SANT SÈRGI

 

 

 

 

SE TI FA PAS GAU, TI FARA PAS MAU (Maritime)

 

 

Lei bèllei campagno e leis àutei mountagno si despoplon. Manco lou travai. Em’ acò quàuqueis-un si van louga coumo oubrié d'usino dins lei vilo. Aqui, li trovon uno autro vido. Si sènton soulet dins d'oustau grandaras, soulet au mitan de la foulo. Puei, ti fau courre darnié lei bus, perdre un tèms estraourdinàri dins lei desplaçamen, leis encoumbramen, lei tap, ei crousamen, au mitan dei siblet deis agènt que brassejon, dei fum escupi pèr lei pot d'escapamen e de la bramadisso.

Mai li a pas que de marrìdei cauvo e ce que perdes d'un coustat, va gagnes de l’autre. Coumo si dis : « acò tapo acò ».

Aro leis inmoble an tout ce que fau : caufage centrau, salo de ban, cousino equipado. As tout à pourtado de man : leis escolo, lei burèu, lei banco, lei medecin, leis espetacle. Lou dimenche pouas ana à l’estade vèire la partido de baloun o de « rugby ». Li a encaro lei courso de chivau e meme, dins d'endré, de buou.

Puei si poudèn croumpa ce que voulèn. Avèn tóutei lei magasin: lei supermarcat, lei boulanjarié, boucharié, pastissarié, espissarié; avèn peissounié, charcutié, trataire. Sus lei plaço vo leis esplanado e long deis avengudo, li a lei marcat que se li vènde mens car. As tóutei lei mestierau pas luen : pegot, mecanician, couifur, ploumbié, gipié etc...

Se ti vouas sapa, as que de chausi. Lei vitrino soun clafido de vièsti que ti dien : « croumpo-mi », jupo de coutoun, de lano, de velout, debas de sedo, de niloun ; raubo, camiseto, tricot, coursage, vèsto, mantèu, fourruro... soulié, boto, escarpin, causseto...

As que de croumpa... s'as de sòu... Mai se n'en siés sènso... hé bèn ! Se ti fa pas gau, ti fara pas mau.

 

 

 

SE TE FAI PAS GAU, TE FARA PAS MAU   (Roudanen)

 

Li bèlli campagno e lis àuti mountagno se despoplon. Manco lou travai. Em’ acò quàuquis-un se van louga coume oubrié d'usino dins li vilo. Aqui, ié trovon uno autro vido. Se sènton soulet dins d'oustau grandaras, soulet au mitan de la foulo. Pièi, te fau courre après li bus, perdre un tèms espetaclous dins li desplaçamen, lis encoumbramen, li tap, i crousamen, au mitan di siblet dis agènt que brassejon, di tubèio escupido pèr li pot d'escapamen e de la bramadisso.

Mai i’a pas que de marrìdi causo e ço que perdes d'un coustat, lou gagnes de l’autre. Coumo si dis : « acò tapo acò ».

Aro lis inmoble an tout ce que fau : caufage centrau, salo de ban, cousino equipado. As tout à pourtado de man : lis escolo, li burèu, li banco, li medecin, lis espetacle. Lou dimenche pos ana à l’estàdi vèire la partido de baloun o de « rugby ». I’a tambèn li courso de chivau e meme, dins de rode, de biòu.

Pièi se poudèn acheta ço que voulèn. Avèn tóuti li magasin: li supermarcat, li boulanjarié, boucharié, pastissarié, espissarié; avèn peissounié, charcutié. Sus li plaço o lis esplanado e long di balouard, i’a li marcat que si ié vènd mens car. As tóuti li mestierau pas liuen : courdounié, mecanician, couifur, pintre, ploumbié, gipié.

Se te vos abiha de bèu, as que de chausi. Li vitrino soun clafido de vièsti que te dison : « achèto-me », jupo de coutoun, de lano, de velout, debas de sedo, de niloun ; raubo, camiseto, tricot, coursage, vèsto, mantèu, fourraduro... soulié, boto, escarpin, causseto...

As que de croumpa... s'as de sòu... Mai se n'en siés sènso... hé bèn ! Se te fai pas gau te fara pas mau.

 

 

Pèire VOULAND – Parlèsses clar

 

 

 

 

SI ÇA NE TE FAIT PAS DU BIEN, ÇA NE TE FERA PAS DE MAL  

 

 

Les belles campagnes et les hautes montagnes se dépeuplent. Il n’y a pas de travail. Ainsi certains vont de faire embaucher comme ouvriers d’usine. Là, ils y trouvent une autre vie. Ils se sentent seuls dans de grandes maisons, seuls au milieu de la foule. Puis, il te faut courir après les bus, perdre un temps extraordinaire dans les déplacements, les encombrements, les bouchons, aux croisements, au milieu des sifflets des agents qui agitent les bras, des fumées crachées par les pots d’échappement et des cris.    

Mais il n’y a pas que de mauvaises choses et ce que tu perds d’un côté tu le gagnes de l’autre. Comme on dit :  « cela compense cela »

De nos jours les immeubles ont tout ce qu’il faut ; chauffage central, salle de bains, cuisine équipée. Tu as tout à portée de main : les écoles, les bureaux, les banques, les médecins, les spectacles. Le dimanche tu peux aller au stade voir les matchs de football ou de rugby. Il y a  aussi les courses de chevaux et, dans certains endroits, de taureaux.

Puis on peut acheter ce que l’on veut. On a tous les magasins : les supermarchés, les boulangeries, boucheries, pâtisseries, épiceries, nous avons poissonniers, charcutiers. Sur les places ou les esplanades et le long des boulevards, il y a les marchés où l’on vend moins cher. Tu as tous les artisans pas loin : cordonniers, mécaniciens, coiffeurs, peintres, plombiers, plâtriers.

Si tu veux bien t’habiller, tu as le choix. Les vitrines sont pleines de vêtements qui te disent « achète-moi », jupes de coton, de laine, de velours, bas de soie, de nylon ; robes, chemisettes, tricots, corsages, vestes, manteaux, fourrures… souliers, bottes, escarpins, chaussettes…

Tu n’as qu’à acheter… si tu as des sous… Mais si tu n’en as pas… hé bien ! Si ça ne te fait pas de bien, ça ne te fera pas de mal.

 

 

 

 

 

 

 

SE NOUN TI FA DE BÈN, NOUN TI FARÀ DE MAU   (Nissart)

 

Li belli campagna e lis auti mountagno se despoplon. Manca lou travai. Tambèn n’i’a que si van emplegà couma oubrié d'usina en li vila. Aquì, li trovon un’ autra vida. Si sènton soulet dintre de maiounassa, soulet au mitan de la foula. Pì, ti cau courre darrié lu car, pèrdre touplen de tèms en lu desplaçamen, lu encoumbramen, ai quatre camin au mitan dei sublet dei agènt que brassèjon, dóu fum escupit dai pot d'escapamen e dei brame.

Ma li a pas que de marridi caua e cen que pèrdes d'un coustat, lou gàgnes de l’autre. Couma si di : « acò tapa acò ».

Ahùra li maioun an tout cen que cau : escaufage central, sala de bagne, couhina equipada. As tout à pourtada de man : li escola, lu burèu, li banca, lu medecin, lu espetacle. Lou dimènegue pouòdes anà à l’estadi vèire la partida de baloun o de « rugby ». Li a finda li coursa de cavau e meme, en de luèc, de bòu.

Pì se poudèn acheta cen que voulèn. Avèn toui lu magasin: lu super-marcat, li boulangerìa, pastissarìa, coumestible. Avèn marchand de pèi, charcutié. Sus li plaça o li esplanada o lou lonc dei boulevar, li a lu marcat doun si vènde plus bouòn pàti. As toui lu mesteiran: couafur, pintre, ploumbié, muradou, gipié, etc.

Se vouòs èstre bèn vestit, as que de chausi. Li vitrina soun remplidi de vestit que te dìhon : « crompe-mi », coutihoun de coutoun, de lana, de velut, de bas de seda, de niloun ; rauba, camiheta, maia, bas, coursage, vèsta, mantèu, pelissa, soulié, bota, escarpin.

As que de croumpà... s'as de sòu... Ma se nen siès sènsa... Se noun ti fà de bèn, noun ti farà de mau.