacrée ; et cela avait été une fête bien douce, quand son enfant revenue de chez sa nourrice pris la direction du ménage, pas plus haute que trois pommes, mais dégourdie comme pas une.  Madeleine, sa Léleine, comme il disait, s’était mise toute jeune au travail, et patron Veran était fier de sa fille. Il était également fier de sa barque. Le bâtiment lui venait de son grand-père qui l’avait payé argent comptant treize queirat (1), ce qui faisait un peu plus de sept mille libres. Il était on ne peut mieux armé, de la poupe à la proue. Voiles, avirons et cordages, tout y était en bon ordre. Avec amour il le tenait toujours goudronné de frais. C’était tout son capital, et il l’avait baptisé la “ Vierge de Cadet-Roc ” pour qu’un peu de sa maison le suive le long du Rhône et sur l’eau amère.

— Ho ! l’ami ! cria patron Veran en passant près de la Belle-Colombe », tu ne viendrais pas boire un coup avec moi, avant de lever les amarres ?  

Honoré était sur le point de lever les ancres, quand il vit le père de Léleine sauter dans l’annexe pour aller donner un baiser d’au revoir à sa fille.

— “ Ce n’est pas de refus ! ” répondit-il en lâchant le câble ; et, pendant que patron Veran manœuvrait les rames, il monta à l’arrière et pris le gouvernail.

Ils naviguèrent d’abord comme s’ils avaient voulu suivre le vent, mais quand ils eurent pris le courant qui, dans le calme et les tourbillons, vient battre contre les quais d’Arles, le gouvernail droit et les rames à l’arrêt, ils descendirent quasiment au fil de l’eau vers le débarcadère. Ils trouvèrent la porte de la maison ouverte, et Léleine qui les attendait avec un petit pot de café frais sur le feu. Les joues rougies par la timidité ou par les flammes, cette jeune fille faisait plaisir à voir : Honoré la but des yeux.

— “ Ton café embaume petite ” dit monsieur Veran; “ tu auras peut-être deviné que j’amenais un ami ? ”

 

— “ Soit le bienvenu patron Pignard ! ” répondit Léleine de plus en plus rougissante ; “ mais je sais, père, que vous aussi vous n’aimez pas le café allongé ”. Et les deux hommes rirent en se mettant à table. Vive et  adroite, Léleine eut vite fait de sortir les tasses, les cuillères et le sucre.

En un clin d’œil le café fut versé et fuma devant le nez des mariniers. Puis, deux verres à pied et la bouteille d’eau-de-vie vinrent aussitôt s’ajouter au service. Et tout cela propre comme un anneau. Quel plaisir de voir les bonnes manières de cette jeune fille ! Quel plaisir pour un amoureux, dites ! de voir tant de gentillesse chez une belle fille ! Aussi bien, tout en dégustant le café et en croquant les raisins gonflés de marc, Honoré n’écoutait guère les discours du patron Veran. Cependant la voix du vieux capitaine était peu à peu devenue grave :

— “ Les jeunes de maintenant sont trop vaniteux ! disait-il. Personne ne respecte plus les us et les coutumes des anciens. L’œuvre des pères est, pour les fils, une œuvre d’insensé qu’il faut démolir. Le passé, disent les sots que l’école nous a produit, est l’erreur noire et mortelle ; nous-autres nous voulons que l’avenir soit la vérité claire et revivifiante ! Belles phrases, c’est sûr, mais quels sentiments, bon Dieu ! Et pour mettre leurs systèmes de savants manqués à l’épreuve ils excitent le pauvre monde en leur promettant le paradis sur terre, et ils font une révolution”.

Là, patron Veran regarda Honoré dans les yeux, comme pour quêter son avis. Léleine, également, s’était arrêtée de passer le chiffon, comme tous les matins, que la panière, le pétrin et les sièges, luisant de cire et patiné par l’ancienneté, pour écouter ce que le jeune homme allait dire.

— “ Vous avez raison, capitane, d’haïr la révolution; c’est un moyen qui s’emploie rarement sans crime. Mais, cependant, il ne faut pas trop s’inquiéter du changement des gouts et des idées. De temps en temps il faut qu’une race ou qu’une nation fasse du sang neuf. Il ne faut pas que la tradition soit une prison étroite d’où on ne peut plus sortir. Le peuple a besoin de changer d’air. Et la jeunesse, ensuite, sait marquer le pas ; il faut qu’elle marche,  et en avant ! ” 

Ainsi parla Honoré. Léleine trouvait qu’il parlait très bien, mais cela lui déplaisait que ses idées ne correspondent pas tout à fait avec celles de son père. Malgré tout, c’est avec un sourire on ne peut plus amical quelle lui dit :

“Bon voyage, patron Pignard ! ” quand les deux mariniers de levèrent pour partir.

Et, quand Veran l’eut embrassée sur les joues : “ Ne vous souciez pas de la révolution, père !” lui dit-elle. “ Qui fait bien, trouve bien ; et personne n’osera jamais porter la main sur vous, sur votre barque… ni sur votre fille”.

— “ D’autant plus que si quelqu’un osait, ” dit rapidement Honoré, “je serai là pour lui briser les reins ! ” Cette réplique alla droit au cœur de patron Veran.

— “ Allons ! tu n’es pas aussi mauvais garçon que tu veux en avoir l’air ! ” dit-il en prenant le jeune home sous le bras. Et ils prirent le chemin du débarcadère où l’annexe les attendait en se tortillant les remous. Quand elle les eut vus traverser à nouveau le Rhône, prendre pied sur leurs bâtiments  et, ayant déroulé les câbles des bites d’amarrage et tiré les ancres, prendre la descente à quelques empans l’un de l’autre, perché debout sur leur arrière et la main à la barre, Léleine fit un signe de croix et rentra dans la maison. Elle mit rapidement la vaisselle en ordre et éteignit le feu avec les cendres. Ceci fait, devant le miroir elle dressa les petites pointes de sa coiffe, ajusta les plis de son fichu blanc, et pensa à Honoré Pignard en se trouvant jolie. Puis, comme sept heures sonnaient à Saint-Pierre de Trinquetaille, elle courut vers son atelier de couture. Car, pendant que patron Veran naviguait, elle s’ennuyait dans la maison et, maintenant, avec les jeunes filles de son âge, chez Catherine, elle passait ses journées à faire des costumes d’arlésienne.

 

(1)Le queirat valait 548 livres 16 sous.

 

Marius Jouveau