DIMARS 11 DE JANVIÉ 2016

 

SANT PAULIN

 

 

A L'ENDAVANS DI RÈI

 

« Es deman la fèsto di Rèi ! Se li voulès vèire arriba, anas-ié lèu à l’endavans, pichot, e pourtas-ié quaucarèn pèr i’óufri. »

De noste tèms, vaqui, la vèio dóu jour di Rèi, ço que nous disien nòsti maire...

E zóu ! touto la ninèio, lis enfant dóu vilage, partian afeciouna au rescontre di Rèi Mage, que venien à Maiano, emé si page, si camèu e touto sa seguido, pèr adoura l’Enfant Jèsu.

– Ounte es qu’anas, pichot ?

– Anan à l’endavans di Rèi !

E ‘m’ acò, tóutis ensèn, drouloun espeloufi, bloundinèlli chatouneto, emé nòsti caloto e nòstis escloupet, partian sus lou Camin d’Arle, lou cor trefouli de joio, lis iue plen de vesioun. E pourtavian en man, que nous l’avien recoumanda, de fougasso pèr li Rèi, de figo seco pèr li page, emé de fen pèr li camèu.

 

Jour creissènt,

Jour cousènt.

 

La cisampo siblavo : es vous dire que fasié fre, lou soulèu davalavo, fouscarin vers lou Rose. Li riéu èron crespina. La bauco èro brounzido. Di sause desfuia li branco rougejavon. Lou rigau, la petouso sautavon revertiguet, famihié de broco en broco... E se vesié res au champ, aleva quauco pauro véuso que recargavo sus la tèsto soun faudau plen de souquihoun, o quauque vièi espeiandra que gratavo de cacalauso au pèd d’uno sebisso.

– Ounte anas tant tard, pichot ?

– Anan à l’endavans di Rèi !

E la tèsto à l’arrié, fièr coume de galoun, en risènt, en cantant, en courrènt à pèd-cauquet o en fasènt de resquiheto, anavian davans nous-autre, sus lou camin blanquinous, escoubiha pèr l’auro.

Rèn pareissié, que quauque fais d’auriolo empourta pèr lou vènt dins lis estoublo. Coume un vèspre d’ivèr e de janvié, tout èro triste, tout soufrachous e mut.

De fes que i’a, pamens, rescountravian un pastre, amaga dins sa jargo, que venié de garda si fedo...

– Mai ounte anas, pichot, tant tard ?

– Anan à l’endavans di Rèi... Poudrias pas nous dire se soun encaro liuen ?

– Ah ! li Rèi ?... Es verai... Soun eila-darrié que vènon. Tout-aro lis anas vèire.

E de courre, e de courre à l’endavans di Rèi, emé nòsti tourtoun, emé nòsti fougasseto, emé de pougnadoun de fen pèr li camèu.

Pièi lou jour falissié. Lou soulèu, engourga dins un gros nivoulas, s’esvalissié de pau à pau. Li cascai fouligaud moulavon un brisoun. L’auro se refrescavo. E li plus courajous marchavon de-retenoun.

Tout-en-un-cop :

– Vès-lèi !

Un crid de joio folo partié de tóuti li bouco... E la magnificènci de la poumpo reialo esbrihaudavo nòstis iue. Un regiscle, un triounfle de coulour ufanouso, enfioucavo, embrasavo la lono pounenteso. De gros lampias de pourpro flamejavon ; e d’or e de roubis uno miejo-courouno, dardaiant dins lou cèu un ciéucle de long rai, escalustravo l’ourizount.

– Li Rèi ! li Rèi ! vès sa courouno ! vès si mantèu ! vès si drapèu ! vès sa cavalarié ‘mé li camèu que vènon !

E restavian palafica... Mai lèu aquéu trelus, mai lèu aquelo glòri, darriero escandihado dóu soulèu enintra, se foundié, s’amoussavo, à cha pau, dins lou nivo ; e nè, bouco badanto, dins lou campèstre segrenous, nous trouvavian tóuti soulet.

– Ounte an passa li Rèi ?

– Darrié la mountagno.

La machoto fasié miau. La pòu nous agantavo ; e dins lou calabrun nous retour-navian mouquet, en rousigant li tourtoun, li fougasseto emé li figo, que pèr li Rèi avian adu.

Pièi lou jour s’abeissavo. Lou clouchié de Maiano despareissié darrié lis aubre, darrié li grand ciprès, pounchu, que negrejavon ; e vasto e nuso, la campagno pereilalin s’espandissié... Mandavian nòstis iue, tant que poudian, à perdo de visto, mai de-bado !

E quand arribavian, pièi, à nòstis oustau :

– Eh ! bèn, lis avès vist ? nòsti maire nous disien.

– Nàni, an passa d’eila, de la man d’eila, darrié la mountagno.

– Mai que camin avès pres ?

– Lou Camin Arlatan...

– Ha ! mi pàuris agnèu ! li Rèi vènon pas d’aqui. Es dóu Levant que vènon... Pardi ! vous falié prene, eila, lou Camin Roumiéu... Ah ! coume acò ‘ro bèu, s’avias vist, s’avias vist, quand soun intra dins Maiano ! Li tambour, li troumpeto, li page, li camèu, que chaplachòu, moun Diéu !... Aro soun à la glèiso que fan soun adouracioun. Après soupa, lis anarés vèire.

Soupavian vitamen, iéu vers ma grand Nanoun, pièi courrian à la glèiso... E dins la glèiso pleno, pas pulèu èstre intra, l’our-gueno, acoumpagnant lou cant de tout lou pople, entamenavo plan, pièi alargavo fourmidable lou superbe nouvè :

 

De-matin

Ai rescountra lou trin

De tres grand Rèi qu’anavon en vouiage ;

De-matin

Ai rescountra lou trin

De tres grand Rèi dessus lou grand camin.

 

Nous-autre, apetega nous enfaufilavian, entre li coutihoun di femo, enjusquo à la capello de la Nativeta. E aqui, sus l’autar, vesian la Bello Estello ! vesian li tres Rèi Mage, enmantela de rouge, de jaune emé de blu, que saludavon l’Enfant Jèsu : lou rèi Gaspar emé sa bouito d’or, lou rèi Marchoun emé soun encensié, e lou rèi Bautezar emé soun pot de mierro ! Amiravian li galant page que pourtavon la co de si mantèu tirassadou ; pièi li camèu gibous qu’aubouravon la tèsto subre l’Ase e lou Biòu ; la Santo Vierge e Sant Jóusè ; emé, tout à l’entour, sus uno mountagneto de papié mascara, li Pastre, li Pastresso, que pourtavon de fougasso, de panié d’iòu e de bourrasso ; lou Móunié, que carrejavo uno saco de farino ; Deflaudo que fielavo ; lou Ravi que badavo ; l’Amoulaire qu’amoulavo ; l’Oste qu’esperluca durbié soun fenestroun ;  e tóuti li santoun que figuron au Belèn. Lou mai que regardavian èro lou rèi Mouro.

Souvènti-fes, despièi, m’es arriba, quand vèn li Rèi, de m’ana passeja, à jour fali, au Camin d’Arle. Lou rigau e la petouso ié voulastrejon toujour de long di bouissounado, toujour i’a quauque vièi que grato encaro, coume antan, de cacalauso dins la bauco, e la machoto fai toujour miau. Mai dins li nivo dóu couchant iéu vese plus li farfantello, iéu vese plus la glòri ni la courouno di vièi Rèi...

– Ounte an passa li Rèi ?

– Darrié la mountagno.

Ai ! ai ! malancounié, grinour di causo visto, antan, dins la jouinesso ! Pèr grand, pèr bèu que fugue lou païsage couneigu, quand voulèn lou revèire, quand voulèn ié tourna, sèmpre, sèmpre ié manco quaucun o quaucarèn !

 

Frederi Mistral

 

À LA RENCONTRE DES ROIS

 

—  C'est demain la fête des Rois !  si vous voulez les voir arriver, allez vite, petits, à leur rencontre, et emportez quelque chose à leur offrir.

De notre temps, voilà, la veille du jour des Rois, ce que nous disaient nos mères.

Et allez ! Toute la marmaille, les enfants du village, nous partions enthousiastes à la rencontre des Rois Mages, qui venaient à Maillane, avec leurs pages, leurs chameaux et toute leur suite, pour adorer l’Enfant Jésus.

— Où allez-vous, petits ?

— Nous allons à la rencontre des Rois.

Et ainsi, tous ensemble, mioches ébouriffés et blondinettes fillettes, avec  nos béguins d’enfant et nos petits sabots, nous partions sur le Chemin d'Arles, le cœur tressaillant de joie, les yeux pleins de visions. Et nous portions à la main, comme on nous l’avait recommandé, des fougasses pour les Rois, des figues sèches pour les pages, avec du foin pour les chameaux.

 

Jours croissants,

Jours cuisants.

 

La bise sifflait, c'est vous dire qu'il faisait froid. Le soleil descendait, blafard, vers le Rhône. Les ruisseaux  étaient  gelés sur le bord.  L'herbe  était brulée par le froid.  Les  branches Des saules défeuillés rougeoyaient.  Le rouge-gorge,  le roitelet,  sautillaient, folâtres, familiers, de branche en branche... Et l’on ne voyait personne dans les champs,  à part quelque pauvre veuve qui rechargeait sur la tête son tablier plein de branchettes de souches, ou quelque vieux aux vêtements en lambeaux qui ramassait des escargots au pied dune haie.

— Où allez-vous si tard, petits ?

— Nous allons au-devant des Rois !

Et la tête en arrière, fiers comme des jeunes coqs, en riant,  en chantant, en courant à cloche-pied ou en faisant des glissades, nous allions devant nous sur le chemin blanchâtre balayé par le vent.

Puis, le jour déclinait. Le clocher de Maillane disparaissait derrière les arbres, derrière les grands cyprès pointus qui s’assombrissaient ; et la campagne, vaste et nue,  s'étendait au lointain...  Nous portions nos regards aussi loin que nous pouvions, à perte de vue, mais en vain ! Rien n’apparaissait, hormis quelque fagot de centaurée emporté par le vent dans les chaumes. Comme un soir d'hiver et de janvier, tout était triste, tout souffreteux et muet. Quelquefois, cependant, nous  rencontrions un berger qui, enveloppé dans sa cape, venait de garder ses brebis.

— Mais où allez-vous, petits, si tard?

— Nous allons à la rencontre des Rois... Ne pourriez-vous pas nous dire s'ils sont encore bien loin?

— Ah ! oui, les Rois ?... C'est vrai... Ils sont là derrière qui viennent. Tout à l’heure  vous allez les voir.

Et de courir, et de courir, à la rencontre des Rois avec nos gâteaux, nos petites fougasses, avec des poignées de foin pour les chameaux.

Puis, le jour tombait. Le soleil, caché par un très gros nuage,  disparaissait peu à peu. Les rires enjoués baissaient un peu. La bise se rafraichissait et les plus courageux marchaient en se retenant.

Tout à coup

— Les voilà !

Un cri de joie folle partait de toutes les bouches... Et la magnificence de la pompe royale éblouissait nos yeux. Un rejaillissement, un triomphe de couleurs splendides,  fastueuses, enflammait,  embrasait tout le couchant; de gros lambeaux de pourpre flamboyaient; et, une demi-couronne d'or et de rubis, illuminant dans le ciel un cercle de longs rayons, embrasait l'horizon.

— Les  Rois!  les Rois!  voyez leur couronne! voyez leurs manteaux !  voyez leurs drapeaux ! voyez  leur cavalerie avec les chameaux qui viennent !

Et nous demeurions pétrifiés... Mais bientôt cet éclat extraordinaire, mais bientôt cette gloire, dernière percée du soleil couchant, se fondait, s'éteignait peu à peu dans les nues; et, interdits, bouche bée, clans la campagne sombre,  nous nous  trouvions  tout seuls.

—  Où sont passés les Rois ?

— Derrière la montagne.

La chouette miaulait. La peur nous saisissait; et, dans le crépuscule, nous nous en retournions penauds, en grignotant les gâteaux, les galettes et les figues, que pour les Rois nous avions apportés.

Et  quand nous arrivions,  ensuite,  à nos maisons.

— Eh bien ! les avez-vous vus ? nous disaient nos mères.

— Non, ils ont passés là-bas, de l’autre côté de la montagne.

— Mais quel chemin avez-vous pris ?

— Le chemin d’Arles...

—  Ah ! mes pauvres agneaux ! Les Rois ne viennent pas de là. C'est du Levant qu'ils viennent. Pardi, il vous fallait prendre le vieux Chemin de Sain--Rémy... Ah ! comme c’était beau, si vous aviez vu, si vous aviez vu, lorsqu'ils sont entrés dans Maillane ! Les tambours, les trompettes, les pages, les chameaux, quel tintamarre mon Dieu!... Maintenant, ils sont à l’église, où ils font leur adoration. Après souper, vous irez les voir.

Nous soupions vite, - moi, chez ma grand-mère Nanon puis, nous courions à l’église... Et, dans l’église pleine, à peine être entré, l’orgue, accompagnant le chant de tout le peuple, nous entamions, lentement, puis déployions, formidablement, le superbe noël :

 

Ce matin,

J'ai rencontré le cortège

De trois grands Rois qui allaient en voyage;

Ce matin,

J'ai rencontré le cortège

De trois grands Rois dessus le grand chemin.

 

Nous autres, excités, nous nous faufilions, entre les jupons des femmes. jusque à la chapelle de la Nativité, et là, sur l’autel, nous voyions la Belle Etoile! nous voyions les trois Rois Mages, en manteaux  rouge, jaune avec du bleu, qui saluaient l’Enfant Jésus : le roi Gaspard avec sa cassette d'or, le roi Melchior avec son encensoir et le roi Balthazar avec son pot de myrrhe ! Nous admirions les jolis pages qui portaient la queue de leurs manteaux trainants pas terre; puis, les chameaux bossus qui élevaient la tête sur l’Âne et sur le Bœuf, la Sainte Vierge et saint Joseph; avec, tout autour, sur une petite montagne en papier mâchuré, les Bergers, les Bergères, qui apportaient des fougasses, des paniers d'œufs,  des langes; le meunier, qui transportait un sac de farine; la bonne vieille qui filait; le Ravi qui admirait; le Rémouleur qui remoulait; l'Hôtelier les yeux écarquillés qui ouvrait sa fenêtre, et tous les santons qui figurent à la Crèche. Celui que nous regardions le plus c’était le Roi Maure.

Maintes fois, depuis, il m'est arrivé, quand viennent les Rois, d'aller me promener, à jour tombant, sur le Chemin d'Arles. Le rouge-gorge et le roitelet y volètent toujours le long des buissons, toujours il y a quelque  vieux qui cherche encore, comme jadis, des escargots dans l’herbe, et la chouette miaule toujours. Mais, dans les nuages du couchant, je ne vois plus l’éblouissement, je ne vois plus la gloire ni la couronne des vieux Rois...

— Où sont passés les Rois ?

— Derrière la montagne.

Aïe ! aïe !  mélancolie,  tristesse des  choses  vues, jadis, dans la jeunesse ! Si grand, si beau que soit le paysage connu, quand nous voulons le revoir, quand nous voulons y retourner,  toujours, toujours il y manque quelqu'un ou quelque chose !

Frédéric Mistral