– COUNJUGUESOUN –
Pèr d'ajudo, si repourta à la Gramatico dóu Verbe de Jan-Lu Domenge, pajo 32 (pèr lou futur) e 28 (pèr l'imperfèt)
1. Reescriéure aquélei fraso au futur de l'indicatiéu :
– Encuei, vau mi proumena dins la coualo. Sìbli moun chin, prèni moun bastoun e zou !.. la biasso en bricolo, pàrti. Camìni, cóurri, sàuti lei baragno, m'arrèsti, nìfli lei sentour dóu plantun puei, quand pouàdi, acàmpi de pignen : s'un còup n'en tròvi un, lou cóupi au pèd 'mé lou coutèu, lou netèji un pau e lou jìti dins un panié.
--o--o--
2. La memo cauvo, mai à l'imperfèt de l'indicatiéu :
– Chasque jour, Martin parte sus soun velò. Es uno passien que li duro despuei cinq an. Dimenche ourganison uno courso impourtanto. Espèro bèn èstre dei proumié à passa la ligno d'arrivado, tambèn s'entreino coumo un desrata, manjo que de poudro chimico que t'an ni goust ni gousto, buou (ou bèu) d'aigo de pous e souarte plus lou sero entre ami.
Jusco la nue n'en pantaio : mounto en sello, filo coumo lou vènt, pedalo tant qu'a de cambo, enfin lanço l'esprint e lèvo lei bras en champioun !
COURREGI
1. – Deman, anarai mi proumena dins la coualo. Siblarai moun chin, prendrai moun bastoun e zou !.. la biasso en bricolo, partirai. Caminarai, courrirai, sautarai lei baragno, m'arrestarai, niflarai lei sentour dóu plantun puei, quand poudrai, acamparai de pignen : s'un còup n'en tròvi un, lou couparai au pèd 'mé lou coutèu, lou netejarai un pau e lou jitarai dins un panié.
--o--o--
2. – Chasque jour, Martin partié sus soun velò. Èro uno passien que li duravo despuei cinq an. Dimenche ourganisavon uno courso impourtanto. Esperavo bèn èstre dei proumié à passa la ligno d'arrivado, tambèn s'entreinavo coumo un desrata, manjavo que de poudro chimico que t'an ni goust ni gousto, bevié d'aigo de pous e sourtié plus lou sero entre ami.
Jusco la nue n'en pantaivo : mountavo en sello, filavo coumo lou vènt, pedalavo tant qu'avié de cambo, enfin lançaco l'esprint e levavo lei bras en champioun !