DIMARS 11 DE FEBRIÉ 2020

 

 

Nosto Damo de Lourdo

​

​

​

​

​

​

​

​

​

​

​

​

​

​

​

 

 

 

 

 

 

Acò es un raconte que mi faguè moun paire e que dato deis annado 1910. Avié alor trege an.

 

LA VESITO DE MOUSSU LOU CURAT

 

        La bastido de la famiho que li dihien « Lou Grand Vignoun » èro adoursado à-n-un pichoun coulet vira vers l’adré e lèu ensouleia. Lei prat à l’entour fournissien l’erbo pèr lou bestiàri de la fermo.

        Pèr arriba au Vignoun, se venèn de la routo de Senés, fau travessa la ribiero d'Asso sus uno plancho e arriban quàsi de plan jusqu’au davans de l’oustau. Coumo erian à la debuto dóu mes d’avoust, lou blad coupa estènt se, èro lou moumen de lou cauca ; l’iero èro sus un couletoun pèr reçaupre lou mai de vènt poussible pèr ventoula lou blad. De l’oustau à l’iero falié mounta un centenau de mètre. Moun grand e seis enfant avien coumença de cauca. Lou muou, atela au roulèu de pèiro, viravo plan-plan  sus l’iero pèr faire toumba lei gran de blad de l’espigo en leissant lei poussié s’envoula subre lou ventaire.

        Ero quàsi quatre ouro de l’après-dina quand ma grand veguè arriba Moussu lou curat qu'en venènt de passa l’Asso prenié lou camin pèr veni faire vesito à la famiho. Ma grand diguè : « Tè, Moussu lou curat vèn nous faire vesito » e cridè au capelan : « Intras, e farés coumo sabès.  Finissèn la passo e descendren pèr faire lou quatre ouro ». Lou curat li faguè un signe de la man e respoundè : « Siéu pas pressa, vous espèri ». A soun abitudo, intrè dins la cousino, veguè l’oulo sus lou fue e durbè lou pouele pèr carga un trounc de bouas dins lou fougau ; e coumo s'èro panca dina, prenguè un sietoun, durbè la mastro e agantè un pan,  si n’en coupè uno bouano lesco, la metè dins lou sietoun, descurbè l’oulo, emé la loucho prenguè de bouioun, arrousè la lesco pèr la faire béure puei s’istalè e coumencè de manja. A-n-aquéu moumen la famiho arribè pèr faire lou « goustaroun ».

        Quouro ma maire veguè Moussu lou curat à taulo li demandè ce que mastegavo. Lou curat li respoundè : « Ai vist que l’oulo tubavo e mi siéu di : la soupo es caudo, n’en vau prendre un sietoun en esperant ». Alor ma grand si metè à s’escacalassa e dreissant lei bras en l’èr cridè : « Ah ! Bèu bouan Diéu !... Moussu lou curat vèn de manja lei lavagno dóu pouarc ! » e tóutei si metèron à rire. Lou capelan, sousprés, respoundè : « Ah!... es pèr acò que l’ai trouva un pau claret. »

        Aquéu sant ome de curat èro bèn paure e manjavo pas tóutei lei jour. Urousamen que lei parrouquian, chascun à soun tour li pourtavon un pau de mangiho. Avié ges de sòu e cargavo de-longo sa vièio soutano touto chirounado, e quouro passavo au soulèu se li vesié coumo un cèu d’estiéu, la nue, clafi d’estello.

        Moun paire disié : « Aquéu marrias, es la fe que lou tèn dre ».

        Pèr acò, ma grand agantè un panié e li metè uno bello lesco de jamboun, uno dougeno d’uou, un saquetoun de nouei, de froumàgi de cabro que fasié elo-memo.

        Lou capelan après lei remerciamen s’en retournè à Barrèmo.

Enri Rouvier, Lou Grihet Barremen Febrié 2016

 

LA VISITE DE MONSIEUR LE CURÉ

 

Ceci est une histoire que me raconta mon père et qui date des années 1910. Il avait  alors treize ans.

​

        La ferme de la famille que l’on appelait « La Grande Vigne » était adossée à une petite colline tournée vers le sud et vite ensoleillée. Les prés à l’entour fournissaient l’herbe pour les bêtes de la ferme.

            Pour arriver au Vignon, si l’on vient de la route de Senez, il faut traverser la rivière l’Asse sur une planche et on arrive presque devant la maison. Comme on était au début du mois d’août, le blé coupé étant sec, c’était le moment de le fouler, l’aire était sur un petit collet pour recevoir le plus de vent possible pour aérer le blé. De la maison à l’aire il fallait monter une centaine de mètres. Mon grand-père et ses enfants avait commencé à fouler les gerbes. Le mulet, attelé au rouleau de pierre, tournait doucement sur l’aire pour faire tomber les grains de blé de l’épi en laissant le poussier s’envoler sur l’aire.

            Il était presque quatre heures de l’après-midi quand ma grand-mère vit arriver Monsieur le curé qui en venant de passer l’Asse prenait le chemin pour venir faire une visite à la famille. Ma grand-mère dit : « Tiens, Monsieur le curé vient nous rendre visite » et elle cria au curé : « Entrez et faites comme chez vous. Nous finissons le tour et nous descendrons pour le quatre-heures ». Le curé fit un signe de la main et répondit ; « Je ne suis pas pressé, je vous attends ». Comme à son habitude il entra dans la cuisine, il vit la marmite sur le feu et ouvrit le poêle pour y mettre une bûche ; et comme il n’avait pas encore déjeuné, il pris une assiette, il ouvrit la maie et pris un pain, il s’en coupa une bonne tranche, la mit dans l’assiette, ouvrit la marmite, avec la louche il prit du bouillon, il arrosa la tranche pour la faire boire puis il s’installa et commença à manger. A ce moment la famille arriva pour faire le goûter.

            Quand ma mère vit Monsieur le curé à table elle lui demanda ce qu’il mangeait. Le curé lui répondit : « J’ai vu que la marmite fumait et je me suis dit : la soupe est chaude, je vais en prendre une assiette en attendant ». Alors ma grand-mère éclata de rire et levant les bras en l’air elle cria : «  Ah ! Mon Dieu !... Monsieur le curé vous venez de manger l’eau de vaisselle du porc ! » et tous se mirent à rire. Le curé, surpris, répondit : « Ah !... c’est pour cela que je l’ai trouvée un peu claire. »

            Ce saint homme de curé était bien pauvre et ne mangeait pas tous les jours. Heureusement que les paroissiens, chacun à leur tour, lui portaient un peu de nourriture. Il n’avait pas d’argent et portait sans-arrêt sa vieille soutane toute mitée, et quand il passait au soleil on voyait comme un ciel d’été, la nuit, rempli d’étoile.

Mon paire disait : « Ce pauvre bougre, c’est la foi qui le tient debout ».

            Pour cette raison, ma grand-mère attrapa un panier et y mit une belle tranche de jambon, une douzaine d’œufs, un petit sac de noix, des fromages de chèvre qu’elle faisait elle-même.

            Le curé après avoir remercié s’en retourna à Barrême

        

                                   Henri Rouvier, Le Grillon de Barrême - Fevrier 2016

​

​

 

 

​

​

​